ლალი ჩხიკვაძე

თუ ადამიანს აქვს მაღალი ქოლესტერინი და არ იცის ამის შესახებ, მაშინ დროთა განმავლობაში სისხლძარღვებში წარმოიქმნება ათეროსკლეროზის ფოლაქები. სწორედ ეს ხდება გულის შეტევის ან ინსულტის მიზეზი.

„ცუდი“ ქოლესტერინის დონის შესამცირებლად და „კარგი“ ქოლესტერინის მაღალი დონის შესანარჩუნებლად, უნდა აკონტროლოთ კვება, ივარჯიშოთ, დაიცვათ ძილისა და დასვენების გრაფიკი და უარი თქვათ მავნე ჩვევებზე. თუ ვსაუბრობთ მხოლოდ კვებაზე, მაშინ ის უდავოდ მნიშვნელოვან როლს ასრულებს. მაგრამ ერთი ნიუანსი უნდა იყოს გათვალისწინებული.

ხშირად პაციენტებს სურთ ქოლესტერინის დაწევა სპეციალური დიეტით. ქოლესტერინის 80% სინთეზირდება ჩვენს ორგანიზმში, ასე რომ, თუ დიეტის შეცვლა ხელს უწყობს მისი რაოდენობის შემცირებას, ეს მხოლოდ 20%-ით იქნება შესაძლებელი.

მეორეს მხრივ, კვების ჩვევების შეცვლით, შეგიძლიათ გაზარდოთ სისხლში „კარგი“ ქოლესტერინის და შეამციროთ „ცუდი“ ქოლესტერინის კონცენტრაცია. აქ კი ყურადღება უნდა მიაქციოთ ხმელთაშუა ზღვის დიეტას. კვლევებმა აჩვენა, რომ ასეთი დიეტა ხელს უწყობს: გულისა და სისხლძარღვების პათოლოგიებისგან, კიბოს, დემენციის, სიმსუქნის, ტიპი 2 დიაბეტისგან დაცვას.

რა საკვებს მოიცავს ხმელთაშუა ზღვის დიეტა:

• ხილი და ბოსტნეული,

• მთლიანი მარცვლეული,

• თხილი,

• თევზი და ზღვის პროდუქტები,

• ახალი მწვანილი,

• პარკოსნები,

• ზეითუნის ზეთი და ზეთისხილი,

• ფრინველის ხორცი,

• კვერცხი,

• ყველი,

• ნატურალური იოგურტი,

• სანელებლები.

მეტი ეფექტურობისთვის ეს დიეტა შეუთავსეთ ინტერვალურ შიმშილს. თუმცა, კატეგორიულად აკრძალულია რაიმე სახის კვების თვითნებურად დანიშვნა საკუთარი თავისთვის.

როგორ შეგიძლიათ გაიგოთ, მიაღწია თუ არა თქვენს ქოლესტერინის დონეს კრიტიკულ დონეს?

სან ფრანცისკოს კალიფორნიის უნივერსიტეტის ქირურგიის დეპარტამენტის ექიმებმა გამოავლინეს რამდენიმე სიმპტომი:

• კრუნჩხვები ფეხის მიდამოში, დასვენების შემდეგ ის შეიძლება შესუსტდეს;

• სუსტი ან არარსებული პულსი ფეხებში ან ტერფებში;

• წყლულები, ჭრილობები თითებზე, ტერფებსა და ფეხებზე, რომლებიც ნელა ან საერთოდ არ ხორცდება;

• კანის ფერმკრთალი ან მოლურჯო ფერი;

• ერთი ფეხი მეორეზე ცივია;

• ფეხის ფრჩხილების ცუდი ზრდა;

• ფეხებზე თმის ზრდის შემცირება;

• ერექციული დისფუნქცია მამაკაცებში.