რჩევები ვარჯიშის შემდეგ კუნთების ტკივილის დასაძლევად
ის აუმჯობესებს გულისა და ფილტვების ფუნქციონირებას, კუნთებსა და ძვლებს უფრო ძლიერს ხდის. თუმცა, ვარჯიშმა შეიძლება გამოიწვიოს კუნთების ტკივილი. ეს ხშირია განსაკუთრებით მაშინ, თუ ცდილობთ, რომ გაზარდოთ ვარჯიშის ინტენსივობა და სირთულე.
ვარჯიშიდან დაახლოებით 12 საათის შემდეგ შეიძლება იგრძნოთ, რომ კუნთები გტკივათ ან/და გეჭიმებათ. ზოგიერთ შემთხვევაში, ამ დისკომფორტმა შეიძლება პიკს მიაღწიოს 48-72 საათის შემდეგ. ამ დროის განმავლობაში თქვენი კუნთები ძლიერდება. კუნთების ტკივილმა შეიძლება სწრაფად გაგიაროთ ან გაგრძელდეს რამდენიმე დღე.
ეს ტკივილი ნორმალურია. თუმცა, ფრთხილად იყავით, რომ არ დააზიანოთ კუნთები, მყესები ან სახსრები. ტკივილი სახსრის მახლობლად შეიძლება იყოს უფრო სერიოზული დაზიანების სიგნალი.
ნაზი გაჭიმვა, კუნთების მასაჟი, ყინული - ხელს უწყობს ანთების შემცირებას, თბილი აბაზანა ან შხაპიც კი დაგეხმარებათ ტკივილის დაძლევაში
სამწუხაროდ, კუნთების ტკივილის მთლიანად თავიდან აცილება ვარჯიშის შემდეგ შეუძლებელია, რადგან ეს კუნთების გაძლიერებისა და გაჯანსაღების ნაწილია. თუმცა არსებობს რამდენიმე საშუალება ტკივილის შესამცირებლად.
კუნთების მოთელვა
კვლევებმა აჩვენა, რომ ვარჯიშის წინ კუნთების გახურება შეიძლება უკეთესი იყოს, ვიდრე დაჭიმვა. გასახურებლად ვარჯიშების მსუბუქი ვერსიები გამოიყენება. მათ შორისაა ნელი სირბილი ან ველოსიპედი, თოკზე ხტომა ან მსუბუქი წონის აწევა.
დალიეთ წყალი
წყალი გეხმარებათ სხეულის ტემპერატურის კონტროლში.
არ შეწყვიტოთ ვარჯიში
ერთი და იგივე ჯგუფის კუნთების ზომიერი, მსუბუქი ვარჯიში ნამდვილად დაგეხმარებათ. მაგალითად, თუ ტკივილი სირბილის შემდეგ გაწუხებთ, მსუბუქი სიარული ან ველოსიპედით სეირნობა მომდევნო რამდენიმე დღის განმავლობაში დაგეხმარებათ. მოერიდეთ სრულ დასვენებას.
გამოიყენეთ სათანადო ტექნიკა სწორად!
სავარჯიშოების სწორად შესრულება დაგეხმარებათ, დაიცვათ კუნთები დაჭიმვისგან ან ტრავმისგან. თუ სპორტდარბაზში დადიხართ, სთხოვეთ დახმარება ინსტრუქტორს. მათ შეუძლიათ გაჩვენონ სიმძიმის აწევისა და სხვადასხვა ვარჯიშის შესრულების სწორი და სათანადო გზა.
ავტორი: ია რომანაძე