დეოდორანტი VS ანტიპერსპირანტი - რას უნდა მივაქციოთ ყურადღება მათი არჩევისას
ბაქტერიები სწრაფად მრავლდებიან სველ იღლიებში, რაც უსიამოვნო სუნს იწვევს.
დეონდორანტი vs ანტიპერსპირანტი
დეოდორანტი ხელს უშლის უსიამოვნო სუნის წარმოქმნას ბაქტერიებზე ზემოქმედებით, ხოლო ანტიპერსპირანტი ოფლიანობას ჯირკვლებზე ზემოქმედებით.
ანტიპერსპირანტი შეიცავს ალუმინის მარილებს - ალუმინის ქლორიდს ან ალუმინის ქლოროჰიდრატს. ალუმინის მარილები ბლოკავს საოფლე ჯირკვლებს, ხელს უშლის ოფლიანობას და არღვევს ბუნებრივ ნივთიერებათა ცვლას, რაც საზიანობა, ვინაიდან, ოფლტან ერთად მეტაბოლური პროდუქტები გამოიყოფა, იგი საჭიროა დეტოქსიკაციისთვის და სხეულის ნორმალური ტემპერატურის შესანარჩუნებლად.
ალუმინის მარილების გარდა, ყველაზე ხშირად ანტიპერსპირანტების შემადგენლობაში შედის:
- სინთეზური კონსერვანტები და ანტიბაქტერიული საშუალებები - აღიზიანებს თვალებს, კანსა და ფილტვებს;
- სინთეზური დამატენიანებლები - შეიძლება გამოიწვიოს კანის ალერგიული რეაქცია;
- პარაბენები - უარყოფითად მოქმედებს კანზე, ტოქსიკურია და შეიძლება გამოიწვიოს ალერგია;
- სილიკონები - ბლოკავს საოფლე ჯირკვლების ფორებს;
- სინთეზური სუნამოები - ანტიპერსპირანტს საჭირო არომატს აძლევს და ანეიტრალეს სხვა ინგრედიენტების სუნს
თუ დეოდორანტის ან ანტიპერსპირანტის ყიდვისას, შემადგენლობაში ამ კომპონენტებს ხვდებით, უმჯობესია უარი თქვათ მათ შეძენაზე.
ბუნებრივი დეოდორანტები
ისინი ამცირებენ ოფლის სუნს ოფლიანობის დაბლოკვის გარეშე. ამას კი უზრუნველყოფს მათში შემავალი ანტიბაქტერიული ეთერზეთები, სოდა, სვია. ბუნებრივი დეოდორანტის გამოყენებისას ოფლის გამოყოფის ინტენსივობა მცირდება და ბაქტერიების რეპროდუქციის ჩახშობით, ოფლის სუნი ქრება.
სწორი ბუნებრივი დეოდორანტის არჩევისას ყურადღება უნდა მიექცეს შემდეგ ფაქტორებს: არ უნდა შეიცავდეს ალუმინის მარილებს, პარაბენებს, სინთეზურ სუნამოებს.
ბუნებრივი დეოდორანტის, თავდაპირველად, დღის განმავლობაში რამდენჯერმე გამოყენებით ოფლიანობა თანდათან შემცირდება.