რა უნდა გავითვალისწინოთ ფიზიკური დატვირთვისას და ტესტი, რომელიც გვეხმარება განვსაზღვროთ, თუ რამდენად უსაფრთოა ჩვენი ჯანმრთელობისთვის ვარჯიში
უსაფრთხოების მიზნით ვარჯიშის დაწყებამდე აუცილებელია ჩაატაროთ ერთი მარტივი ექსპერიმენტი. დავაზუსტებთ: იგი დასაშვებია მხოლოდ პრაქტიკულად ჯანმრთელი ადამიანებისთვის, ქრონიკულად მოავადეთათვის ნებისმიერი დატვირთვა და ვარჯიშის ტიპი მკურნალი ექიმის ხელმძღვანელობით უნდა შეირჩეს და განისაზღვროს. ტესტი:
1. გაიზომეთ ნორმალური მაჯისცემა.
2. შეასრულეთ რაიმე მოძრაობა 3 წუთის განმავლობაში, მაგალითად, 20 ჩაჯდომა, სირბილი ან სწრაფი სიარული;
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
3. დაითვალეთ მაჯისცემა დატვირთვის დასრულებისთანავე;
4. დაითვალეთ მაჯისცემა დატვირთვის დასრულებიდან 3 წუთის შემდეგ.
ტესტის პასუხთა გაშიფვრა:
თუ პულსის მაჩვენებელი შეადგენს 35-50%-ით გაზრდილ ციფრს საწყისი მაჩვენებლისას, მაშინ დატვირთვა მცირეა;
თუ გაიზარდა 50-70%-ით, მაშინ ეს საშუალო ხარისხის დატვირთვაა;
დატვირთვა მაღალია, თუ დატვირთვის შემდგომ პულსი 70-90%-ით გაიზარდა.
გაითვალისწინეთ!
თუ ვარჯიშის შეწყვეტიდან 3, მაქსიმუმ 5 წუთის შემდეგ მაჯისცემა არ უბრუნდება ჩვეულ მაჩვენებელს, ესე იგი დასაშვებ დატვირთვას აჭარბებთ, თუნდაც პულსი მნიშვნელოვნად არც იმატებდეს. ამ შემთხვევაში უნდა შეამციროთ დატვირთვა და ხელახლა შეამოწმოთ, რამდენ წუთში უბრუნდება ნორმას მაჯისცემა. თუ დატვირთვის შემცირების შემთხვევაშიც კი 3-5 წუთის განმავლობაში ასე არ მოხდა, უნდა მიმართოთ ექიმს, რათა დაადგინოთ, ყოველივე ეს ფარულად მიმდინარე გულ-სისხლძარღვთა პათოლოგიას ხომ არ უკავშირდება. ასეთ დროს დატვირთვის ინტენსივობა ინდივიდუალურად, შედარებით რთული სამედიცინო მეთოდების გამოყენებით და გათვალისწინებით უნდა განისაზღვროს.
