საღეჭი რეზინი - სარგებელი და ზიანი
საღეჭმა რეზინამ, განსაკუთრებით შაქრიანმა, შეიძლება გამოიწვიოს კბილების დაზიანება, თუმცა, საღეჭი რეზინის მოხმარება ხშირად რეკომენდირებულია მათთვის, ვისაც მოწევისთვის თავის დანებება სურს.
საღეჭი რეზინები ზოგადად იყოფა ორ ტიპად: შაქრიანი და უშაქრო.
საღეჭი რეზინის დადებითი გავლენა ჯანმრთელობაზე
არსებობს ინფორმაცია იმის შესახებ, რომ საღეჭი რეზინი სასარგებლოა ტვინისთვის. საღეჭი რეზინი აძლიერებს თავის ტვინში სისხლის მიმოქცევას. ამავდროულად, კიდევ ერთი უპირატესობაა, რომ ის ტვინს კომფორტის განცდას აძლევს. ამ გზით შესაძლებელი ხდება უფრო მშვიდი განწყობის ქონა, ხელს უწყობს ყბის კუნთების გაძლიერებას. ასევე ზრდის ნერწყვის გამომუშავებას, ანადგურებს მავნე ბაქტერიებს პირის ღრუში, ამცირებს კბილების გაფუჭების რისკს, განსაკუთრებით უშაქრო რეზინი, ზრდის კონცენტრაციას.
საღეჭი რეზინი ამცირებს წონის მომატების რისკს, განსაკუთრებით კვებითი დარღვევების მქონე ადამიანებისთვის ან მათთვის, ვისაც ჭამის სურვილი აქვს სტრესის დროს. ვინაიდან საღეჭი რეზინი ხელს უწყობს ყურადღებას გადატანას და ადამიანს ჭამის სურვილი არ უჩნდება.
რა ზიანი მოაქვს საღეჭ რეზინას?
საღეჭი რეზინა აძლიერებს ყბის კუნთებს, მაგრამ მუდმივად ღეჭვისას მავნე ზემოქმედებაც არსებობს. რეზინის ხანგრძლივი ღეჭვა აზიანებს ყბის დისკს. ასევე შესაძლებელია ადამიანებმა თავის ტკივილი განიცადონ ყბის ძვლის გადატვირთვის გამო. ძალიან ბევრი რეზინის ღეჭვა არ არის კარგი, რადგან ზოგიერთ საღეჭ რეზინში შესაძლოა იყოს ქიმიკატები და კონსერვანტები.
საღეჭი რეზინის დღის განმავლობაში გარკვეულ დროზე მეტ ხანს ღეჭვამ შეიძლება გამოიწვიოს ყბის გადატრვირთვა და სახის სტრუქტურის ცვლილებები, ამიტომ, საშუალოდ, დღეში ნახევარი საათით ღეჭვა საკმარისია.
