ფსიქოლოგიური კონსულტაცია - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ფსიქოლოგიური კონსულტაცია

  • ქმარი უცნაურად მაქებს - გამუდმებით მიმტკიცებს, რომ მე ყველაფრით ვჯობივარ მის პირველ ცოლს. რაც არ უნდა მოვამზადო, ქმრისგან მესმის: “ჩემი ყოფილი ცოლი ყოველთვის აკლებდა ხარშვას წვნიანს, შენ კი, ჩემო ძვირფასო, ყველაფერს შესანიშნავად აკეთებ!” ძალიან მაღიზიანებს ქების მისეული მანერა! როგორ მოვიქცე?

ირინე, 35 წლის

ალბათ გაგიჭირდებათ მეუღლისთვის იმის ახსნა, სახელდობრ რით გაღიზიანებთ მისი კომპლიმენტები - ფორმალურად ის ხომ ხოტბას გასხამთ! აუცილებელია უფრო ქმედითი მეთოდის პოვნა. შეუღლებამდე ალბათ თქვენც გქონდათ საპირისპირო სქესთან ურთიერთობის გამოცდილება.

ჰოდა, მორიგი რეპლიკის დროს, როცა კვლავ თავის ყოფილ ცოლს ახსენებს, სასხვათაშორისოდ შენიშნეთ, რომ თქვენი ერთ-ერთი ყოფილი თაყვანისმცემელი გამუდმებით უფულობაზე წუწუნებდა, მეორე უყურადღებო იყო, აი, თქვენი ძვირფასი მეუღლე კი სრულიადაც არ ჰგავს მათ და ძალიან გაგიმართლათ! ეჭვი არ შეგეპაროთ, მსგავსი “კომპლიმენტები” დააფიქრებს თქვენს მეუღლეს, უფრო მეტიც - გამოიწვევს ემოციების მთელ გამას ეჭვიანობიდან გაღიზიანებამდე და მომავალში აუცილებლად შეიკავებს თავს ყოფილი ცოლის ხსენებისგან.

  • დიდი ხანია ვეძებ სამსახურს, მაგრამ უშედეგოდ. ვათავსებ ჩემს მონაცემებს ინტერნეტში, ვიღებ გამოხმაურებას, მიწვევას, გავდივარ გასაუბრებაზე, მაგრამ რატომღაც ყველგან უარს მეუბნებიან. ჩემი ანკეტური მონაცემებით არაერთი დამკვეთი დაინტერესდა, მაგრამ, როგორც ჩანს, ცუდ შთაბეჭდილებას ვახდენ პირადი კონტაქტის დროს. მაინც რას არ ვაკეთებ ისე, როგორც საჭიროა? როგორ უნდა მოვიქცე პოტენციურ დამსაქმებელთან საუბრისას?

სალომე, 26 წლის

კიდევ ერთხელ ყურადღებით გადაიკითხეთ თქვენი რეზიუმე და გაიხსენეთ, როგორ გიჭირავთ თავი გასაუბრებაზე. ხშირად სიტყვა და საქმე სცდება ერთმანეთს. მაგალითად, გიწერიათ, კომუნიკაბელური და ინიციატივიანი ვარო, შეხვედრის დროს კი შებოჭილი ჩანხართ, მშრალად პასუხობთ შეკითხვებს. დამკვეთს შესაძლოა გაუჩნდეს განცდა, რომ ის შეცდომაში შეიყვანეს. მორიგი გასაუბრების წინ შეეცადეთ წინასწარ წარმოიდგინოთ თქვენი და გასაუბრების წარმმართველი პირის დიალოგი, რა კითხვა შეიძლება გაუჩნდეთ თქვენდამი, ზედმიწევნით გაიაზრეთ თქვენი ქცევის სტრატეგია, რათა ყველაფერი გათვლილი გქონდეთ, თქვენი ნათქვამი და ნამოქმედარი არავითარ შემთხვევაში წინააღმდეგობაში არ მოვიდეს თქვენსავე რეზიუმესთან.

