რომელი დაავადებებია გავრცელებული პლაჟზე
წყალში ბანაობისას, იშვიათია კანის დაავადებები, მაგრამ წყალსაცავების წყალში შეიძლება იყოს ტოქსინები, გარკვეული ნარჩენები, რომლებმაც შიეძლება გამოიწვიოს ტოქსიკური რეაქციები ალერგიიდან დაწყებული ტოქსიკური გამოვლინებით დამთავრებული. ამ უკანასკნელის შემთხვევაში შეიძლება აღინიშნებოდეს კანზე გამონაყარი, ქავილი, შეწითლება და დამწვრობაც კი. ამის თავიდან აცილება შესაძლებელია სიფრთხილის ზომების დაცვით და მხოლოდ ნებადართულ ადგილებში ბანაობით.
პლაჟზე ყველაზე გავრცელებული კანის დაავადებაა პიტირიაზი, რომელიც ძალიან კონტაგიოზურია. ჰიგიენის წესების დაცვისას, შეიძლება თავიდან ავიცილოთ კანის დაზიანება. არ უნდა დავწვეთ პირსახოცის გარეშე შეზლონგზე. უნდა გამოვიყენოთ მხოლოდ საკუთარი პირსახოცი. სასტუმროში გათვალისწინებულია პლაჟის პირსახოცი, რომელიც განკუთვნილია არა ბანაობის შემდეგ კანის გამშრალებისთვის, არამედ შეზლონგზე დასაფენად.
