რა საკვებს ყრიან ყველაზე ხშირად
მეცნიერთა საერთაშორისო ჯგუფმა დაადგინა, რომ ჯანსაღი საკვები ხშირად ნაგავში ხვდება არა იმიტომ, რომ გაფუჭებულია, არამედ მომხმარებელთა არასწორი წარმოდგენების გამო. ადამიანებს სჯერათ, რომ ჯანსაღი საკვები უფრო სწრაფად ფუჭდება, ვიდრე ნაკლებად ჯანსაღი, და ეს აღქმა გავლენას ახდენს მათ გადაწყვეტილებებზე. ნაშრომი გამოქვეყნდა Journal of Marketing-ში.
კვლევის ავტორებმა ჩაატარეს ექსპერიმენტების სერია და დაადგინეს, რომ პროდუქტები, რომლებიც აღიქმება ჯანსაღად, უფრო მეტ ეჭვს იწვევს მყიდველებში, როდესაც ის ვადის გასვლის თარიღს უახლოვდება.
შედეგად, ასეთ პროდუქტებს დიდი ფასდაკლებები სჭირდებათ, ნაკლებად ხშირად ყიდულობენ და უფრო ხშირად იყრიან ვადის გასვლამდეც კი. უფრო მეტიც, როდესაც საუბარია საკვებზე, რომელიც სადილის შემდეგ დარჩა, მომხმარებლები ასევე უფრო სწრაფად იშორებენ ჯანსაღ დარჩენილ საკვებს და აღიქვამენ მათ ნაკლებად უსაფრთხოდ.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მეცნიერები ხაზს უსვამენ, რომ ასეთი იდეები არა მხოლოდ ხელს უწყობს საკვების ნარჩენების ზრდას, არამედ ხელს უშლის ჯანსაღი კვების პოპულარიზაციას. ისინი გვთავაზობენ ამგვარ წარმოდგენებთან ბრძოლას საგანმანათლებლო ინიციატივებით და უფრო გამჭვირვალე შეფუთვით, რომელიც ხაზს უსვამს შენახვის ვადას. საგანმანათლებლო ინციატივები დაეხმარება ადამიანებს გააცნობიერონ, რომ ყველა „ჯანსაღი“ საკვები უფრო სწრაფად როდი ფუჭდება. გარდა ამისა, ფასწარმოების დინამიურ მოდელებს შეუძლია დაეხმაროს მაღაზიებს დააბალანსოს რისკის აღქმა პროდუქტის რეალურ მახასიათებლებთან.
მკვლევარები ამბობენ, რომ კომუნიკაციისა და შეფუთვის დიზაინში მცირე ცვლილებებმაც შეიძლება გავლენა მოახდინოს მომხმარებელთა ქცევაზე, შეამციროს ნარჩენები და გახადოს ჯანსაღი კვება უფრო ხელმისაწვდომი. ეს არ არის მხოლოდ მდგრადი მოხმარების საკითხი - ეს არის ნაბიჯი უფრო ჭკვიანი და სამართლიანი კვების სისტემისკენ.
რამდენ ხანს ინახება საყინულეში თევზი, ხორცი და ბოსტნეული
სხვადასხვა კატეგორიის პროდუქციის სახლში შენახვის წესები და ვადები განსხვავებულია.
საყინულეში ხორცის, თევზისა და ბოსტნეულის შენახვის ვადებია:
- ვირთევზა, კამბალა, თინუსი - 6 თვე
- ქათამი, ინდაური - 3 თვე
- ორაგული, სკუმბრია - 3 თვე
- ღორის ხორცი - 2 თვე
- ცხვრის ხორცი - 3 თვე
- გატარებული ხორცი - 3 თვე
- საქონლის ხორცი - 9 თვე
- პური - 1 თვე
- ჭარხალი, წიწაკა, ოსპი - 3 თვე
- ხილი - 12 თვე
- ბოსტნეული - 12 თვე
გაყინვამდე უმჯობესია ბოსტნეულის ბლანჩირება. ბოსტნეულის უმეტესობა, როგორიცაა ყვავილოვანი კომბოსტო, ბროკოლი, წითელი კომბოსტო, ჭარხალი, ყაბაყი და ბადრიჯანი შეიძლება გაიყინოს. ბოსტნეული, რომელიც შეიცავს ბევრ წყალს (სალათის ფოთოლი, პომიდორი და კიტრი) უმჯობესია არ გავყინოთ.
გალღობა სჯობს დამზოგავ რეჟიმში - გადაიტანეთ პროდუქტები საყინულედან მაცივარში. ამისთვის 24 საათი საკმარისი იქნება.
ასეთი სქემა ხელს შეუწყობს მეტი ვიტამინის შენარჩუნებას და ზოგადად გავლენას მოახდენს პროდუქტების ხარისხზე.
ასევე შეგიძლიათ გამოიყენოთ მიკროტალღური ღუმელი საკვების გალღობისთვის. აუცილებელია ჩართოთ შესაბამისი რეჟიმი და პერიოდულად გადააბრუნოთ პროდუქტები თანაბრად გასალღობად.
საჭიროზე მაღალი სიმძლავრით გალღობისას, პროდუქტი კარგავს ვიტამინებსა და მინერალებს.