  • ვარ მარტოხელა. ცოტა ხნის წინ ინტერნეტით რამდენიმე მამაკაცი გავიცანი. გვაქვს სახალისო მიმოწერა, თუმცა ამის იქით საქმე არ წასულა. არ მინდა, ვინმეს თავს მოვახვიო საკუთარი სურვილი და თვითონ შევთავაზო შეხვედრა. როგორ მოვახერხო, რომ ნაცნობებს ვუბიძგო, თავად მიიღონ გადაწყვეტლება, თავად გადადგან პირველი ნაბიჯი? როგორ შეიძლება ვირტუალური ნაცნობობის რეალობაში გადმოტანა?

ელენე, 29 წლის

მამაკაცებს ინტერნეტით გაცნობისას უამრავი მოტივი აქვთ: რეალური პრობლემებისგან თავისუფლებისა და ფლირტის ვირტუალურ სამყაროში გაქცევა, განტვირთვის მიზნით ვინმესთან გასაუბრების სურვილი, თვითშეფასების ამაღლება... შეგიძლიათ, თქვენს ვირტუალურ ნაცნობებს ჰკითხოთ, რატომ სტუმრობენ გაცნობის საიტებს და, მათი აზრით, რატომ არის, რომ ინტერნეტრომანები იშვიათად გადაიზრდება რეალურ ურთიერთობაში. თეორიული მსჯელობებიდან თანდათანობით გადახვალთ ამ პრობლემის უფრო პირადულ განხილვაზე, შედეგად კი ვინმემ შესაძლოა შეხვედრაც შემოგთავაზოთ.

  • მყავს მეგობარი, რომელიც ძალიან მიყვარს. დედაჩემს სურს, მალე შევუღლდეთ და მისი სტუმრობისას ხშირად გადაუკრავს ხოლმე სიტყვას ქორწინებაზე. მე შემკრთალი და დარცხვენილი ვდგავარ, ჩემი შეყვარებული კი უხერხულ მდგომარეობაში ვარდება. ცდილობს, ხუმრობაში გაატაროს, მაგრამ ვხედავ, რომ ეს საუბრები აბნევს. არაერთხელ ვთხოვე დედას, მეტი ტაქტი გამოიჩინოს, მაგრამ მას ჰგონია, რომ მე მეხმარება!

თათა, 24 წლის

ნუ მიიჩნევთ, რომ დედის გადაკრული სიტყვები მაინცდამაინც ზიანს მიაყენებს თქვენსა და თქვენი მეგობრის ურთიერთობას. თქვენი მეგობარი ხედავს თქვენს რეაქციას და მშვენივრად ესმის, რომ დედის “ინიციატივასთან” საერთო არაფერი გაქვთ. ამავე დროს დედის მოუთმენლობაშიც შეიძლება დავინახოთ დადებითი მხარე - შესაძლოა, ის იმას ახმოვანებდეს, რაც თქვენ გსურთ, ხმამაღლა კი ვერ გითქვამთ.

დაბოლოს, თქვენი მეგობარი ხედავს, რომ დედას სურს, რაც შეიძლება მალე დანათესავდნენ; ამრიგად, ბიჭი ხვდება, რომ მას სავსებით ენდობიან და “თავისიანად” მიაჩნიათ. თუმცა ქორწინების თემაზე საუბარი საჭიროა უაღრესად კორექტულად და დელიკატურად. აუხსენით დედას, რომ მისი უტაქტო სიტყვების გამო თავს უხერხულად გრძნობთ, წითლდებით, უადგილოდ ისვრით რეპლიკებს, ამან კი შესაძლოა ავნოს თქვენი შეყვარებულისა და თქვენს ურთიერთობას და თქვენი დაქორწინების პერსპექტივასაც.

  • მყავს შეყვარებული, რომელიც ძალიან მიყვარს. მასაც ვუყვარვარ. ორივემ 30 წელს გადავაბიჯეთ, მაგრამ ბევრად უფრო ახალგაზრდები გვგონია თავი. თუმცა, რაც დრო გადის, ჩემი მეგობრის ზოგიერთი ჩვევა უფრო და უფრო მაღიზიანებს, ის თანდათან სცილდება იმ იდეალს, რომელსაც მასში ვხედავდი. ვცდილობ, რაღაც-რაღაცები შევცვალო, მაგრამ არ გამომდის, ის მაინც თავისებურად იქცევა. როგორ მოვიქცე? როგორ მოვახერხო მასში იმის შეცვლა, რაც არ მომწონს? მე ხომ ის ძალიან მიყვარს!

