მარიამ ფოლადაშვილი

ბრინჯი, ფეტვი, ქერი, შვრია ბურღულეულია.

ისინი ენერგიის, მცენარეული ცხიმების, ნახშირწყლების და ცილების მდიდარი წყაროა, შეიცავს B, C, E, A ვიტამინებს, ანტიოქსიდანტებს, მინერალებს. მარცვლოვნების გარსი მდიდარია უჯრედისით, რომელიც აუცილებელია ნაწლავთა მოქმედების ნორმალიზებისათვის, აუცილებელია ნაწლავური ბაქტერიების განვითარებისათვის.

დადგენილია, რომ სწორედ ამ უჯრედისის წყალობით ვითარდება ნაწლავებში მოზრდილისათვის დამხასიათებელი მიკროფლორა.

მარცვლეული გარედან დაფარული გარსით, რომელიც უჯრედისის მთავარი წყაროა, ჩანასახი, რომელიც სავსეა ვიტამინებით, განსაკუთრებით მდიდარია B ჯგუფის ვიტამინებით, ლიპიდებით, ცილებით, მინერალებით. ჩანასახი შეიცავს ასევე ფენოლებს, კაროტინოიდებს, ინულინს, ბეტაგლუკანებს და სხვა ფიტოქიმიურ ნივთიერებებს, რომლებიც ზეგავლენას ახდენს ნივთიერებათა ცვლაზე, ზრდა-განვითარების და იმუნურ პროცესებზე.

მარცვლის ერთ-ერთი ნაწილი არის ნახშირწყლებისშემცველი ენდოსპერმა. გამწმენდილი, რაფინირებული ბურღულეულის მთავარი შემადგენელი ნაწილი სწორედ ენდოსპერმაა. კვლევები ადასტურებს, რომ მარცვლის რაფინირებისას მისი შემადგენლობის მნიშვნელოვანი ნაწილი იკარგება. მაგალითად, ხორბლის ფქვილის რაფინირების შემდეგ აღმოჩნდა, რომ მასში რჩება ნაკლები უჯრედისი, Е ვიტამინი, თუთია, სელენი, მაგნიუმი.

ამავდროულად, მარცვლეულის გადამუშავების დროს მიმდინარეობს ფერმენტული ჰიდროლიზის პროცესები, რის შედეგადაც წარმოიქმნება შაქრები, რაც ჯანმრთელობისათვის არ არის სასარგებლო.

მთლიანი მარცვლეულის დოზების განსაზღვრა უმჯობესისა ექიმის მიერ მოხდეს.