5 ყოველდღიური ჩვევა, რომელიც ხელს უწყობს საჭმლის მომნელებელი სისტემის ჯანმრთელობას
ცხოვრების ჯანსაღი წესი და დიეტური ჩვევები ხელს უწყობს ნაწლავების ჯანმრთელობის მნიშვნელოვან გაუმჯობესებას:
დაიწყეთ დილა დამამშვიდებელი რეჟიმით
დილით სწრაფად ადგომა, ნაჩქარევად სამუშაოს დაწყებას შეიძლება ჰქონდეთ უარყოფითი შედეგები გონებაზე და ნაწლავებზე.
ნაწლავი და ტვინი დაკავშირებულია ასობით მილიონი ნერვის მეშვეობით, რომლებიც ცნობილია, როგორც ნაწლავის ნერვული სისტემა. ეს ხშირად ნიშნავს, რომ იმას, რაც ჩვენს ტვინში ხდება, შეუძლია გავლენა მოახდინოს იმაზე, თუ რა ხდება ჩვენს ნაწლავებში და პირიქით. იმის ნაცვლად, რომ დილა დაიწყოთ ნაჩქარევად, გააკეთეთ ისეთი აქტივობი, რომელებიც პრიორიტეტულია ნაწლავ-ტვინის ღერძის ჯანმრთელობისთვის, მაგალითად, მედიტაცია ან თუნდაც რამდენიმე ღრმა ჩასუნთქვა საწოლიდან ადგომამდე.
აამოძრავეთ სხეული
დილაობით მოძრაობის მარტივმა ფორმებმა ასევე შეიძლება ხელი შეუწყოს ნაწლავების ჯანმრთელობას. სხვადასხვა აქტივობები დადებითად მოქმედებს ნაწლავის ბაქტერიების მრავალფეროვნებაზე, დაწყებული აერობიკიდან იოგამდე. სეირნობა შეიძლება იყოს დილის ერთ-ერთი საუკეთესო ჩვევა საჭმლის მომნელებელი სისტემის ჯანმრთელობისთვის, რადგან ყოველი ნაბიჯით შეგიძლიათ მიიღოთ უამრავი სარგებელი.
ამ აქტივობებისგან მიღებულ ჯანმრთელობის სარგებელს საფუძვლად უდევს ნაწლავის ბაქტერიების დადებითი რეაქცია მოძრაობასა და გონების აქტივობაზე, რაც იწვევს ნაწლავებში პრობიოტიკების სიმრავლის გაზრდას.
მიიღეთ მზის შუქი
ბევრი ადამიანი ფიქრობს, რომ დილის მზის სხივების მიღება მნიშვნელოვანია მხოლოდ მათ ცირკადულ რიტმთან მიმართებაში. თუმცა, ჯანმრთელ სუბიექტებში ჩატარებულმა კვლევამ აჩვენა, რომ მზის სხივების ზემოქმედებამ, რომელიც ზრდის D ვიტამინის დონეს, შეიძლება გამოიწვიოს მნიშვნელოვანი დადებითი ცვლილებები მათ ნაწლავებში პრობიოტიკური შტამების სიმრავლის კუთხით.
დალიეთ ყავა ან ჩაი
მიირთვით ფინჯანი ყავა. მიუხედავად იმისა, რომ აუცილებელია წყლის მიღება და ნორმალური ჰიდრატაციის შენარჩუნება, როგორც საჭმლის მონელებისთვის, ასევე მთლიანად ჯანმრთელობისთვის, სასარგებლოა კოფეინიც. დილით მიირთვით ფინჯანი გაფილტრული ყავა ან ჩაი. ისინი მდიდარია ფიტოქიმიკატებით.
მიიღეთ საუზმე, რომელიც მდიდარია პრებიოტიკებითა და პრობიოტიკებით
მიუხედავად იმისა, რომ პრობიოტიკები ყურადღების ცენტრშია ნაწლავის ჯანმრთელობის საუბარში, პრებიოტიკები ისეთივე მნიშვნელოვანია, რადგან ისინი კვებავენ ნაწლავის სასარგებლო ბაქტერიებს.
საუზმეზე პრობიოტიკური საკვების მირთმევით, ბუნებრივად ზრდით ნაწლავის ბაქტერიების მრავალფეროვნებას, რაც კიდევ უფრო აძლიერებს ნაწლავის ჯანმრთელობას. კეფირი მთავარი რეკომენდაციაა, რადგან კეფირის პრობიოტიკები განსაკუთრებით ღირებულია იმით, რომ ნაწლავებში იზრდებიან და მრავლდებიან, ბევრ სხვა პრობიოტიკით მდიდარ საკვებთან შედარებით.
