ჭარბი ძილის უარყოფითი გავლენა ჯანმრთელობაზე
ზედმეტი ძილი შეიძლება იყოს რაღაც უფრო სერიოზულის ნიშანი.
მიუხედავად იმისა, რომ უძილობა უფრო მეტად ასოცირდება დეპრესიასთან, ვიდრე ზედმეტი ძილი, მაინც შესაძლებელია, რომ ზედმეტი ძილი იყოს საყურადღებო.
ჭარბი ძილი დეპრესიის მქონე ადამიანების 15%-ში ერთ-ერთი სიმპტომია და ატიპურ დეპრესიაზე მიანიშნებს. ზედმეტი ძილი დეპრესიის შესაძლო სიმპტომია, თუმცა ზედმეტი ძილი არ იწვევს დეპრესიას. მაგრამ, მას შეუძლია გააძლიეროს ან გააუარესოს დეპრესიის სიმპტომები.
ატიპიური დეპრესია არის დეპრესიის სპეციფიკური ტიპი, რომლის დროსაც ადამიანის განწყობა შეიძლება გაუმჯობესდეს პოზიტიური მოვლენის საპასუხოდ. მაგრამ, მიუხედავად იმისა, რომ მათი განწყობა შეიძლება გაუმჯობესდეს, ეს მხოლოდ დროებითია.
ხშირად ადამიანები ვერ აცნობიერებენ, რომ დეპრესიაში არიან. გარდა ზედმეტი ძილისა, სხვა ნიშნებია: გაზრდილი მადა და ინტერპერსონალური მგრძნობელობა.
მიუხედავად იმისა, რომ ზედმეტი ძილი შეიძლება იყოს ატიპიური დეპრესიის სიმპტომი, არსებობს სხვადასხვა ფაქტორები, რომლებიც ასევე ხელს უწყობენ მას.
ძილის აპნოეს დროს ადამიანი ძილის დროს განმეორებით წყვეტს სუნთქვას. ისინი ხშირად არ შედიან ძილის ღრმა სტადიებში ან არ იღებენ იმდენ ძილს, რამდენიც სჭირდებათ. შედეგად, ისინი თავს დაღლილად გრძნობენ მაშინაც კი, თუ მათ ეძინათ საკმარისი რაოდენობის საათი.
კიდევ ერთი ფაქტორი, რამაც შეიძლება გამოიწვიოს ზედმეტი ძილი არის ადამიანის ცირკადული რიტმის შეფერხება, მისი სხეულის შინაგანი საათის დარღვევა. ამ დროს ადამიანებს უჭირთ დილით დროულად გაღვიძება, რადგან მათი ცირკადული რიტმი დაგვიანებულია, შედეგად მათ არ შეუძლიათ ადრე დაიძინონ.
თუ ვინმეს ზედმეტად სძინავს, გაღვიძებისას შესაძლოა იგრძნოს, რომ დღე გამოტოვა, ამას გარდა, ისინი გრძნობენ, რომ ჩამორჩებიან და არ აქვთ უნარი გააკეთონ ის, რაც სურდათ.
ზედმეტ ძილს (ისევე, როგორც ძალიან ცოტა ძილს) შეიძლება ჰქონდეს სხვა მნიშვნელოვანი უარყოფითი გავლენა ჯანმრთელობაზე. ეს შეიძლება შეიცავდეს დიაბეტის გაზრდილ რისკს, ასევე გულის დაავადებების გაზრდილ მაჩვენებელს, კოგნიტური ფუნქციების დაქვეითებას და სიმსუქნეს.
როდესაც ადამიანები დროულად იღვიძებენ, ამან შეიძლება მათი დღე უკეთესი გახადოს. ამ შემთხვევაში, იზრდება პროდუქტიულობა, რაც თავის მხრივ, აუმჯობესებს გუნება-განწყობას და დროთა განმავლობაში სხვა ცვლილებების განხორციელების საშუალებას იძლევა, რაც ხელს უწყობს უფრო სასიამოვნო აქტივობების გაზრდას და ჭარბი ძილის თავიდან აცილებას.
თუ ზედმეტი ძილი დეპრესიის სიმპტომია, ყველაზე მნიშვნელოვანია ამ დეპრესიის სამკურნალოდ მიმართოთ სპეციალისტს.
ნუ გადაწევთ მაღვიძარას - იმ მომენტში როდესაც მაღვიძარა რეკავს, ძილის ციკლი წყდება და ორგანიზმი გამოსაფხიზლებლად ემზადება. იმ შემთხვევაში, თუ მაღვიძარას გადაწევთდა ძილს გავაგრძელებთ 7-8 წუთით, მიიღებთ ხანმოკლე, ფრაგმენტული ძილის პერიოდებს.მაღვიძარას რამდენჯერმე გადაწევის შემდეგ გამოფხიზლებას მიაქვს უფრო დიდი დრო.
ნუ დაარღვევთ ძილის რუტინას შაბათ-კვირას, შეეცადეთ იყოთ თანმიმდევრულები, იქნება ეს შაბათ-კვირას თუ სამუშაო დღეს.
დააბალანსეთ სინათლე - დღის განმავლობაში დიდი დრო გაატარეთ დღის სინათლეზე, ხოლო ძილის დროს მოერიდეთ სინათლეს, რათა ორგანიზმში გამომუშავდეს მელატონინი.
ღამით უნდა მოერიდოთ ლურჯ შუქს ტელეფონისა თუ ელექტრონული მოწყობილობების ეკრანებიდან, რადგან ცნობილია, რომ ეს თრგუნავს მელატონინის გამომუშავებას.