მარიამ ფოლადაშვილი

გაზაფხულის ბევრ გავრცელებულ დაავადებას აქვს მსგავსი სიმპტომები, როგორიცაა გაციება, გრიპი, სინუსური ინფექციები და გაზაფხულის ალერგია.

სიმპტომების იდენტიფიცირება და დაავადების დიაგნოსტიკა პირველი ნაბიჯია მკურნალობისთვის.

გარემო დიდ გავლენას ახდენს ჯანმრთელობაზე. როდესაც ზამთრიდან გაზაფხულზე გადავდივართ, ტემპერატურის ცვლა იძლევა ვირუსებისა და ბაქტერიების გამრავლების შესაძლებლობას, რამაც შეიძლება გადამდები დაავადებების გავრცელება გამოიწვიოს.

გარდა ამისა, გაზაფხული არის მცენარეთა ყვავილობის პერიოდი, რაც იწვევს ბევრი გავრცელებული ალერგენის გამოყოფას, მათ შორის მტვრის.

რომელია გაზაფხულის ყველაზე გავრცელებული დაავადებები?

ვირუსი, რომელსაც ყველაზე ხშირად ვხვდებით გაზაფხულზე, არის ადამიანის რინოვირუსი (HRV), რომელიც იწვევს გაციების უმეტესობას. გაციების სიმპტომები, როგორც წესი, პიკს აღწევს ორ-სამ დღეში და შეიძლება მოიცავდეს ცემინებას, ცხვირის გაჭედვას ან გამონადენს, ყელის ტკივილს, ხველას და ლორწოს დაგროვებას.

მიუხედავად იმისა, რომ გრიპი ყველაზე გავრცელებულია დეკემბერსა და თებერვალში, თქვენ მაინც შეიძლება გქონდეთ გაზაფხულზე მისი განვითარების მაღალი რისკი. ეს სიმპტომები ძალიან ჰგავს გაციებისას, თან ახლავს დაღლილობა და ტკივილის სიმპტომები, შემცივნება და ცხელება.

გაზაფხულის სხვა გავრცელებული პრობლემები, რომლებსაც ყურადღება უნდა მიაქციოთ, მოიცავს:

• ასთმა - იწვევს ქოშინს და გულმკერდის შებოჭილობას ან ტკივილს.
• თვალების სიწითლე - ვირუსული ან ბაქტერიული ინფექცია, რომელიც იწვევს თვალის სიწითლეს, გაღიზიანებას და გამონადენს.
• სინუსური ინფექციები - ხდება მაშინ, როდესაც სითხე გროვდება სინუსებში, რაც იწვევს გაჭედვას, გამონადენს, თავის ტკივილს, სახის ტკივილს ან წნევას.
• ლაიმის დაავადება - არის ბაქტერიული ინფექცია, რომელიც გადადის ინფიცირებული ტკიპებით და იწვევს ცხელებას, თავის ტკივილს, დაღლილობას და კანზე გამონაყარს.

როგორ გავარჩიოთ ალერგიაა თუ გაციება?

ალერგიის სიმპტომები, როგორიცაა ცხვირის გაჭედვა, ხველა, წყლიანი თვალები და ცემინება, ასევე არის ვირუსული და ბაქტერიული დაავადებების სიმპტომები.

• ზოგადად, სეზონური ალერგია ძირითადად გავლენას ახდენს ზედა სასუნთქ გზებზე. ეს ნიშნავს, რომ, სიმპტომები გამოხატულია სიმპტომებს თავის, სახისა და ყელის არეში. ეს სიმპტომები შეიძლება გაუარესდეს, როცა დროს ატარებთ გარეთ, რადგან ყველაზე გავრცელებული ალერგენებია მტვერი.
• თუ გაქვთ ცხელება, სხეულის ტკივილები ან შემცივნება, სუნთქვის გაძნელება და დაღლილობა, დიდი ალბათობით გაქვთ ვირუსული ან ბაქტერიული დაავადება და არა ალერგია.

თუმცა, ზუსტი გამომწვევი მიზეზის დასადგენად საუკეთესო გზა ექიმთან ვიზიტია.

გაზაფხულზე ჯანმრთელობის შენარჩუნების საუკეთესო საშუალებაა პრევენციული ზომების გამოყენება, რათა გააძლიეროთ იმუნური სისტემა და შეამციროთ ინფიცირების შანსები. ეს მოიცავს ხელების რეგულარულ დაბანას, ცხვირთან, პირთან და თვალებთან შეხების თავიდან აცილებას, ჯანსაღ კვებას, რეგულარულ ვარჯიშს, ალერგენებთან კონტაქტის შეზღუდვას, უნდა უზრუნველყოთ სახლის კონდიცირება და ვენტილაცია.

თუ გაქვთ რაიმე სიმპტომი, როგორიცაა ქოშინი, ტკივილი, წნევა, გულმკერდის არეში ტკივილი ან მაღალი სიცხე მიმართეთ ექიმს.