შვრიის ფანტაზია - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

შვრიის ფანტაზია

- რა სასარგებლო თვისებებით გამოირჩევა შვრია?

- შვრია მდიდარია არა მხოლოდ სასარგებლო ნახშირწყლებით, უჯრედისითა და მიკროელემენტებით, არამედ ანტიოქსიდანტებითაც. ამასთან, შვრიის ბურღულს სასიამოვნო გემო აქვს და ადვილი ასათვისებელია. შვრიას თამამად შეიძლება ვუწოდოთ ბუნებრივი აფთიაქი. იგი შეიცავს:

  • შეუცვლელ მიკროელემენტებს: თუთიას, სპილენძს, კალიუმს, კალციუმს, მაგნიუმს, რკინას, ფთორს, იოდს. კალციუმი და ფოსფორი მაგნიუმთან ერთად მონაწილეობს ძვლოვანი სისტემის, ჯანსაღი კბილების ფორმირებაში. რკინა ემსახურება ანემიის პროფილაქტიკას;
  • A, E, PP, B ჯგუფის ვიტამინებს;
  • ცილებს;
  • რთულ ნახშირწყლებს, რომლებიც სწრაფად ანაყრებს ისე, რომ არ მატებს ზედმეტ კილოგრამებს;
  • უჯრედისს, რომელიც კუჭისა და ნაწლვების ნორმალურ მუშაობას უწყობს ხელს, გამოაქვს ორგანიზმიდან წიდა და ამცირებს კუჭის კიბოს რისკს;
  • ანტიოქსიდანტებს, კერძოდ, მეთიონინს, რომელიც ორგანიზმს გარემოს მავნე ზემოქმედებისაგან იცავს;
  • ბიოტინს - კანისთვის ის მეტად სასარგებლოა. მისი ნაკლებობა არცთუ იშვიათად დერმატიტის მიზეზად იქცევა.

შვრია ხელს უწყობს ქალის შარდსასქესო და ენდოკრინული სისტემების ნორმალურ ფუნქციობას, რაც ასე აუცილებელია მეძუძური დედისთვის. შვრიას მიირთმევენ დიაბეტით დაავადებულები მისი დაბალი გლიკემიური ინდექსის გამო. გასახდომად და წონის შესანარჩუნებლად მიზანშეწონილია მისი ყოველდღე ჭამა. გარდა ამისა, ამცირებს სისხლში ქოლესტერინის დონეს. დადგენილია, რომ შვრიის მიღებისას ორგანიზმში გამომუშავდება სეროტონინი - ჰორმონი, რომელიც აუმჯობესებს გუნება-განწყობილებას, ებრძვის დეპრესიასა და მოდუნებას, სისუსტეს.

- რა სახით შეიძლება შვრიის გამოყენება?

- სხვადასხვა სახით: მარცვლად, ბურღულად, ფქვილად, ფანტელებად. ყველა მათგანი სასარგებლოა, თუმცა რამდენადმე განსხვავდება ერთმანეთისგან მაკრო- და მიკროელემენტების შემცველობით. შვრიის მარცვალს შენარჩუნებული აქვს პრაქტიკულად ყველა მინერალი და ვიტამინი, ამიტომ ყველაზე  სასარგებლოდ მიიჩნევა. შვრიის ბურღული მიიღება ორთქლში გატარებით და გარსის მოცილებით. ორთქლში გატარებული ბურღული გაბრტყელების შედეგად თხელ ფირფიტებად იქცევა. შვრიის ფანტელები კიდევ უფრო თხელ ფირფიტებად მზადდება. მათი ტექნოლოგიური დამუშავებისას იკარგება ბევრი სასარგებლო ელემენტი. შვრიის ფქვილი უბრალოდ ფქვილი როდია. იგი მდიდარია ისეთი ფრაქციებით, რომლებიც შვრიის მარგებლობას ზრდის.

- რა შეიძლება მოვუმზადოთ შვრიისგან ბავშვს?

- შვრიის ფაფას ყველა იცნობს. შეიძლება მისი მომზადება თაფლით, ვაშლით, ბრინჯის ბურღულით და სხვა. შვრიის ფაფა საუკეთესო საუზმეა. გთავაზობთ რამდენიმე რეცეპტს.

შვრიის ბლინები

საჭიროა:

  • 200 გ შვრიის ბურღული;
  • 1 სადილის კოვზი საფუარი;
  • 1 კვერცხი;
  • 2 ჩაის კოვზი შაქარი;
  • 1/4 ჩაის კოვზი მარილი;
  • 2 სადილის კოვზი მცენარეული ზეთი.

მოზილეთ ამ ინგრედიენტებისგან ცომი და გამოაცხვეთ ზეთიან ტაფაზე. სუფრასთან მიიტანეთ არაჟანთან, თაფლთან, ჯემთან, ხილფაფასთან ერთად.

შვრიის ორცხობილა

საჭიროა:

  • 1 ჩაის ჭიქა შვრიის ფანტელი;
  • 1 ჩაის კოვზი პურის ფქვილი;
  • 1/2 ჩაის ჭიქა შაქრის ფხვნილი;
  • 100 გ კარაქი;
  • 3 კვერცხი;
  • 1/2 ჩაის ჭიქა მოხალული დაჭრილი ნიგოზი;
  • 1 სადილის კოვზი კაკაოს ფხვნილი.

ჩაყარეთ თასში კარაქი, შაქრისა და კაკაოს ფხვნილი და კარგად აზილეთ. სათითაოდ დაამატეთ კვერცხი. ერთმანეთში აურიეთ შვრიის ფანტელი, პურის ფქვილი, ნიგოზი. ეს ორი მასაც აურიეთ ერთმანეთში და დადეთ ცხიმწასმულ თუნუქის ფურცელზე სუფრის კოვზით. შედგით 170-200 გრადუსამდე გახურებულ ღუმელში, აცხვეთ 15-20 წუთი. შეიძლება ცომში ქიშმიშის დამატებაც. გემრიელად მიირთვით.