მარიამ ფოლადაშვილი

და ორგანიზმის უნარის გაძლიერებაში, ებრძოლოს ყველა სახის ინფექციასა თუ დაავადებას.

იმუნური სისტემა ორგანიზმის მთავარი დამცავი რგოლია მიკრობებისა და სხვა დაავადებების წინააღმდეგ.

ერთ-ერთი კვლევის მიხედვით(გამოქვეყნებულია ჟურნალ sleep-ში), სადაც მეცნიერები თვალყურს ადევნებდნენ 164 მოხალისის ძილს, დადგინდა, რომ რაც უფრო მეტი ეძინა ადამიანს, მით უფრო ნაკლები იყო ავადობის ალბათობა. იმ ადამიანებს, რომელთაც ღამით ხუთ საათზე ნაკლებს სძინავთ, ორჯერ უფრო ხშირად ავადდებიან, ვიდრე ისინი, ვინც საშუალოდ შვიდ საათს ან მეტს იძინებენ.

ძილის დარღვევა გავლენას ახდენს იმუნური უჯრედების რიტმზე. ღამით ცუდმა ძილმა შესაძლოა გავლენა იქონიოს იმუნურ პასუხზე, ისეთი გამოწვევბის მიმართ, როგორიცაა ინფექცია, დაზიანება ან სხვა.

კვლევამ აჩვენა, რომ ადამიანები, რომლებსაც არ სძინავთ საკმარისად, როგორც ინფექციური, ასევე ანთებითი დაავადებების განვითარების უფრო დიდი რისკის ქვეშ არიან.

როგორ ეხმარება ძილი იმუნური სისტემის ფუნქციების გაუმჯობესებას

ძილი ორგანიზმს აძლევს შესაძლებლობას გააძლიეროს იმუნური უჯრედები. იმუნური უჯრედების გამომუშავება ძირითადად ხდება ძილის დროს და არაადეკვატური ძილის პირობებში მათი პროდუქცია ირღვევა. ამის ერთ-ერთი შედეგი შეიძლება იყოს უკონტროლო ანთება. მეცნიერების თქმით, ძილის დარღვევამ შეიძლება გამოიწვიოს ანთების შესამჩნევი ზრდა.

უკონტროლო ანთებამ შეიძლება ხელი შეუწყოს შინაგან დაზიანებას ან ცვლილებებს, რომლებიც იწვევს გულის დაავადებებს, დიაბეტს და სხვა სამედიცინო მდგომარეობას.

მკვლევარებმა აღმოაჩინეს, რომ ნორმალური ძილისას იმუნური უჯრედები მიგრირებენ სისხლიდან ლიმფოიდურ ორგანოებში, სადაც ვირუსული პათოგენები ხშირად გროვდება. თუ საკმარისად არ გძინავთ, ეს მიგრაცია დარღვეულია და იმუნური უჯრედები შეიძლება სათანადოდ ვერ ჩაერთონ ამ პათოგენებთან ბრძოლაში. ეს არის ერთ-ერთი მიზეზი, რის გამოც ცუდი ძილი ასოცირდება ინფექციების ან ავადმყოფობის გაზრდილ რისკთან.

ბევრმა სხვა კვლევამ დაადგინა, რომ ჯანსაღი ძილი ხელს უწყობს ორგანიზმის ბალანსის შენარჩუნებას და არეგულირებს იმუნური სისტემის აქტივობას, ამასთან, კარგი ძილი აუმჯობესებს იმუნური უჯრედების უნარს იპოვონ სწორი სამიზნეები.

არასაკმარისი ძილი ასევე უარყოფით გავლენას ახდენს ფსიქიკურ ჯანმრთელობაზე.

მცირე პერიოდის განმავლობაში არასაკმარისი ძილი, სავარაუდოდ, არ დააზარალებს ჯანმრთელობას. მაგრამ, თუ ეს სისტემატურ ხასიათს იღებს, უარყოფითად აისახება ჯანმრთელობაზე.

ძილის ეროვნული ფონდის გაიდლაინები რეკომენდაციას უწევს მოზარდებს,რომ ღამით შვიდიდან ცხრა საათამდე იძინონ. ექსპერტები მიიჩნვენ, რომ ძილის ხარისხი, ძილის მთლიან დროზე არანაკლებ მნიშვნელოვანია.

ფოკუსირება მოახდინეთ ძილის ხარისხზე და იმაზე, თუ რამდენად დასვენებულად გრძნობთ თავს გაღვიძებისას. ძილის შეფასების ერთ-ერთი საუკეთესო საშუალებაა ჰკითხოთ საკუთარ თავს, როგორ გრძნობთ თავს გაღვიძებიდან რამდენიმე საათში. თუ თავს დასვენებულად გრძნობთ, ეს იმის ნიშანია, რომ კარგად გეძინათ.

მიყევით ძილ-ღვიძილის მუდმივ რუტინას, ივარჯიშეთ დღის განმავლობაში, მოერიდეთ ალკოჰოლს და კოფეინს ძილის წინ.

თუ გიჭირთ ძილის მოწესრიგება, მიმართეთ სპეციალისტს.