6 მიზეზი, თუ რატომ გაქვთ ცივი ხელები ან ფეხები
ანემია
ანემიის დროს აღინიშნება ერითროციტების ან ჰემოგლობინის დაბალი მაჩვენებელი, რომელიც აწვდის ჟანგბადს ფილტვებიდან მთელ სხეულში.
ყველაზე ხშირად ეს ხდება რკინის ნაკლებობის გამო. ხელები და ფეხები ცივდება, რადგან სხეული სისხლი გადააქვს უფრო მნიშვნელოვან ორგანოებზე, როგორიცაა გული, ტვინი ან ღვიძლი.
ასევე, ანემია ვლინდება ზოგადი სისუსტით, სიფერმკრთალით, თავბრუსხვევით, გულისცემის გახსირებით. არსებობს კიდევ ერთი სპეციფიკური ნიშანი - რკინის ნაკლებობისას, უჩნდებათ საჭმელად უვარგისი ნივთების ჭამის სურვილი, როგორიცაა ცარცი, ყინული ან მიწა.
ამ დაავადების გამოსავლენად საჭიროა სისხლის ანალიზის გაკეთება, რომელიც აჩვენებს სისხლის წითელი უჯრედების და ჰემოგლობინის რაოდენობას. რკინის დეფიციტის გამოსწორება შესაძლებელია სათანადო კვებით ან რკინის დანამატებით.
რეინოს სინდრომი
რეინოს დაავადების დროს კანის წვრილი არტერიები ვიწროვდება, რაც ზღუდავს სისხლის მიმოქცევას. ეს იწვევს დაბუჟებას და სიცივის შეგრძნებას თითებში, როგორც წესი, ცივი ტემპერატურის ან სტრესის საპასუხოდ.
ამავდროულად კიდურებზე კანი ფერმკრთალდება, გახურების შემდეგ წითლდება და შეშუპებულია, ჩნდება ჩხვლეტის და პულსაციის შეგრძნება.
ექიმები განასხვავებენ ამ დაავადების ორ ფორმას: პირველადი და მეორეული. პირველადს არ აქვს კონკრეტული მიზეზი, მისი სიმპტომები არ არის გამოხატული და ხშირად თავისთავად ქრება. მეორეული რეინოს სინდრომი გამოწვეულია გარკვეული დაავადებებით.
ყველაზე ხშირად, რეინოს სინდრომი გვხვდება ცივ კლიმატში მცხოვრებ ქალებში.
შაქრიანი დიაბეტი
შაქრიანი დიაბეტისას:
- ფერხდება სისხლის მიმოქცევა კიდურების წვრილ სისხლძარღვებში, განსაკუთრებით ფეხებში.
- იზრდება გულ-სისხლძარღვთა დაავადებების რისკს, რაც ასევე არღვევს ხელებისა და ფეხების სისხლის მიწოდებას.
- შაქრის მაღალი დონე აზიანებს ნერვებს, იწვევს სიცივის და დაბუჟების შეგრძნებას კიდურებში, განსაკუთრებით კი ფეხებში.
ამის თავიდან ასაცილებლად მნიშვნელოვანია შაქრის ნორმალური დონის შენარჩუნება სწორი დიეტის, ან მედიკამენტების საშუალებით.
ჰიპოთირეოზი
ეს არის მდგომარეობა, როდესაც ფარისებრი ჯირკვალი არ გამოიმუშავებს საკმარისად ჰორმონებს T3 (ტრიიოდთირონინი) და T4 (თიროქსინი). ეს ჰორმონები პასუხისმგებელნი არიან მეტაბოლიზმზე და ენერგიაზე. ჰიპოთირეოზი იწვევს სიცივის აუტანლობას და არღვევს სისხლის მიმოქცევას ხელისა და ფეხების სისხლძარღვებში.
დიაგნოზის დასადასტურებლად საჭიროა ფარისებრი ჯირკვლის ჰორმონების ტესტების ჩატარება. ჰიპოთირეოზი კარგად რეაგირებს ჰორმონის თიროქსინის სინთეზური ანალოგით მკურნალობაზე.
ვიტამინ B12-ის დეფიციტი
ის მნიშვნელოვან როლს ასრულებს სისხლის წითელი უჯრედების და ნერვული უჯრედების წარმოებაში, სხვა მნიშვნელოვან ფუნქციებთან ერთად. ვიტამინი B12 დეფიციტი იწვევს ნევროლოგიურ სიმპტომებს, როგორიცაა სიცივის შეგრძნება ხელებსა და ფეხებში, დაბუჟება ან ჩხვლეტა. ასევე იწვევს ანემიას, რის გამოც კიდურების სისხლით მომარაგება ირღვევა.
სიცივეში ხანგრძლივი ყოფნა
ცივი ხელები ნორმალურია, თუ თქვენ ცხოვრობთ და მუშაობთ ცივ გარემოში.
დაბალი ტემპერატურის გავლენით კიდურების სისხლძარღვები იკუმშება, რათა შემცირდეს სითბოს გადაცემა და შეინარჩუნოს სითბო უფრო მნიშვნელოვანი შინაგანი ორგანოებისთვის.
ზოგჯერ ამას უერთდება ინდივიდუალური ჰიპერმგრძნობელობა სიცივის მიმართ. შედეგად ხელები და ფეხები მუდმივად ცივია და უჭირს გათბობა.
რა უნდა გააკეთო, რომ თბილად გვქონდეს კიდურები.
- ატარეთ ხელთათმანები და თბილი წინდები.
- შეარჩიეთ სწორი ფეხსაცმელი - მჭიდრო ფეხსაცმელში ვიწროვდება სისხლძარღვებს, ფეხი კი იყინება.
- აკონტროლეთ თქვენი სხეულის ტემპერატურა. თუ გაცივდით, სხეული სპაზმს გაუკეთებს პერიფერიაზე არსებულ სისხლძარღვებს (კიდურები), რათა შეინარჩუნოს მნიშვნელოვანი შინაგანი ორგანოების - გულის, ტვინის, თირკმელების ნორმალური ტემპერატურა.
- მოერიდეთ კოფეინს და ნიკოტინს: ეს არის ვაზოკონსტრიქტორები, რომლებიც აძლიერებენ სიცივის ეფექტს.