მოზარდი ორგანიზმი და დიეტა
გოგონასთვის, ისევე როგორც ვაჟისთვის, 13 წელი გარდატეხის, სქესობრივი მომწიფების, ორგანიზმის აქტიური ზრდის პერიოდად ითვლება. წონის მატება ამ პერიოდისთვის დამახასიათებელია, მაგრამ ამ მიზნით საკვების შეზღუდვა ან მასზე უარის თქმა უარყოფითად აისახება ზრდის პროცესზე.
არის ისეთი დაავადებები (მაგალითად, ქრონიკული ალერგიული დაავადებები), რომელთა დროსაც აუცილებელია რაციონიდან ზოგიერთი პროდუქტის, კერძოდ, რძისა და რძის ნაწარმის, კვერცხის, ხორცის, თევზისა და ზღვის პროდუქტების, ციტრუსების ამოღება, მაგრამ ამ კრიტიკულ ასაკში ჩამოთვლილ პროდუქტებზე უარის თქმა ზრდის პროცესზე ნეგატიურად მოქმედებს.
კალციუმი
ადაპტაციური რაციონის შედგენისას მინერალების, ვიტამინების, შეუცვლელი ამინომჟავების, უჯერი ცხიმოვანი მჟავების და სხვათა კორექცია აუცილებელია. დიეტაზე მყოფი იმ მოზარდების რაციონი, რომლებიც მხოლოდ გაზიანი სასმელებით, ჩიფსებით და ბურგერებით იკვებებიან, კალციუმის საჭირო რაოდენობის მხოლოდ 50%-ს შეიცავს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ამიტომ ამა თუ იმ მოსაზრებით (ალერგიისა თუ წონის კორექციისთვის) ყოველდღიური რაციონიდან რძისა და მისი პროდუქტების ამოღების შემთხვევაში მოზარდმა კალციუმის მარაგი ფარმაკოლოგიური პრეპარატებით უნდა შეივსოს.
იოდი
იოდის დეფიციტის თავიდან ასაცილებლად გამოყენებული უნდა იქნეს იოდიანი მარილი, იოდის ფარმაკოლოგიური პრეპარატები. იოდის ოპტიმალური ათვისებისთვის რაციონი საკმარისი რაოდენობით უნდა შეიცავდეს ცილებს, რკინას, თუთიას, სპლენძს, A და E ვიტამინებს.
ომეგა-3
თევზის დიდი ხნით ამოღება განაპირობებს კვების შეუცვლელი ფაქტორით (ომეგა-3 კლასის უჯერი ცხიმოვანი მჟავებით) ორგანიზმის გაღარიბებას. ომეგა-3-ს შეიცავს თევზის ქონი და ზოგიერთი მცენარეული ზეთი (გოგრის). ომეგა-3 მონაწილეობს მეტაბოლიზმის, იმუნური ფუნქციის (უჯრედული ჰორმონების - პროსტაგლანდინების, T-ლიმფოცი-ტების) რეგულაციაში.
რკინა
ადამიანისთვის რკინის ძირითადი წყარო ხორცია, ამიტომ რაციონში მისი შეზღუდვა ან სრულიად ამოღება რკინადეფიციტურ ანემიას იწვევს. ამ პროცესს კიდევ უფრო აღრმავებს ვიტამინების ნაკლებობა. კერძოდ, C და B2 ვიტამინებისა, რომლებიც რკინის ტრანსპორტირებასა და შეწოვას უწყობს ხელს. B6 ჰემის (ჰემოგლობინის ერთ-ერთი კომპონენტის) სინთეზში მონაწილეობს, ფოლიუმის მჟავა და B12 - ერითროპოეზში (ერითროციტების წარმოქმნაში).
ამიტომ რკინადეფიციტური ანემიის კორექციისას აუცილებელია რკინის პრეპარატებისა და ვიტამინების კომპლექსური გამოყენება.
პრო- და პრებიოტიკები
ბოლო ხანს კუჭ-ნაწლავის ტრაქტის ნორმალური ფლორის შენარჩუნებისთვის ფართოდ გამოიყენება სურსათი, რომელიც შეიცავს პრო- და პრებიოტიკებს, საკვებ უჯრედისს. ეს პროდუქტები აუმჯობესებს საჭმლის მონელების პროცესს, რაც ასე აუცილებელია ორგანიზმის ჯანმრთელობისთვის. ამ პროდუქტებს შეიცავს პექტინი, ხორბალი და სხვა.
ანტიოქსიდანტური თვისებების სურსათი
დასუსტებულ ორგანიზმში წარმოიქმნება ჟანგბადის აქტიური ფორმები (ოქსიდა-ნტური სტრესი). ამდენად, დიეტაზე მყოფ ორგანიზმს სჭირდება ისეთი ანტიოქსიდანტური თვისებების სურსათი, როგორიც ცოცხალი ხილ-ბოსტნეულია.
დიეტის დროს მზარდი ორგანიზმის წინაშე მდგარი საფრთხე ასე დაწვრილებით იმიტომ მიმოვიხილეთ, რომ მოზარდი დაფიქრდეს და თვითონ გააკეთოს დასკვნა - ღირს კი ორგანიზმის ასეთ მდგომარეობაში ჩაყენება? იქნებ უმჯობესია, შეიცვალოს ცხოვრების წესი - მეტი იმოძრაოს, ნაკლები მიირთვას ცომეული, საკონდიტრო ნაწარმი, იშვიათად სვას კოლა და სხვა გაზიანი სასმელები, დაიცვას კვების სწორი რეჟიმი და აუცილებელი პროდუქტებით მდიდარი საკვები დღის აქტიურ, პირველ ნახევარში მიიღოს?
