როგორ ვებრძოლოთ ინტოქსიკაციას ბავშვებში
ნევროლოგიურ დარღვევებს თერმორეგულაციის ცვლილებით, სისხლძარღვოვან უკმარისობასა და წყალმარილოვან დისბალანსს. როგორ შევაჩეროთ ორგანიზმის ინტოქსიკაცია, როგორ აღვადგინოთ მისი დარღვეული ფუნქციები? ამის შესახებ გვესაუბრება ინფექციონისტი რუსუდან ჭელიძე.
-ქალბატონო რუსუდან, რამ შეიძლება გამოიწვიოს ჩვილებში ინტოქსიკაცია?
- ჩვილ ბავშვთა ასაკში ნებისმიერი მწვავე ინფექციური დაავადება, განურჩევლად იმისა, ვირუსული იქნება თუ ბაქტერიული, ორგანიზმის ზოგადი ინტოქსიკაციით მიმდინარეობს.
რესპირატორული ანუ სასუნთქი გზების დაავადებათა ტოქსიკური ფორმები გამოწვეულია ვირუსული და ვირუსულ-ბაქტერიული ასოციაციებით, ხოლო ნაწლავთა დაავადების დროს წამყვანია ენტეროპათოგენური გრამუარყოფითი ფლორა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
იმისდა მიხედვით, თუ საიდან შეიჭრება ინფექცია ორგანიზმში და სად დაიბუდებს (სად ექნება პირველი კერა), თავს იჩენს ან სასუნთქი, ან საჭმლის მომნელებელი სისტემის დაზიანების კლინიკური ნიშნები.
ტოქსიკოზი რომ განვითარდეს, ამისთვის გამომწვევის ორგანიზმში შეჭრა, თუნდაც მასიური, არ არის საკმარისი. აუცილებელია, ინფექციურ აგენტს ჰქონდეს ტროპიზმი. მხოლოდ მაშინ რეალიზდება, როდესაც ბავშვის ორგანიზმს აქვს მომეტებული მგრძნობელობა. ამ უკანასკნელის ხარისხის მიხედვით, ტოქსიკოზი მსუბუქად, საშუალოდ ან მძიმედ მიმდინარეობს.
ორგანიზმის მომეტებული მგრძნობელობის მიზეზებია:
- იმუნური სისტემის ჩამოუყალიბებლობა, უმწიფრობა;
- მემკვიდრეობითი განწყობა;
- თანდაყოლილი იმუნოდეფიციტური მდგომარეობა.
- რა ნიშნებით ვლინდება ორგანიზმის ინტოქსიკაცია?
- ტოქსიკოზის ტიპური მიმდინარეობისთვის დამახასიათებელია გენერალიზებული რეაქციებისა და პათოლოგიური პროცესის ორგანული ლოკალიზაციის მონაცვლეობა.
ტოქსიკოზის სიმძიმის კვალობაზე (მსუბუქია, საშუალო თუ მძიმე) მეტ-ნაკლებად არის გამოხატული შემდეგი ნიშნები:
- ზოგადი სისუსტე, ადინამია, ძილად მივარდნა;
- ხასიათის, გუნება-განწყობის ცვლილება, აგზნება, ჭირვეულობა;
- ძილის დარღვევა: დღისით ზედმეტი ძილიანობა, ღამით კი უძილობა;
- გულისრევის შეგრძნება, პირღებინება;
- ტემპერატურული რეაქცია.
თუ პატარას ეს ნიშნები გამოაჩნდა, მშობლებმა დაუყოვნებლივ უნდა მიმართონ ექიმს. ტოქსიკოზს ყოველთვის სჭირდება სწრაფი მოქმედება და ეტაპობრივი, კომპლექსური მკურნალობა.
- როგორ ხდება ტოქსიკოზის მკურნალობა?
- ტოქსიკოზის მკურნალობა ანუ დეზინტოქსიკაციური თერაპია ბავშვებს სტაციონარში უნდა ჩაუტარდეთ. მდგომარეობის სიმძიმის შესაბამისად, ავადმყოფს ათავსებენ ან სომატურ ან ინფექციურ განყოფილებაში, ან უშუალოდ რეანიმაცია-ინტენსიური თერაპიის განყოფილებაში. მკურნალობა გულისხმობს სისხლძარღვოვანი, ნევროლოგიური, მეტაბოლური დარღვევების აღდგენას, ასევე - უჯრედული ჰიპოქსიის (ჟანგბადის უკმარისობის), ენერგეტიკული რესურსების დეფიციტისა და მისი შედეგების - ტვინის შეშუპების, თირკმელზედა ჯირკვლის მწვავე უკმარისობის - პროფილაქტიკასა და მკურნალობას.
გადასასხმელი სითხის ოდენობა დაკარგულის ოდენობის მიხედვით განისაზღვრება. წვეთების სიჩქარე დამოკიდებულია ტოქსიკოზის ხარისხზე, ასევე - თვით სითხის შემადგენლობას.
ინფუზიური თერაპიის დროს აუცილებელია ლაბორატორიული სისხლის ბიოქიმიური მაჩვენებლების კონტროლი.
დეზინტოქსიკაციური, ინფუზიური თერაპიის მთავარი პრინციპია ყველა ღონისძიების განხორციელება ნაბიჯ-ნაბიჯ, თანმიმდევრობით, რათა თავიდან იქნეს აცილებული ყველა შესაძლო გართულება. საბოლოო შედეგი დამოკიდებულია იმაზე, დროულად დაიწყება თუ არა მკურნალობა, ადეკვატურად შეფასდება თუ არა მდგომარეობა და სწორად შეირჩევა თუ არა სამკურნალო მეთოდები.
