როგორ მოვუაროთ ბავშვის ჭურჭელს - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როგორ მოვუაროთ ბავშვის ჭურჭელს

 

აუცილებელია ბავშვის ჭურჭლის ძალიან კარგად გავლება. რეცხვისას ყურადღება უნდა გამახვილდეს ბოთლის ხრახნსა და ყელზე - სწორედ აქ რჩება საკვები, გროვდება მიკრობები. საწოვარა კარგად უნდა გაირეცხოს არა მარტო ზემოდან, არამედ შიგნიდანაც. რეცხვის დროს ყურადღება უნდა მიექცეს ბოთლის ფორმას. თუ ბოთლი მოღუნულია ან საწოვარას სპეციალური სისტემა აქვს მუცელში აირების მოხვედრის თავიდან ასაცილებლად, რეცხვა უფრო ხანგრძლივი იქნება. ოპტიმალურია ცილინდრული ფორმის ფოთლი, რომელსაც ფართო ძირი და ყელი აქვს. მნიშვნელოვანი ფაქტორია მასალა, რომლისგანაც დამზადებულია ბოთლი და მისი აქსესუარები. წინათ მშობლები უპირატესობას შუშას ანიჭებდნენ. დღეს ცნობილია, რომ სხვა მასალისგან დამზადებული თანამედროვე ბოთლები მათ არ ჩამოუვარდება, ზოგიერთი პარამეტრით კი სჯობს კიდეც. რა თქმა უნდა, მთავარია მასალის ხარისხი. სტერილიზაციისთვის უმჯობესია გაფილტრული წყლის გამოყენება. გაითვალისწინეთ, რომ ხისტ წყალში სტერილიზაციისას ჩნდება მარილის ნადები.

არსებობს ჭურჭლის სტერილიზაციის სხვადასხვა მეთოდი:

* ქურაზე სტერილიზაცია. ამისთვის საკმარისია მოზრდილი ქვაბი, რომელშიც ბოთლები მთლიანად ჩაიმალება. ავავსებთ წყლით, რათა ბოთლები დაიფაროს და  20 წუთი ვადუღებთ. საწოვარა და მისი სამაგრები ცალკე უნდა გასტერილდეს და არა ბოთლებთან ერთად.

* მიკროტალღური ღუმელი. საჭიროა შუშის ღრმა ჭურჭელი. ის წყლით უნდა ავავსოთ, ბოთლები შიგ ჩავაწყოთ და შუშისავე სარქველი დავახუროთ. ღუმელი მაქსიმალურ სიმძლავრეზე უნდა ჩავრთოთ. სტერილიზაციისთვის 6-8 წუთია საჭირო.

* ყურადღება მიაქციეთ, ნებადართულია თუ არა ჭურჭლის სტერილიზაცია მიკროტალღურ ღუმელში.

* სწრაფი მადუღარა. აქ სტერილიზაცია ხდება არა მარტო ორთქლით, არამედ წნევითაც, რაც ხარისხს ზრდის. მთავარია, სტერილიზაცია დროულად დავასრულოთ.

* ორთქლის სტერილიზატორი. ეს არის თანამედროვე მოწყობილობა, რომელიც სწორედ ბავშვის ჭურჭლისა და მისი აქსესურების სტერილიზაციისთვის არის შექმნილი. სტერილიზაციის დამთავრების შემდეგ მოწყობილობა ავტომატურად ითიშება. თუ ის არ გავაღეთ, ჭურჭელი კიდევ სამი საათის განმავლობაში იქნება სტერილური.

* ცივი სტერილიზაციის აპარატები - მოხერხებულია მგზავრობისას და აგარაკზე. მასში ისხმება სპეციალური სასტერილიზაციო სითხე, რომელშიც თავსდება ჭურჭელი.

როგორ შევინარჩუნოთ სისუფთავე

მნიშვნელოვანია არა მატო ჭურჭლის გასტერილება და კარგად გარეცხვა, არამედ სუფთად შენახვაც. სტერილიზაციის დასრულების შემდეგ ბოთლები პირქვე უნდა დავდოთ სუფთა პირსახოცზე, ზემოდანაც სუფთა პირსახოცი გადავაფაროთ. საწოვარები და ბოთლის თავსახურები თეფშზე უნდა დავაწყოთ და თავსახური დავახუროთ. პირსახოცი, თეფში და თავსახური ხშირად უნდა გაირეცხოს. არსებობს სპეციალური საშრობები ბავშვის ჭურჭლისთვის, რომლებიც საშუალებას გვაძლევს, ის კომპაქტურად გვქონდეს მოთავსებული. გახსოვდეთ: ზემომოყვანილი წესების დარღვევა არამც და არამც არ შეიძლება. მათი დაცვა ბავშვის ჯანმრთელობის საწინდარია.