თათია მარტიაშვილი

თუმცა კვების რაციონში ზოგიერთი პროდუქტის დამატება სიმპტომების შემსუბუქებაში გვეხმარება.

არსებობს მტკიცებულება, რომ ტრადიციული, დასავლური დიეტა, რომელიც წითელი ხორცით, მარცვლეულითა და ტკბილეულით არის მდიდარი, ასთმის მდგომარეობაზე ნეგატიურად მოქმედებს. ისინი ორგანიზმში ანთებით პროცესებს ასტიმულირებენ.

ხილითა და ბოსტნეულით მდიდარ დიეტას კი, როგორც ასთმის განვითარების რისკის შემცირება, ასევე თავად სიმპტომების შემსუბუქებაც შეუძლია.

სასარგებლოა ე.წ ხმელთაშუა ზღვის დიეტაც, რომელიც ჯანსაღ ცხიმებს (მაგ:ზეითუნის ზეთი), თევზს, ხილსა და ბოსტნეულს მოიცავს.

რომელი პროდუქტები დაგვეხმარება ასთმის სიმპტომების შემსუბუქებაში?

ვაშლი და ფორთოხალი

ხილი ბეტა კაროტინის, C და E ვიტამინების წყაროა, მათ შეუძლია ფილტვებში ანთებითი და  შეშუპებითი პროცესების შემცირება.

2017 წელს ჩატარებული ერთ-ერთი კვლევის შედეგად დადგინდა, რომ ვაშლისა და ფორთოხლის ხშირი მოხმარება ასთმის სიმპტომებს საგრძნობლად ამსუბუქებს.

ორაგული

2015 წელს ჩატარებული კვლევის თანახმად, ბავშვები, რომლებიც დიდი რაოდენობით კარაქსა და „ფასტ-ფუდს“ ღებულობდნენ, უფრო ხშირად ავადდებოდნენ ასთმით.

ცხიმიანი საკვები არ არის სასარგებლო, თუმცა ეს არ ეხება მონო და პოლიუჯერ ცხიმებს. ომეგა 3-ის ცხიმოვანი მჟავა სასარგებლოც კია, ის ანთებას ამცირებს.

მისი შემცველობის გარდა, ორაგული D ვიტამინითაც არის მდიდარი, რომლის ბალანსიც მნიშვნელოვანია ჯანსაღი ორგანიზმის შენარჩუნებისათვის და მათ შორის, ასთმის სიმპტომების შემსუბუქებისათვის.

ლობიო

მიკრობიომი, რომელიც ჯანმრთელ ნაწლავებშია, ასთმისა და სხვა აუტოიმუნური დარღვევების შემცირებას უწყობს ხელს.

ბოჭკოს მაღალი შემცველობის მქონე პროდუქტები ნაწლავებში „კარგი“ ბაქტერიების გამრავლებას უზრუნველყოფენ, რაც ანთებითი პროცესებისა და მათ შორის, ასთმის განვითარების ხელშემშლელი ფაქტორია.

პრებიოტიკების შემცველი ლობიოს მენიუში შეტანა ნამდვილად არ უნდა დაგავიწყდეთ.

ბროწეული

მასში შემავალი ანტიოქსიდანტები ფილტვების ანთებისაგან გვიცავს. არსებობს ცხოველებზე ჩატარებული კვლევაც, რომლის თანახმადაც ბროწეულის წვენი ფილტვის ქსოვილების დაზიანების რისკს ამცირებს.

პომიდვრის სოუსი

პომიდორი დაბალი კალორიულობით გამოირჩევა და ანტიოქსიდანტებით არის მდიდარი.

მას ანთების საწინააღმდეგო ეფექტიც აქვს. პომიდვრის წვენი სასუნთქი გზების მოდუნებაში გვეხმარება, მასში შემავალი ლიკოპენი კი ასთმით დაავადებულ მოზარდებს სასუნთქი გზების გათავისუფლებაში ეხმარება.