მარიამ ფოლადაშვილი

ოთხი წლის განმავლობაში D ვიტამინის დანამატების მიღებამ შეანელა დაბერება თითქმის სამი წლით.

კვლევა მოიცავდა D ვიტამინის დანამატების დონეს, რომელიც ითვლება უსაფრთხოდ, მკვლევარების გაფრთხილებით ძალიან ბევრი D ვიტამინი შეიძლება იყოს ტოქსიკური.

კლინიკური კვების ამერიკულ ჟურნალში, რანდომიზებული კვლევის შედეგები გამოქვეყნდა, რომელშიც მონაწილეობდა 50 წელზე მეტი ასაკის 1000 ზრდასრული ადამიანი. კვლევის მიხედვით, D ვიტამინის ყოველდღიური დოზები ხელს უწყობს ტელომერების შენარჩუნებას - დამცავი ქუდები ქრომოსომების ბოლოებზე.

ეს უახლესი ანალიზი არის D ვიტამინისა და ომეგა-3 დიდი კვლევის ნაწილი, რომელმაც უკვე აჩვენა D ვიტამინის სარგებელი ანთების შესამცირებლად და დაბერების გარკვეული ქრონიკული დაავადებების რისკის შემცირებაში, როგორიცაა კიბო და ავტოიმუნური დაავადებები.

როგორ ეხმარება დნმ-ის გარკვეული ცვლილებების პრევენცია დაბერებას?

ორგანიზმში ტელომერები ხელს უშლიან ქრომოსომების გაუარესებას.

ყოველ ჯერზე, როდესაც უჯრედები იყოფა, ტელომერები ოდნავ მცირდება. როდესაც ტელომერები ძალიან მოკლეა, დნმ-ი შესაძლოა დაზიანდესდა გამოიწვიოს უჯრედების სიკვდილი.

მეცნიერები, რომლებიც ატარებდნენ ამ კვლევას, დაინტერესდნენ D ვიტამინისა და ომეგა-3 ცხიმოვანი მჟავების შესწავლით, რადგან წინა კვლევებმა აჩვენა, რომ ამ საკვები ნივთიერებების დამატებამ შესაძლოა ხელი შეუწყოს ტელომერების გამძლეობას.

მკვლევარებმა დაადგინეს, რომ D3 ვიტამინის დანამატებმა მნიშვნელოვნად შეამცირა ტელომერების შემცირება ოთხი წლის განმავლობაში, რაც ხელს ანელებს დაბერებას თითქმის სამი წლით.

ომეგა -3 ცხიმოვანი მჟავების დანამატებს არ ჰქონდათ მნიშვნელოვანი გავლენა ტელომერების სიგრძეზე შემდგომი დაკვირვების განმავლობაში. ეს არ ნიშნავს იმას, რომ ომეგა -3-ს სარგებელი არ მოაქვს, ეს საკვები ნივთიერება გულ-სისხლძარღვთა დაავადებების პროფილაქტიკის, ინფარქტისა და ინსულტის რისკის შემცირებასთან ასოცირდება.

თუმცა, D ვიტამინის გადაჭარბებულმა რაოდენობამ შეიძლება გამოიწვიოს სისხლში და შარდში კალციუმის მაღალი დონე, ხოლო კალციფიკაცია შეიძლება მოხდეს სისხლძარღვებში და რბილ ქსოვილებში. მეგა დოზებმა ასევე შეიძლება გამოიწვიოს ტოქსიკურობა. დოზის განსაზღვრა ხდება ინდივიდუალური საჭიროების მიხედვით.

დიეტური დანამატის მიღება არ იქნება ჯანსაღი სწორი კვებისა და ცხოვრების ჯანსაღი წესის გარეშე.

D ვიტამინით მდიდარი საკვები მოიცავს:

• თევზს;
• კვერცხს;
• რძის პროდუქტებს;
• ფორთოხლის წვენს