ხორცის მოხმარება და სარძევე ჯირკვლის კიბო - რა უნდა იცოდეთ
წითელი და დამუშავებული ხორცის დიდი რაოდენობით მოხმარება დაკავშირებულია სარძევე ჯირკვლის კიბოს გაზრდილ რისკთან.
წითელი და დამუშავებული ხორცის ცილის სხვა წყაროებით ჩანაცვლებამ შეიძლება შეამციროს ეს რისკი.
რაც უფრო ადრე გააკეთებთ ამ ცვლილებას ცხოვრებაში, მით მეტ სარგებელს მიიღებთ.
მიუხედავად იმისა, რომ პირდაპირი კავშირი არ არის დადასტურებული, მზარდი კვლევები ვარაუდობენ, რომ წითელი და დამუშავებული ხორცის მოხმარების შეზღუდვამ, რომელიც ცნობილია, როგორც კოლორექტალური კიბოს პანკრეასის და კუჭის კიბოს განვითარების რისკ-ფაქტორი, შეიძლება ხელი შეუწყოს კიბოს განვითარების შემცირებას. რისკი მცირდება, როგორც პრემენოპაუზის, ისე პოსტმენოპაუზის მქონე ქალებში.
35-დან 74 წლამდე ასაკის 42000-ზე მეტ ქალზე ჩატარებულმა კვლევამ, რომელიც გამოქვეყნდა კიბოს საერთაშორისო ჟურნალში, აჩვენა, რომ მათ, ვინც ყველაზე მეტ წითელ ხორცს მოიხმარდა, სარძევე ჯირკვლის კიბოს განვითარების საშუალოდ 23 %-ით მეტი რისკი ჰქონდათ, ვიდრე მათ, ვინც ყველაზე ნაკლებს იღებდა წითელ ხორცს.
ამავდროულად, დამუშავებულმა ხორცმა, როგორიცაა ჰოთ-დოგი, ლორი, ბეკონი და ძეხვეული, შეიძლება მეტად შეუწყოს ხელის კიბოს განვითარებას, ვიდრე წითელმა ხორცმა.
კვლევამ ასევე აღმოაჩინა, რომ ქალებში, რომლებიც წითელ ხორცს კვირაში ოთხიდან ხუთჯერ მიირთმევდნენ, სარძევე ჯირკვლის კიბოს რისკი 14%-ით მეტი იყო, მათთან შედარებით, ვინც წითელ ხორცს კვირაში სამჯერ ან ნაკლებჯერ იღებდა.
ანალოგიურად 33-დან 52 წლამდე ასაკის 44231 ქალის გამოკვლევამ აჩვენა,რომ ქალები, რომლებიც მოზარდობის პერიოდში ყოველდღიურად ორ პორციაზე მეტ წითელ ხორცს იღებდნენ, 43%-ით მეტად უვითარდებოდათ სარძევე ჯირკვლის კიბო, ვიდრე მათ, ვინც წითელ ხორცს კვირაში ერთხელ მიირთმევდა.
კვლევამ ასევე აჩვენა სარგებელი წითელი ხორცის სხვა ცილის წყაროებით ჩანაცვლებისას.
წითელი ხორცის პარკოსნებით, თხილეულით, ფრინველის ხორცისა და თევზით ჩანაცვლება ასოცირდებოდა სარძევე ჯირკვლის კიბოს განვითარების დაბალ რისკთან.
თუმცა, წითელი ხორცის რაციონიდან მთლიანად ამოღება არ არის საჭირო. საკმარისია მისი რაოდენობის შეზღუდვა. ცილის მიღება კი სასარგებლოა სხვა ჯანსაღი წყაროებიდან.