ვაშლის ნამცხვარი - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ვაშლის ნამცხვარი

ლიმონის წვენი 125 მლ წყალში გააზავეთ. ვაშლი გარეცხეთ, გათალეთ და კურკები ამოაცალეთ. ნახევარი კუბებად დაჭერით, ნახევარი - რგოლებად. ჩაყარეთ ლიმონიან წყალში.

მარციპანის მასა წვრილად დაჭერით, შეურიეთ ნაღების კარაქი, შაქრის ფხვნილი, ვანილი,მარილი და ლიმონის გახეხილი კანი. შემდეგ სათითაოდ შეურიეთ კვერცხები. დაამატეთ პურის ფქვილი, კარტოფილის ფქვილი და გამაფხვიერებელი. ეს ყველაფერი კარგად აურიეთ ერთმანეთში და რომით შეაზავეთ.

გაახურეთ ღუმელი 175 გრადუსამდე. 26 სმ დიამეტრიან დასაშლელ ფორმას უხვად წაუსვით ცხიმი და მოაყარეთ დაფქვილი ორცხობილა. ვაშლი გადმოყარეთ საცერზე და წყალი გადაავლეთ. კუბისმაგვარი ნაჭრები შეურიეთ ცომში. ცომი ჩაასხით ფორმაში და გადაასწორეთ. ზემოდან მოაწყვეთ რგოლებად დაჭრილი ვაშლი. შედგით ღუმელშო 60-70 წუთით. ცხობის დაწყებიდან 30-35 წუთის შემდეგ დააფარეთ ფოლგა. მარციპანის მასა, ნუში, კვერცხი და შაქარი ერთმანეთში აურიეთ. უნდა მიიღოთ ერთგვაროვანი მასა. კულინარიულ ტომარას გაუკეთეთ ვარსკვლავისმაგვარი ცხვირი, ჩადეთ მასში ნუშიანი მასა, ცხობის დასრულებამდე 20 წუთით ადრე ბისკვიტი ღუმლიდან გამოიღეთ, დაასვით კოკრები, კვლავ ღუმელში შეაბრუნეთ და ბოლომდე გამოაცხვეთ.

მზა ნამცხვარი გადაიღეთ ხის დაფაზე და გააცივეთ. ვაშლის ჯემი შეათბეთ და წაუსვით ნამცხვარს, მოაყარეთ შაქრის პუდრი და სუფრასთან მიიტანეთ.

ეკქიმის კომენტარი

სულ ახლახან ამერიკელი მეცნიერების მიერ ჩატარებულმა კვლევამ აჩვენა, რომ ვაშლი, თუ ხშირად მივირთმევთ, ჩვენს ორგანიზმს მხოლოდ რკინით, ვიტამინებითა და მინერალებით კი არ მოამარაგებს, არამედ ავთვისებიანი სიმსივნის განვითარებასაც შეუშლის ხელს. ასე რომ, მიირთვით ვაშლის ნამცხვარი, ისიამოვნეთ და ჯანმრთელობასაც არგეთ.

 

დაკეპილი ხორცი ბოსტნეულით

4 ულუფა,

თითოეული - 160 კკალ

ცილები - 12 გ,

ცხიმები - 10 გ,

ნახშირწყლები - 5 გ

საჭიროა: 1 კგ დაკეპილი ძროხის ხორცი,  400 გ დაკონსერვებული სიმინდი, 2 თავი ხახვი, 2 კბილი ნიორი, თითო ცალი წითელი, ყვითელი და მწვანე ბულგარული წიწაკა, 1 ცალი წითელი წიწაკა, 1 კონა ოხრახუში, 40 გ მარგარინი, 4 სუფრის კოვზი დაფქვილი ორცხობილა, 3 კვერცხი, 2 სუფრის კოვზი მდოგვი, მარილი, შავი პილპილი.

სიმინდი ქილიდან საწურზე გადმოყარეთ და დაწრეტა აცალეთ. ხახვი და ნიორი დაარჩიეთ და ძალიან წვრილად დაკეპეთ. წიწაკები გარეცხეთ, თესლი ამოაცალეთ და დაკეპეთ, ბულგარული _ შედარებით მსხვილად. ოხრახუში გაარჩიეთ, გარეცხეთ, გააშრეთ და მსხვილად დაჭერით.

მოზრდილ ტაფაში გაადნეთ მარგარინი, ჩაყარეთ ხახვი, ნიორი, ბულგარული წიწაკა, ცხარე წითელი წიწაკა და 5 წუთის განმავლობაში შუშეთ, თან ურიეთ. შემდეგ ქურიდან გადმოდგით, შეაზავეთ მარილითა და შავი პილპილით და გასაგრილებლად დადგით.

ღუმელი 200 გრადუსამდე გაახურეთ. დაკეპილ ხორცს შეურიეთ ორცხობილა, კვერცხი, მდოგვი, მარილი და შავი პილპილი, ჩაამატეთ ბოსტნეული, სიმინდი და ოხრახუში. ეს მასა მოათავსეთ 25 სმ სიგრძის სწორკუთხა ცხიმწასმულ ფორმაში და გადაასწორეთ. 45 წუთით შედგით ღუმელში. სუფრასთან მიტანის წინ დაჭერით სასურველი ზომის ნაჭრებად და სალათის ფოთლებით მორთეთ.

ექიმის კომენტარი

ძროხის ხორცის კატლეტი ყველას უყვარს. დღეს მისი ერთ-ერთი ორიგინალური ვარიანტის რეცეპტს გთავაზობთ. კატლეტი თვითონვე შეიცავს გარნირს, ასე რომ, მისი ცალკე მომზადება არ მოგიწევთ. ეს კერძი ცხელიც შეგიძლიათ მიირთვათ და ცივიც. შესანიშნავი იქნება სადილზე, მეორე კერძად. ძალიან უხდება შავი პური. დესერტზე უარს ნუ იტყვით.