კუჭ-ნაწლავის დისკომფორტს ანისული უშველის
ხშირია კუჭის ტკივილი, სიმძიმის შეგრძნება, შებოჭილობა, ამასთან ნაწლავური აშლილობანი და ფაღარათი, რომელიც უზომოდ მასუსტებს და ენერგიას მაცლის.
ჩემი ეს მდგომარეობა ყველა ახლობლისთვის ნაცნობია. მეგობარმა ანისულის ნაყოფი მირჩია.
რეცეპტი საკმაოდ მარტივია:
- 1 ჩაის კოვზი ანისულის ნაყოფი მოათავსეთ მომინანქრებულ ჭურჭელში, დაასხით 200 მლ მდუღარე წყალი, თავზე დაახურეთ და გააცხელეთ წყლის აბაზანაში 15 წუთის განმავლობაში, გააცივეთ, გაწურეთ და შეავსეთ წყლით საწყის მოცულობამდე – 200 მლ-მდე. შეინახეთ გრილსა და ბნელ ადგილას. შენახვის ვადა 2 დღე-ღამეა.
მიღების წესი კი ასეთია: მიიღეთ 1/4 ჭიქა 3-4-ჯერ დღეში, ჭამამდე 30 წუთით ადრე.
მკურნალობის კურსი ინდივიდუალურია: 4-5 დღიდან – 10 დღემდე.
ირინა დ. თბილისი