დიეტური გაზიანი სასმელების დიდი რაოდენობით მიღებამ შეიძლება გაზარდოს ღვიძლის დაავადების რისკი
ხელი შეუწყოს ღვიძლის მეტაბოლურ დისფუნქციასთან ასოცირებული სტეატოზური დაავადების წარმოქმნას.
წინა კვლევებმა აჩვენა, რომ დიეტური გაზიანი სასმელების მოხმარება დაკავშირებულია BMI-სთან და არტერიულ წნევასთან.
ჯანდაცვის ექსპერტები თანხმდებიან, რომ დიეტური გაზიანი სასმელები ხელს უწყობს წონის მატებას და ღვიძლის დაავადებას.
დიეტურ გაზიან სასმელებში ნაპოვნი ხელოვნური დამატკბობლების გადაჭარბებულმა მიღებამ ასევე შეიძლება გაზარდოს ტიპი 2 დიაბეტის რისკი.
მეტაბოლურ დისფუნქციასთან ასოცირებული ღვიძლის სტეატოზური დაავადება, იგივე არაალკოჰოლური ცხიმოვანი ღვიძლის დაავადება, არის ღვიძლის ერთ-ერთი ყველაზე გავრცელებული დაავადება. დაავადებას, რომელიც აღინიშნება ღვიძლში ჭარბი ცხიმის დაგროვებით, არ აქვს საწყისი სიმპტომები. მას შეუძლია გადაიზარდოს მეტაბოლურ დისფუნქციასთან ასოცირებულ სტეატოჰეპატიტში, რამაც შეიძლება გამოიწვიოს ღვიძლის ნაწიბურები და ციროზი.
ჯანდაცვის ექსპერტები დიდი ხანია მიიჩნევენ, რომ გაზიანი სასმელების მოხმარებამ შეიძლება გაზარდოს ღვიძლის სტეატოზური დაავადების რისკი ინსულინის მიმართ რეზისტენტობის და ღვიძლში ანთების გამოწვევით.
მკვლევარმა ჯგუფმა გადაწყვიტა ეპოვა კავშირი დიეტური გაზიანი სასმელების დიდი დოზით მოხმარებასა და ღვიძლის სტეატოზური დაავადების რისკს შორის. მათი ნაშრომი გამოქვეყნდა BMC Public Health- ში, ვარაუდობს ძლიერ კორელაციას დიეტურ სასმელებსა და ღვიძლის დაავადების ამ ფორმას შორის.
რა არის არაჯანსაღი დიეტურ გაზიან სასმელებში
მიუხედავად იმისა, რომ არსებობს დიეტური გაზიანი სასმელები შაქრის გარეშე, ექსპერტები მათ არ მიიჩნევენ ჯანსაღ სასმელებად. სასმელები ნულოვანი შაქრით და ნულოვანი კალორიით ბოლო წლებში პოპულარული გახდა, მაგრამ ისინი ხშირად შეიცავს ასპარტამს ან სხვა ქიმიურ დამატკბობლებს.
რა აჩვენა კვლევამ
ბოლო კვლევები აგრძელებს კავშირის დადგენას ხელოვნური დამატკბობლების მოხმარებას, სიმსუქნის, ტიპი 2 დიაბეტის და მეტაბოლური სინდრომის სხვა მარკერებთან.
კვლევა ვარაუდობს, რომ დიეტურიმა გაზიანმა სასმელებმა შეიძლება წვლილი შეიტანოს სხეულის მასის ინდექსის (BMI) და სხეულის ცხიმის პროცენტულ ზრდაში მოზარდებში.
გაზიანი სასმელების ყოველდღიური მიღება ასევე ასოცირდება მოზარდებში ჰიპერტენზიასთან. გარდა ამისა, დიეტური სოდის გადაჭარბებული მოხმარება შეიძლება ჩართული იყოს სისხლძარღვთა დაავადებებისა და ტიპი 2 დიაბეტის გაზრდილ რისკში.
კვლევებმა აჩვენა, რომ ხელოვნურმა დამატკბობლებმა შეიძლება ხელი შეუწყოს ინსულინის მიმართ რეზისტენტობას და გლუკოზის აუტანლობას ნაწლავის მიკრობიოტის დარღვევით. ორივე რეაქცია მჭიდროდ არის დაკავშირებული ღვიძლის სტეატოზური დაავადების განვითარებასთან. კლევის მიხედვით, დიეტური გაზიანი სასმელები დაკავშირებული იყო სხეულის მასის ინდექსის (BMI) მომატებასთან.
კვლევის ავტორებს მიაჩნიათ, რომ რანდომიზებული კონტროლირებადი კვლევები საჭირო იქნება მეტი მტკიცებულების უზრუნველსაყოფად.
