დათვის დაავადება - ემოციურ ნიადაგზე აღმოცენებული ფაღარათი
პრობლემის არსი ასეთია: მგზავრობის, გამოცდისა თუ რომელიმე საპასუხისმგებლო ღონისძიების წინ ნერვული გადაძაბვის გამო კუჭი საკვების სასწრაფო ევაკუაციას აცხადებს. თუ ასეთი რამ ერთხელ უკვე დაგმართნიათ, მაშასადამე, მეორედაც შეიძლება დაგატყდეთ თავს, მაგრამ თუ ნერვულ სისტემას გაიძლიერებთ, დიარეა უსიამოვნებას ვეღარ მოგაყენებთ.
- მიირთვით თიამინით (B1 ვიტამინით), კალციუმით, კალიუმითა და მაგნიუმით მდიდარი საკვები. თქვენს სუფრას ხშირად უნდა ამშვენებდეს ორთქლზე მომზადებული ან მშრალად მოხარშული ხორცი და გულ-ღვიძლი, ლობიო, ბარდა, მარცვლეული, სიმინდისა და შვრიის ბურბუშელა, სოია, ყავისფერი ბრინჯი, კარტოფილი, ყვავილოვანი კომბოსტო და წითელი კომბოსტოს მწნილი, ყაბაყი და ზღვის მცენარეები.
- ერიდეთ ყავას, მაგარ ჩაის და ალკოჰოლურ სასმელებს, გარდა ლუდისა. მიირთვით მწვანე ჩაი პიტნით, ჟასმინით, ცაცხვით და მარწყვით.
- კვირაში ორჯერ მაინც ივარჯიშეთ, იცურავეთ, იძუნძულეთ, საღამოობით ისეირნეთ სუფთა ჰაერზე. ძილის წინ გაანიავეთ ოთახი.
- მიიღეთ კატაბალახას, ვარდის, ნემსიწვერას, ლიმონის, ჩაის ხის ეთერზეთოვანი აბაზანები.
საპასუხისმგებლო ღონისძიებამდე სამი დღით ადრე მიიღეთ შემდეგი ზომები:
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მიირთვით ჩვეულებრივზე ხშირად, მაგრამ მყარ, ძნელად მოსანელებელ საკვებს ერიდეთ. 3-4 საათში ერთხელ მცირე ულუფებით მიიღეთ ადვილად ასათვისებელი პროდუქტი: იოგურტი, მაწონი, ხაჭო, თხელი ბრინჯის ან მანანის ფაფა, ღვიძლის პაშტეტი, ხორცის ბულიონი, მოხარშული ხბო, ქათამი, თევზი, სვით კისელი. რაციონიდან ამოიღეთ უჯრედისის შემცველი საკვები: შავი და თეთრი პური, ხილი და ბოსტნეული. ძილის წინ გაიკეთეთ მოცვის ნახარშის ან მაყვლის ნაყენის ოყნა (1 ჩაის კოვზ მოცვს დაასხით 2 ჭიქა ცხელი წყალი, ადუღეთ 15 წუთის განმავლობაში ნელ ცეცხლზე, გაწურეთ და გააცივეთ; 1 ჩაის კოვზ დაქუცმაცებულ მაყვლის ფოთოლს დაასხით 2 ჭიქა ადუღებული წყალი, 2 საათით დააყენეთ და გადაწურეთ).
უეცარი შეტევის დროს
1 ჭიქა თბილ ანადუღარ წყალში გახსენით 2 ს/კ ბრინჯის ან კარტოფილის სახამებელი და მიიღეთ ნახევარ საათში ერთხელ სუფრის კოვზით. მიღების წინ შეანჯღრიეთ. ამის შემდეგ ნახევარ ჭიქა ცივ ანადუღარ წყალში გახსენით 1 ს/კ სახამებელი, დაასხით 1 ჭ ცხელი წყალი, წამოადუღეთ და გააცივეთ. მიიღებული მასა გაყავით ორად. ნახევარი განაზავეთ 2 ჭიქა ცივ წყალში და გაიკეთეთ. 2 საათის შემდეგ პროცედურა გაიმეორეთ.
