გულის წასვლა - ტიპები და მიზეზები
გონების დაკარგვამდე შესაძლოა აღინიშნებოდეს:
- თავბრუხვევა;
- თავის ტკივილი;
- გულისრევის შეგრძნება;
- გულისცემის შესუსტება;
- სისუსტის შეგრძნება;
- ყურების შუილი;
- წამოხურება ან შეციება;
- ოფლიანობა;
- გაფითრება;
- დაბუჟება;
- კანკალი;
- ლაქების გაჩენა მხედველობის არეში;
- მეტყველების არევა
კუნთებზე კონტროლის დაკარგვის გამო ადამიანი ეცემა. არ რეაგირებს დაძახებაზე ან შენჯღრევაზე. გარკვეული დროის შემდეგ კი უბრუნდება ნორმალურ მდგომარეობას.
სინკოპეს მიზეზი შესაძლოა იყოს:
- მდებარეობის მკვეთრი ცვლილება(სწრაფად ადგომა);
- დიდხანს დგომა;
- გადაღლა;
- ძლიერი ტკივილი, შიში ან სტრესი;
- დაბალი წნევა;
- გულის დაავადებები;
- ორსულობა;
- გაუწყლოება ან გადახურება
გამოყოფენ:
- რეფლექსურ სინკოპეს - მისი მიზეზი განსაზღვრული რეფლექსების არასათანადო რეგულაციაა, რაც განაპირობებს გულისცემის შენელებას და არტერიული წნევის დაქვეითებას,ეს კი ამცირებს სისხლის მიმოქცევას თავის ტვინში;
- ორთოსტატიკურ სინკოპეს - ვითარდება ფეხზე წამოდგომის დროს არტერიული წნევის მკვეთრი დაცემის გამო. შესაძლოა გამოწვეული იყოს დეჰიდრატაციით, ალკოჰოლის მოხმარებით, სისხლის დაკარგვით;
- კარდიალურ სინკოპეს - დაკავშირებულია გულის პრობლემებთან. გულის არასათანადო ფუნქციონირების გამო ტვინს ნაკლები სისხლი მიეწოდება. (მიზეზი შეიძლება გახდეს იშემიური კარდიომიოპათია, სარქველების დაზიანება);
- ცერებლოვასკულარურ სინკოპეს - გამოწვეულია ტვინისა და მის გარშემო არსებული სისხლძარღვების დაზიანების შედეგად.(მიზეზი შეიძლება იყოს ანევრიზმა, ინსულტი)
იმ სიმპტომების გამოვლენისას, რომლებიც გულის წასვლაზე მიუთითებენ, უმჯობესია, რომ თავი უფრო დაბლა მოათავსოთ, ფეხები კი მაღლა.
ადამიანი, რომელსაც სინკოპეს ეპიზოდი აქვს, სასურველია გარკვეული დროით( 10-15 წუთი) მწოლიარე მდგომარეობაში დარჩეს.
ექიმს უნდა მიმართოთ თუ:
- გაქვთ სინკოპეს განმეორებითი ეპიზოდები;
- გაქვთ დიაბეტი ან გულის დაავადებები;
- გულისწასვლამდე აღინიშნებოდა ტკივილი გულმკერდის არეში ან აღინიშნება გულისცემის რიტმის დარღვევა