თაკო, 31 წლის

ბევრს რატომღაც ჰგონია, რომ მან უკეთ იცის, როგორი უნდა იყოს მისი საყვარელი ადამიანი. ზოგჯერ მთელი ცხოვრება ვცდილობთ მის კორექციას, რათა ჩვენს წარმოსახვაში არსებულ იდეალს მივუახლოოთ. გვავიწყდება, რომ ეს უაზრობაა - პიროვნების ფორმირება ხომ ადრეულ ბავშვობაში მოხდა.

და მაინც, როგორ მოვიქცეთ, თუ ძალიან გვინდა, ჩვენი მეორე ნახევრის ქცევა შევცვალოთ?

მამაკაცთა უმრავლესობა ვერ იტანს აწეულ ტონს და ასეთ დროს პრინციპულად საპირისპიროდ იქცევა, მაშინაც კი, როცა გულის სიღრმეში აღიარებს, რომ ოპონენტი მართალია! რა საჭიროა ერთი და იმავეს ასჯერ გამეორება? ეს ხომ გამაღიზიანებელია! ამიტომ ქალმა არ უნდა დაიკავოს პოზიცია “აქ ყველაფერს მე ვწყვეტ!” უფრო იოლია, ეშმაკობით მიაღწიო შენსას.

ქალების უმრავლესობას კი მიაჩნია, რომ მთავარია საჭირო მომენტი აირჩიო. მრავალი ქალი აღიარებს, რომ იღლება ერთი და იმავეს გამეორებით და ფარ-ხმალს ყრის, გარკვეული ხნის შემდეგ კი მამაკაცი თხოვნას უთქმელად ასრულებს. პარადოქსია?

ბევრ ქალს კი სწამს, რომ სხვების თანდასწრებით ქმარს არ უნდა ეკამათო. მისი დარწმუნება მხოლოდ პირისპირ საუბრისას არის შესაძლებელი.

  • ნუ ეცდებით, მიაღწიოთ ზუსტ შესატყვისობას თქვენ მიერ შექმნილ ხატთან. გაიხსენეთ, რომ თქვენ ოდესღაც შეიყვარეთ სწორედ ეს ადამიანი თავისი ყველა თვისებით. ნუ შეალევთ მთელ სიცოცხლეს მისი გადაკეთებისთვის ბრძოლას. ზოგჯერ უმჯობესია, შეიცვალოთ დამოკიდებულება მისი ნაკლოვანებებისადმი.
  • ტაქტიანად გადაუკარით სიტყვა და არ გააკრიტიკოთ. თავი შეიკავეთ ნებისმიერი შენიშვნისგან უცხოთა ან ბავშვების თანდასწრებით. ნუ მიაყენებთ დარტყმას მის მამაკაცურ ავტორიტეტსა და თავმოყვარეობას.
  • ყოველთვის ილაპარაკეთ კონკრეტულად და არა ზოგადად.
  • სთხოვეთ და არ მოითხოვოთ. მოთხოვნისას ჩვენ ვამცირებთ პიროვნებას და აქ ირთვება წინააღმდეგობის მექანიზმი, რომელიც განსაკუთრებით აქვთ განვითარებული მოზარდებსა და მამაკაცებს. თუ სურვილს თხოვნის ფორმას მივცემთ, ამით გამოვხატავთ პატივისცემას თანამოსაუბრისადმი, ხაზს გავუსვამთ მის ძალას და აღვუძრავთ მას ჩვენი დახმარებისა და დაცვის სურვილს.

დაბოლოს, საყვარელი ადამიანის აღზრდის საუკეთესო საშუალებაა, ხშირად ვუთხრათ მას, რა კარგია და რა სწორად მოიქცა. წახალისება ხომ გაცილებით ეფექტურია, ვიდრე საყვედური და სასჯელი.