ავოკადოს ნაზი რბილობის გამო მას განსაკუთრებული ღირებულება აქვს ბავშვისთვის-ავოკადოს სასარგებლო თვისებები
E ვიტამინი აუმჯობესებს ორგანიზმის ჟანგბადით მომარაგებას, მოქმედებს როგორც ანტიოქსიდანტი, იცავს ორგანიზმს უჯრედულ დონეზე ჟანგვითი პროცესებისგან და ამით ზრდის მავნე ფაქტორებისადმი მდგრადობას. სწორედ E ვიტამინის გამო მიეკუთვნება ავოკადო იმ პროდუქტებს, მყარ იმუნიტეტს რომ უზრუნველყოფენ.
E ვიტამინი აჯანსაღებს სისხლძარღვების კედლებსაც.
მდიდარია ის F ვიტამინით, სიცოცხლისთვის აუცილებელი უჯერი ცხიმოვანი მჟავებით, რომლებიც უზრუნველყოფენ კანის საფარველისა და თმის ოპტიმალურ მდგომარეობას.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ცხიმოვანი ნივთიერებები დადებითად მოქმედებს კალციუმის ცვლაზე.
ცხიმოვანი მჟავები კალციუმს ორგანიზმისთვის უფრო ადვილად ასათვისებელს ხდის.
დიდი ოდენობით ცხიმების შემცველობა და მაღალი კალორიულობა ჭარბ წონას არაფერს მატებს. პირიქით, ხელს უშლის ცხიმების ჩალაგებას, წვავს ზედმეტ ნაჯერ ცხიმებს.
ავოკადო მდიდარია B ჯგუფის ვიტამინებით, მინერალური ნივთიერებებითა და მიკროელემენტებით.
შეიძლება თუ არა ბავშვისთვის?
ავოკადოს ნაზი რბილობის გამო მას განსაკუთრებული ღირებულება აქვს ბავშვისთვის. ცხიმების მაღალი შემცველობის მიუხედავად, მას ადვილად ითვისებს და ამუშავებს ორგანიზმი. ამიტომ მისი პიურე დასაშვებია პირველი დამატებითი კვების სახით. ეს ხილი ვერ იტანს თერმულ დამუშავებას.
ბავშვებს უნდა მივცეთ მხოლოდ კარგად დამწიფებული ნაყოფი. ამდენად, უნდა ვიცოდეთ მისი ამორჩევა.
ნაყოფის კანი უნდა იყოს გლუვი, თანაბარზედაპირიანი, დაუზიანებელი, გარეგნულად მომწვანო შეფერილობის - ღია მწვანიდან და მუქ მწვანემდე, რომელიც ძალიან სიმწიფეზე მიუთითებს. კანზე მუქი ლაქები არ უნდა ჰქონდეს.
თუ შეიძენთ ჯერ კიდევ დაუმწიფებელ ნაყოფს, შეგიძლიათ დაალაგოთ ბნელ ადგილას, რამდენიმე დღეში დამწიფდება.
რბილობი ნაზი, მომწვანო, კარაქისებურია. შუაში აქვს მყარი, დიდი ზომის კურკა.
