სელის თესლის მოქმედებამ ნაწლავის მიკრობიომზე შეიძლება შეამციროს სარძევე ჯირკვლის კიბოს რისკი
მკვლევარები სულ უფრო მეტს სწავლობენ იმის შესახებ, თუ როგორ მოქმედებს ადამიანის ნაწლავში არსებული მიკროორგანიზმები, ნაწლავის მიკრობიომა, ჯანმრთელობის სხვა სფეროებზე. Microbiology Spectrum-ში გამოქვეყნებულ უახლეს კვლევაში, მკვლევარებს სურდათ შეესწავლათ კავშირი ნაწლავის მიკრობიომსა და სარძევე ჯირკვლის კიბოს რისკს შორის.
ბოლო კვლევის მონაცემების მიხედვით, მიკრობიომსა და სარძევე ჯირკვლის მიკრორნმ-ის ექსპრესიას შორის უნიკალური კავშირი შეინიშნება. კვლევის შედეგებმა ასევე დაადგინა, რომ სელის თესლის მოხმარებამ შეიძლება გავლენა მოახდინოს ნაწლავის მიკრობიომსა და სარძევე ჯირკვლის მიკრორნმ-ის ექსპრესიას შორის კავშირზე, რაც პოტენციურად ხელს უწყობს სარძევე ჯირკვლის კიბოს პრევენციას.
ჩატარებულ კვლევაში მკვლევარებმა აღმოაჩინეს ძირითადი კავშირი ნაწლავის მიკრობიომსა და გენის ექსპრესიას შორის. მათ ასევე დაადგინეს, რომ სელის თესლის მოხმარება ხელს უწყობს სარძევე ჯირკვლის კიბოს რისკის შემცირებას. მიუხედავად იმისა, რომ მეტი კვლევაა საჭირო, შედეგებს აქვს პოტენციური კლინიკური გავლენა რისკის შემცირებაზე.
როგორ მოქმედებს ნაწლავის მიკრობიომი სარძევე ჯირკვლის კიბოს რისკზე?
ნაწლავის მიკრობიომი მოიცავს ბაქტერიებსა და სხვა მიკროორგანიზმებს, რომლებიც ცხოვრობენ ნაწლავში.
მეცნიერებმა აღმოაჩინეს, რომ ნაწლავებში არსებული მიკროორგანიზმები დაკავშირებულია სარძევე ჯირკვლის მიკრორნმ-თან. მათ ასევე დაადგინეს, რომ სარძევე ჯირკვლის მიკრორნმ-მაშეიძლება გავლენა მოახდინოს სარძევე ჯირკვლის კიბოს განვითარებაზე. მიკრორნმ არის მცირე მოლეკულები, რომლებიც მნიშვნელოვანია გენების ექსპრესიის რეგულირებისთვის.
როგორ მოქმედებს სელის თესლის მოხმარება ნაწლავების ჯანმრთელობაზე და სარძევე ჯირკვლის კიბოზე
მკვლევარებმა გამოიკვლიეს, თუ როგორ შეიძლება შეიცვალოს კავშირი ნაწლავის მიკრობიომსა და სარძევე ჯირკვალში მიკრორნმ-ის ექსპრესიას შორის. მათ აღმოაჩინეს, რომ სელის თესლის მოხმარებამ ხელი შეუწყო ნაწლავის ბაქტერიებსა და მიკრორნმ-ს შორის ურთიერთობის შეცვლას, რითაც პოტენციურად დაეხმარა სარძევე ჯირკვლის კობოს რისკის შემცირებას.
სელის თესლმა შეძლო ამ ასოციაციების სასარგებლოდ შეცვლა. სელის თესლი შეიცავს ლიგნანს, ნაერთს, რომელიც მეტაბოლიზდება ნაწლავის მიკრობიოტაში. მეცნიერებმა დაადგინეს ნაწლავის მიკრობიოტა - სარძევე ჯირკვლის miRNA კავშირის არსებობა, აღმოაჩინეს, რომ დიეტური ჩარევა, სელის თესლი, გავლენას ახდენს მასზე და ეს იმაზე მეტყველებს, რომ შესაძლოა არსებობდეს ახალი გზა სარძევე ჯირკვლის კიბოს პროფილაქტიკისთვის.
მიუხედავად იმისა, რომ მონაცემები არ არის პირდაპირ გამოყენებადი, მას შეიძლება ჰქონდეს გავლენა დაავადების პრევენციაზე.კვლევები გრძელდება ამ შედეგების გასამყარებლად.
სარძევე ჯირკვლის კიბო არის კიბოს გავრცელებული ტიპი. მკურნალობა შეიძლება მოიცავდეს ქირურგიას, სხივურ თერაპიასა და მედიკამენტებს.
ადრეული გამოვლენა, პოტენციური მკურნალობის შესწავლა და შემუშავება მნიშვნელოვანი კომპონენტია დაავადების მქონე ადამიანების დასახმარებლად. თუმცა, კიდევ ერთი საკვანძო ელემენტია იმის გაგება, თუ როგორ შეუძლიათ ადამიანებს შეამცირონ სარძევე ჯირკვლის კიბოს განვითარების რისკი. მაგალითად, ადამიანებს შეუძლიათ შეამცირონ დაავადების რისკი ჯანსაღი წონის შენარჩუნებით, ალკოჰოლის მოხმარების შეზღუდვით და რეგულარული ვარჯიშით.
კვლევის მთავარი შეზღუდვა არის ის, რომ კვლევა ცხოველებზე ჩატარდა. თუმცა, შედეგების დასადასტურებლად კვლევების ჩატარება საჭიროა ადამიანებზე. სამომავლო ანალიზს ასევე შეუძლია გამოიკვლიოს უნიკალური კავშირი ნაწლავის მიკრობიომს, სარძევე ჯირკვლის მიკრორნმ-სა და სელის თესლის კომპონენტებსა და მათ გავლენას შორის.
ადამიანის ბიოლოგიის სირთულე და სხვადასხვა ფაქტორების გავლენა, როგორიცაა გენეტიკა და გარემო, საჭიროებს ყოვლისმომცველ კვლევებს, სანამ ასეთი აღმოჩენები კლინიკურ პრაქტიკად გადაიქცევა. კვლევა მიუთითებს პრევენციულ სტრატეგიებში საინტერესო შესაძლებლობებზე, მაგრამ ასევე ხაზს უსვამს მკაცრი, ფართომასშტაბიანი ადამიანური ცდების აუცილებლობას ამ წინასწარი დასკვნების დასადასტურებლად.
”თუ შემდგომი კვლევა, განსაკუთრებით ადამიანებში, დაადასტურებს ამ დასკვნებს, მას შეიძლება ჰქონდეს მნიშვნელოვანი კლინიკური გავლენა”, - ნათქვამია კვლევაში.
იხილეთ სტატია: რატომ არის სასარგებლო სელის თესლი და რა უნდა გავითვალისწინოთ მისი მიღებისას
