ავოკადო დაგეხმარებათ ჰორმონული ბალანსის აღდგენაში - როგორ უნდა ვიკვებოთ პრემენსტრუალური სინდრომის შესამსუბუქებლად
ქალების 30-40% აცხადებს, რომ პრემენსტრუალური სინდრომის სიმპტომები მათი ცხოვრების ხარისხზე მნიშვნელოვნად ზემოქმედებს და ეს მათ სერიოზულ ზიანს აყენებს.
ეს სხვა არაფერია თუ არა ჰორმონალური დისბალანსით გამოწვეული ფიზიკური და ფსიქოლოგიური პრობლემები.
პრემენსტრუალული სინდრომი შესაძლოა მენსტრუაციის დაწყებამდე ერთი-ორი კვირით ადრე დაგეწყოთ, იყოს მსუბუქ ფორმებში, ან მწვავე.
თუ დისმენორეა, ანუ მტკივნეული მენსტრუაცია გაქვთ, ალბათ ერთ-ერთი ყველაზე მძიმე სიმპტომი, რასაც განიცდით, მუცლის შეტევითი ტკივილებია.
როგორც უკვე აღვნიშნეთ, მთავარი გამომწვევი მიზეზი ამ უსიამოვნო სიმპტომებისა ჰორმონალური დისბალანსია. როგორ მოვიქცეთ, რომ ეს ყველაფერი დამთავრდეს?
ცხოვრების წესის შეცვლას და შესაბამის დიეტას შეუძლია მარტივად და ზედმეტი ხარჯების გარეშე დაგეხმაროთ.
საკვები პროდუქტები, რომლებიც PMS-ის სიმპტომებს ამცირებს
ქალები, რომლებიც განიცდიან პრემენსტრუალური სინდრომის სიმპტომებს, დიდი ალბათობით საკმარისი რაოდენობის B ჯგუფის ვიტამინებს არ ღებულობენ, განსაკუთრებით B6 ვიტამინს.
ასევე, კალციუმს, K და E ვიტამინებს. მნიშვნელოვან როლს თამაშობს მაგნიუმის დეფიციტიც. თქვენ აუცილებლად უნდა გაამდიდროთ კვების რაციონი აღნიშნული ნივთიერებებით.
• მცენარეული საკვები
გამოკვლევების თანახმად, ქალები, რომლებიც მცენარეულ დიეტას იცავენ და ბოსტნეულით, ხილით, კაკლით იკვებებიან, ნაკლებად განიცდიან პრემენსტრუალურ სინდრომს.
• კალციუმით მდიდარი საკვები პროდუქტები
როდესაც საუბარია PMS-ის მკურნალობაზე, ყველა მეცნიერი თანხმდება, რომ კალციუმი დიეტის მთავარი შემადგენელი ნაწილია.
მოხარშული კომბოსტო, ბროკოლი, იოგურტი, ახალი რძე - ეს პროდუქტები დაგეხმარებათ კალციუმის ათვისებაში.
რაც შეეხება კეფირს, ის მენსტრუალური სპაზმებისა და ტკივილების შემსუბუქებაშიც კი გვეხმარება.
• ბოჭკოს მაღალი შემცველობა
პრემენსტრუალურ სინდრომს გასტროენტეროლოგიური დარღვევების გამოწვევაც შეუძლია, ასეთ დროს აუცილებელია დღეში მინიმუმ 30 გრამი ბოჭკოვანი საკვების მიღება.
ბოჭკო ასევე გვეხმარება შესაბამისი ჰორმონების დაბალანსებაში, რომლებიც ესტროგენებთან არის დაკავშირებული.
• ფოთლოვანი ბოსტნეული
კრუნჩხვითი ტკივილების დაძლევაში მწვანე ფოთლოვანი მცენარეები დაგეხმარებათ. მათ შარდმდენი მოქმედება აქვთ, კალციუმს და მაგნიუმს შეიცავენ. ასევე, მათი უმეტესობა K ვიტამინის წყაროა.
• სელის თესლი
სელის თესლი ესტროგენის ჯანსაღ მეტაბოლიზმს უწყობს ხელს, რაც PMS-ის მართვისა და მკურნალობის ძირითადი კომპონენტია.
• E ვიტამინი
E ვიტამინის ასათვისებლად ნუში, მზესუმზირა და ისპანახი მიირთვით.
მნიშვნელოვანია ომეგა3-ის მიღებაც, რაც ცხიმიან თევზში ყველაზე უხვადაა.
• ავოკადო
თუ ყოველდღიურად ნახევარ ან მთლიან ავოკადოს მიირთმევთ, მან შესაძლებელია ჰორმონები ბუნებრივად დააბალანსოს. ვინადიან ის მდიდარია ჯანსაღი ცხიმებით, ბოჭკოთი, მაგნიუმით, კალიუმით და B6 ვიტამინით.
საკვები პროდუქტები, რომლებსაც უნდა მოვერიდოთ
აღნიშნული პროდუქტები PMS-ის სიმპტომებს აპროვოცირებენ:
ტრანსცხიმები და ჰიდროგენიზებული ცხიმები
აღნიშნული ცხიმების ხშირმა და დიდი რაოდენობით მოხმარებამ შესაძლებელია პრემენსტრუალური სიმპტომების გაუარესება გამოიწვიოს, ამიტომ ყურადღებით დააკვირდით სხვადასხვა პროდუქტის ეტიკეტს და მეტად მოერიდეთ დამუშავებულ პროდუქციას.
ალერგენები
მოერიდეთ იმ საკვებ პროდუქტებს, რომელთა მიმართაც შესაძლებელია ალერგია გქონდეთ, ვინაიდან ალერგიული სიმპტომები ცუდად მოქმედებს PMS-ზეც.
ფრუქტოზის მაღალი შემცველობა, რაფინირებული შაქარი და სიმინდის სიროფი
ისინი სისხლში შაქრის დონის ცვალებადობას იწვევენ, რაც გუნება-განწყობილებას აუარებსებს, იწვევს თავის ტკივილებსა და კონცენტრაციის გაძნელებას.
ასევე, შაქარი ორგანიზმს მინერალებს აცლის და ანთებით პროცესებს უწყობს ხელს.
მარილი
ნატრიუმი წყლის შეკავებას გააძლიერებს, რაც სასურველი არ არის პრემენსტრუალური სინდრომის დროს.
კოფეინი
კოფეინი დეჰიდრატაციას უწყობს ხელს, რამაც შეიძლება უარყოფითად იმქომედოს დეპრესიაზე, შფოთვასა და მკერდის მგრძნობელობაზე.
ალკოჰოლი
ის აძლიერებს, როგორც პრემენსტრუალური სინდრომის სიმპტომებს, ასევე მტკივნეული მენსტრუაციის განვითარებასაც უწყობს ხელს.