ამერიკელს 18 წლის განმავლობაში შეჰყავდა საკუთარ სხეულში გველის შხამი ანტიდოტის შექმნის მიზნით
პრეპარატი ეფუძნება ანტისხეულებს, რომლებიც მიღებული იქნა აშშ-ს მოქალაქის, ტიმ ფრიდის სისხლიდან. ის 18 წლის განმავლობაში განზრახ ექვემდებარებოდა შხამიანი გველების, მათ შორის კობრებისა და მამბას ნაკბენებს.
კვლევის შედეგები გამოქვეყნდა ჟურნალში Cell.
ახალმა წამალმა უკვე დაამტკიცა თავისი ეფექტურობა თაგვებზე ჩატარებულ ექსპერიმენტებში, რაც უზრუნველყოფს ჯანდაცვის მსოფლიო ორგანიზაციის კლასიფიკაციის მიხედვით გველის ყველაზე საშიში 19 სახეობიდან 13-სგან სრულ დაცვას. ტრადიციული ანტიდოტისგან განსხვავებით, რომლებიც წარმოიქმნება ცხენების ან ცხვრის იმუნიზაციის შედეგად და ხშირად იწვევს მძიმე გვერდით მოვლენებს, ახალი მიდგომა უფრო მრავალმხრივი და უსაფრთხო აღმოჩნდა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მკვლევარებმა გააანალიზეს მამაკაცის სისხლი და გამოავლინეს ყველაზე ეფექტური ანტისხეულები, რის შემდეგაც მათ დაამატეს ფორმულაში მცირე-მოლეკულა ინჰიბიტორი. საბოლოო პრეპარატი შედგება სამი კომპონენტისგან: LNX-D09 ანტისხეული ანეიტრალებს გველის ექვსი სახეობის შხამს, ვარესპლადიბის მოლეკულა ანეიტრალებს კიდევ სამს და SNX-B03 ანტისხეული ნაწილობრივ აფართოებს მოქმედების სპექტრს ტესტირებული ჯგუფის 19-ვე სახეობაზე.
შემდეგი ნაბიჯი იქნება ავსტრალიაში ძაღლებზე ტესტირება, სადაც გველის ნაკბენი ხშირ საფრთხეს წარმოადგენს. სამომავლოდ მკვლევარები გველგესლების წინააღმდეგ მსგავსი საშუალების შემუშავებას გეგმავენ.
პროექტის ლიდერმა, იმუნოლოგმა ჯეიკობ გლენვილმა ხაზი გაუსვა ჰიპერიმუნური დონორის ანტისხეულების გამოყენების მეთოდის მნიშვნელობას: „ეს მიდგომა შეიძლება გამოყენებულ იქნას არა მხოლოდ გველის შხამის წინააღმდეგ, არამედ ბაქტერიული ტოქსინებისა და ქიმიური მოწამვლის წინააღმდეგ წამლების შესაქმნელად“.
როგორ დავიცვათ თავი ზაფხულში გველის ნაკბენებისას
ზაფხულში ბუნებასთან ჩვენს აქტიურ ურთიერთობას ზოგჯერ უსიამოვნო მოვლენებიც სდევს თან.
კარგი იქნება, თუ ინფორმირებული ვიქნებით თითოეული შემთხვევის შესახებ და გვეცოდინება სწორად მოქცევის წესები:
გველის ნაკბენი
ამ დროს ორგანიზმში ხვდება შხამი, რის შედეგადაც შეიძლება განვითარდეს მძიმე ალერგიული რეაქცია, ძლიერი ანთება და ლეტალური გამოსავალიც კი.
საშიში და საყურადღებოა არაშხამიანი გველის ნაკბენიც, რადგანაც გველები ზოგადად იკვებებიან ბაყაყებით, თაგვებით, ხვლიკებით. პირში რჩება და ლპება მათი ნარჩენები. და თუ გველი არ არის შხამიანი, ის მაინც აფრქვევს კანქვეშ, ღრმად დაუცველ ქსოვილებში თავის ნერწყვს ლპობის პროდუქტებით და ინფექციური აგენტებით. ამიტომ შესაძლებელია ძლიერი ანთების განვითარება.
- ჭრილობა დაიბანეთ სუფთა წყლით და დაიდეთ ცივი.
- უნდა დალიოთ დიდი რაოდენობით წყალი ინტოქსიკაციის შესამცირებლად;
- აუცილებელია სამედიცინო დაწესებულებაში მიმართვა, სადაც დაზარალებულს აღმოუჩენენ შესაბამის დახმარებას.
რისი გაკეთება არ შეიძლება
- ნაკბენ ადგილზე მჭიდრო ნახვევის დადება
- პირით შხამის ამოწოვა. თუ პირში არის ჭრილობები, კარიესული ღრუები, მათში შხამის მოხვედრა დაამძიმებს მდგომარეობას.
