კოლაჟი
.
გერმანიაში თვალის ახალი ტიპის პროთეზი შექმნეს
რეინ-ვესტფალიის ტექნიკურ უნივერსიტეტში, რომელიც გერმანიის ქალაქ აახენში მდებარეობს, მიკროელექტონული სისტემების სპეციალისტებმა შექმნეს თვალის ახალი ტიპის პროთეზი - EPIRET 3. პროთეზმა უკვე გაიარა გამოცდა - ის წარმატებით ჩაუსვეს ექვს მოხალისეს, რომლებმაც რამდენიმე წლის წინ დაკარგეს თვალისჩინი. პროთეზის ჩასმის შემდეგ მეცნიერები ბადურას რამდენიმე კვირის განმავლობაში აკვირდებოდნენ. თანდათან პაციენტებმა საგნების გარჩევა დაიწყეს.
ამჟამად მეცნიერები ცდილობენ, გაახანგრძლივონ პროთეზის ექსპლუატაციის ვადა. თუ იმპლანტანტს კამერასაც დაამატებენ, ადამიანი რადიოსიგნალების საშუალებით შეძლებს გარემოში ორიენტირებას.
გერმანიის ფედერაციული რესპუბლიკის განათლების სამინისტროს მონაცემებით, სამ მილიონამდე კაცს თვალის ბადურას პიგმენტოზი აქვს. პიგმენტოზი მხედველობას თანდათანობით ასუსტებს და შესაძლოა, საქმე სრული სიბრმავითაც კი დასრულდეს. საწყის სტადიაში თვალის პროთეზის ჩასმა ჯერ კიდევ შეიძლება.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
EPIRET 3 უსადენო კვების რეჟიმში მუშაობს, რაც ოპერაციის ხანგრძლივობას ამცირებს.
დელიკატური საკითხი
სათესლე ჯირკვლის პროთეზირება მართლაც მეტისმეტად დელიკატური საკითხია, მაგრამ როდესაც სხვა გზა არ არის, მამაკაცი იძულებულია, სიმორცხვეს სძლიოს და პრობლემის შესახებ ხმამაღლა განაცხადოს.
სათესლე ჯირკვალი შეიძლება დაიკარგოს ტრავმის, ამ ორგანოს ტუბერკულოზის, სიმსივნის, ატროფიის, კრიპტორქიზმის გამო. ასეთ შემთხვევებში პლასტიკური ქირურგია მამაკაცებს ჯირკვლის პროთეზირებას სთავაზობს. პროთეზი მზადდება სილიკონისგან ან მთლიანად ჟელეთია სავსე. ხარისხიანი იმპლანტანტი ბუნებრივი ორგანოსგან არაფრით განსხვავდება. მას გლუვი ზედაპირი აქვს და ტრავმისადმი მედეგია. ზომა, რაღა თქმა უნდა, ინდივიდუალურად შეირჩევა.
სათესლე ჯირკვლის პროთეზირებას უკუჩვენებებიც აქვს: სილიკონის ინდივიდუალური აუტანლობა, ინფექციური და ანთებითი დაავადებები. ამ შემთხვევაში პაციენტი ჯერ ინფექციური პროცესისგან უნდა განიკურნოს და მხოლოდ ამის შემდეგ დაისახოს პროთეზირების გეგმა.
ოპერაცია ადგილობრივი ან ზოგადი ანესთეზიით ტარდება და დაახლოებით 30 წუთს გრძელდება. ოპერაციის შემდეგ პაციენტი სტაციონარში რამდენიმე საათს, მაქსიმუმ ერთ დღე-ღამეს დაყოფს.
ხელის პროთეზი რაკეტის ძრავით
ამერიკელმა მეცნიერებმა შექმნეს ხელის პროთეზი, რომელიც მინიატურული რაკეტის ძრავაზე მუშაობს.
პროთეზს შეუძლია, ასწიოს 10 კგ წონის ტვირთი, რაც ჩვეულებრივი მოდელების შესაძლებლობებს 3-4 ჯერ აღემატება. გარდა ამისა, ახალი "ხელი" 4-ჯერ უფრო სწრაფია. პროთეზის თითებს შეუძლიათ, ერთმანეთისგან დამოუკიდებლად იმუშაონ. დაბოლოს, ხელოვნური ხელი 18 საათის განმავლობაში უწყვეტად მოგემსახურებათ - სხვა თანამედროვე პროთეზებისგან განსხვავებით, რომელთა ბატარეები არც ისე მძლავრია, ახალ მოდელს ამუშავებს ერთკომპონენტიანი სარაკეტო ძრავის შემცირებული მოდელი, რომელსაც წინათ კოსმოსური რაკეტებისთვის იყენებდნენ.
მოწყობილობა დაახლოებით ფანქრისოდენაა. ის აღჭურვილია სპეციალური კატალიზატორით, რომლის ზემოქმედებით წყალბადის ზეჟანგი იწვის, ხოლო გამოყოფილი აირი აღებს და ხურავს სარქვლებს, რომლებიც სახსრებს უერთდება.
ბიონური ხელის პროთეზი უკვე იყიდება
ბრიტანულმა კომპანია Touch Bionics-მა განაცხადა, რომ მის მიერ შემუშავებული ბიონის ხელის პროთეზს უკვე 70 ადამიანი იყენებს. პროთეზი ხელის მტევანსა და თითებს აძლევს იმ მიკროელექტრული სიგნალების მართვის საშუალებას, რომლებიც კუნთების შეკუმშვისას წარმოიშობა. ბიოპროთეზი აღჭურვილია სილიკონის ხელთათმანით, რომელიც კანის ფერისა და ფაქტურის იმიტაციას ქმნის.
ბიონური პროთეზები პირველად გახდა კომერციული პროდუქტი. აქამდე მათი მხოლოდ თითო ეგზემპლარი მზადდებოდა, რაც სრულიად არ არის გასაკვირი, თუ გავითვალისწინებთ, რომ ბიონური ხელი 18 ათასი დოლარი ღირს.
