რატომ არის აუცილებელი არტერიული წნევის კონტროლი ტვინის უკეთესი ჯანმრთელობისთვის
კავშირი მაღალ არტერიულ წნევასა და კოგნიტურ ფუნქციაში ცვლილებებს შორის
ბევრმა კვლევამ აჩვენა კავშირი მაღალ წნევასა და კოგნიტურ დაქვეითებას შორის.
კვლევის მიხედვით, მაღალი არტერიული წნევა ხანდაზმულ ასაკში გავლენას ახდენს შემეცნებაზე. მაღალი არტერიული წნევა ასევე ასოცირდება ინსულტთან.
ისეთი ფაქტორები, როგორიცაა მოწევა, არასწორი კვება, სიმსუქნე, ძილის ქრონიკული ნაკლებობა და ქრონიკული სტრესი ხელს უწყობს არტერიული წნევის მატებას. ამიტომ, მნიშვნელოვანია არტერიული წნევის რეგულარულად შემოწმება და ამ რისკ-ფაქტორებზე ყურადღების მიქცევა.
რა ხდება ტვინში მაღალი არტერიული წნევისას
ჰიპერტენზია უარყოფითად აისახება ტვინში მიმდინარე რამდენიმე პროცესზე.
ჰიპერტენზიის ხანგრძლი ზემოქმედება დროთა განმავლობაში უარყოფითად აისახება არტერიულ ჯანმრთელობაზე, რამაც შეიძლება გაზარდოს ინსულტის რისკი ან გამოიწვიოს ისეთი პრობლემები, რასაც თავის მხრივ გავლენა აქვს შემეცნებაზე.
წლების განმავლობაში ჰიპერტენზიამ შეიძლება გამოიწვიოს მცირე თრომბები, რომლებიც მიემართება ტვინამდე ან დაფის დაგროვება, რაც იწვევს სისხლის ნაკადის შემცირებას. ტვინი ცდილობს მოერგოს ჟანგბადის ნაკლებობას თავის ირგვლივ დამხმარე ქსოვილის გაზრდით, მაგრამ ეს დამხმარე ქსოვილი ნაწიბურს ჰგავს და არ აქვს ის უნარი ან ფუნქცია, რასაც ტვინის უჯრედები, ნეირონები ასრულებენ. ძირითადად, ტვინის რეაქცია ზოგადად ადაპტაციურია, მაგრამ ამ ადაპტაციამ შეიძლება ზიანი მიაყენოს ტვინს და ამან შეიძლება გამოიწვიოს კოგნიტური ფუნქციის თანდათანობით დაკარგვა და დემენცია.
ასევე მაღალმა წნევამ შეიძლება შეცვალოს ჰემატოენცეფალური ბარიერის ფუნქციონირება და გლიმფური სისტემის ფუნქციონირება.
გლიმფური სისტემა ახალი კონცეფციაა და მიიჩნევა, როლს ტვინიდან ტოქსინების გაწმენდაში მონაწილეობა და ამით ხელს უშლის ალცჰაიმერის გამომწვევ მიზეზს.
ამცირებს თუ არა მაღალი არტერიული წნევის კონტროლი კოგნიტური დაქვეითების რისკს?
ცნობილია, რომ ფიზიკური აქტივობა და ჯანსაღი კვება ამცირებს ჰიპერტენზიის რისკს. ექსპერტები გვირჩევენ მაღალი არტერიული წნევის და სხვა გულ-სისხლძარღვთა რისკ-ფაქტორების მართვას.
ნორმალური არტერიული წნევა არის სისტოლური წნევა 120 ან ნაკლები და დიასტოლური წნევა 80 ან ნაკლები.
თუ წნევა ცდება ნორმის ფარგლებს, უნდა ესაუბროთ ექიმს. ადრეული მკურნალობა იცავს ტვინის ჯანმრთელობას.