უბრალოდ „მოდური“, თუ მართლა სასარგებლო ? - მიზეზები, რის გამოც ავოკადო ჯანსაღი კვების რაციონში შედის
ავოკადო ხილია
ბოლო პერიოდში, ავოკადო ძალიან პოპულარული პროდუქტი გახდა.
ის უამრავი ცნობილი ადამიანის კვების რაციონის უპირობო ლიდერია, ძირითადად, მიირთმევენ საუზმეზე.
თუმცა, ავოკადოს უამრავი რეცეპტი არსებობს, გამოიყენება წვნიანებში, სალათებში, აკეთებენ სმუზებს.
კეტო და ატკინსის დიეტების პოპულარობამ, რომელებიც მაღალცხიმოვანი და დაბალნახშირწყლოვანია, ავოკადოზე მოთხოვნა გაზარდა. ვინაიდან, ის ცნობილია, როგორც ჯანსაღი ცხიმებით მდიდარი საკვები პროდუქტი, რომლის მიღებაც ხელს უწყობს კანის ჯანმრთელობას, აძლიერებს ცხიმში ხსნადი ვიტამინების ათვისებას და სასარგებლოა იმუნური სისტემისთვის.
ავოკადოს შემადგენლობაში შედის:
• კალციუმი
• მაგნიუმი
• ვიტამინი A
• ვიტამინი E
• ვიტამინი K
• ვიტამინი B
ის მხოლოდ 0.2 გრამ შაქარსა და 6 გრამ დიეტურ ბოჭკოს შეიცავს.
მასში შედის რიბოფლავინი, ნიაცინი, პანტოთენიური მჟავა (ვიტამინი B5), ფოლატი, ლუთეინი, ბეტა-კაროტინი და ომეგა-3 ცხიმოვანი მჟავა.
ავოკადოს მთავარი ღირებულება არის ის, რომ იგი დიდი რაოდენობით კალციუმს შეიცავს.
საკვებ ნივთიერებას, რომელიც ჯანმრთელი გულ-სისხლძარღვთა სისტემისთვის აუცილებელი კომპონენტია, არეგულირებს სისხლის წნევას.
კალციუმის დღიური ნორმის 25%-ს ნახევარი ავოკადო შეიცავს, რაც ჯანსაღი ძვლების გარანტი და ოსტეოპოროზის პრევენციაა.
ავოკადო შეიცავს საპონინებს - ნივთიერებას, რომელიც მუხლის ოსტეოართრიტისას ტკივილებს ამსუბუქებს.
მასში შემავალი ბეტა-სისტეროლის (ბუნებრივი ნაერთი, მცენარეული ექსტრაქტი) რეგულარული მიღებით, ორგანიზმში კარგი ქოლესტერინის (HDL) დონე იზრდება.
ავოკადო თვალის ქსოვილების ანტიოქსიდანტურ დაცვას უზრუნველყოფს, ასევე იცავს მას ულტრაიისფერი სინათლისგან, ვინაიდან შეიცავს ლუთეინსა და ზეაქსანტინს - ფიტოქიმიქატებს, რომლებიც თვალის ქსოვილის შემადგენლობაში ბუნებრივად შედის.
ავოკადო დაგიცავთ შემდეგი ქრონიკული დაავადებებისგან:
• გულის იშემიური დაავადებები (ამცირებს ინფარქტის რისკს)
• ჰიპერტენზია
• შაქრიანი დიაბეტი ტიპი 2
• ჭარბი წონა
• კუჭ-ნაწლავის დაავადებები
ის აუმჯობესებს ქოლესტერინის დონეს, ზრდის ინსულინის მგრძნობელობას და არეგულირებს სისხლის არტერიულ წნევას.
რაც, შეეხება ავოკადოს და წონის კლებას, მთავარი საიდუმლო არის იმაში, რომ ის ადამიანს დანაყრების შეგრძნებას ანიჭებს.
მასში შემავალი სასარგებლო ცხიმის გარდა, გასათვალისწინებელია ბოჭკო, რომელიც ადამიანს ანაყრებს. 100 გრამი ავოკადო, დაახლოებით, 7 გრამ უჯრედისს შეიცავს.
კვლევებით დასტურდება, რომ ყოველდღიურ რაციონს ნახევარ ავოკადოს თუ დაუმატებთ, 28%-ით შემცირდება შიმშილის გრძნობა, ხოლო 23%-ით გაიზრდება დანაყრების შეგრძნება.
ამასთანავე, საჭმლის მომნელებელი სისტემის ფუნქციონირებაც გაგიუმჯობესდებათ.
ის შეკრულობას ებრძვის, დაგეხმარებათ ჯანსაღი საჭმლის მომნელებელი ტრაქტის შენარჩუნებაში. ავოკადო მსხვილი ნაწლავის კიბოს განვითარების რისკსაც ამცირებს.
ჯანმრთელი ორგანიზმის გარდა, ის ჩვენს სილამაზეზეც ზრუნავს.
ავოკადო კანს უხდება, მას ჯანმრთელ ფერს ანიჭებს. მასში შემავალი C ვიტამინი კანს ანთების შემცირებაში და ჭრილობების შეხორცებაში ეხმარება.
ის მეტად სასარგებლოა მშრალი კანისთვის.
ზოგიერთი კვლევის თანახმად, ავოკადოს ზეთი კოლაგენის გამომუშავებას ასტიმულირებს, რაც დაბერების პროცესს ანელებს.