მარიამ ფოლადაშვილი

თირკმელების ჯანმრთელობის შესანარჩუნებლად:

ჰიდრატაციის შენარჩუნება - თუმცა, ნუ გადააჭარბებთ. არ არის დადასტურებული, რომ ჭარბი ჰიდრატაცია,ეფექტურია თირკმლის ფუნქციის გასაუმჯობესებლად. მიუხედავად იმისა, რომ ყოველთვის კარგია საკმარისი წყლის დალევა, დღეში ჩვეულებრივ ოთხ-ექვს ჭიქაზე მეტ წყალს ნუ მიიღებთ.

მიირთვით ჯანსაღი საკვები - თირკმელების პრობლემების უმეტესობა წარმოიქმნება სხვა სამედიცინო მდგომარეობების შედეგად, როგორიცაა მაღალი წნევა, დიაბეტი და გულ-სისხლძარღვთა დაავადებები. ამის გამო, გირჩევთ დაიცვათ ჯანსაღი კვების ჩვევები წონისა და არტერიული წნევის გასაკონტროლებლად. დიაბეტის და მაღალი წნევის პრევენცია დაგეხმარებათ თირკმელების ჯანმრთელობის შენარჩუნებაში.

ივარჯიშეთ რეგულარულად - დაბალანსებული დიეტის მსგავსად, რეგულარულ ფიზიკურ აქტივობას შეუძლია თავიდან აგაცილოთ წონის მომატება და მაღალი წნევა. მაგრამ, მიაქციეთ ყურადღება რამდენს ვარჯიშობთ. საკუთარი თავის გადამეტებამ,განსაკუთრებით მაშინ, როცა არ ხართ კარგ ფორმაში, შეიძლება გამოიწვიოს სერიოზული პრობლემები.

სიფრთხილით გამოიყენეთ დანამატები და მცენარეული საშუალებები - გარკვეული ვიტამინების დანამატების და ზოგიერთი მცენარეული ექსტრაქტის გადაჭარბებული რაოდენობა შეიძლება საზიანო იყოს თქვენი თირკმელებისთვის. გაიარეთ კონსულტაცია ექიმთან ნებისმიერი იმ ვიტამინისა და მცენარეული ექსტრაქტის შესახებ, რომლის მიღებასაც აპირებთ.

შეწყვიტეთ მოწევა - მოწევამ შეიძლება დააზიანოს სისხლძარღვები, რაც ამცირებს თირკმელებში სისხლის ნაკადს. როდესაც თირკმელებს არ მიეწოდება ადეკვატური სისხლის ნაკადი, ისინი ვერ ახერხებენ ოპტიმალურ ფუნქციონირებას. მოწევა ასევე ზრდის მაღალი წნევისა და თირკმლის კიბოს განვითარების რისკს.

სიფრთხილით მიირეთ სხვადასხვა მედიკამენტი - ზოგიერთმა წამალმა (მაგალითად, არასტეროიდულმა ანთების საწინააღმდეგო საშუალებებმა) შეიძლება გამოიწვიოს თირკმელების დაზიანება, თუ მათი მიღება რეგულარულად, ხანგრძლივი პერიოდის განმავლობაში ხდება. თუ თქვენ გაქვთ ჯანმრთელი თირკმელები და იყენებთ ამ მედიკამენტებს დროდადრო ტკივილის დროს, ისინი არ წარმოადგენენ რისკს. მაგრამ, თუ მათ იღებთ ქრონიკული ტკივილის ან ართრიტის დროს, უნდა ესაუბროთ ექიმს თქვენი თირკმელების ფუნქციის მონიტორინგის ან ტკივილის კონტროლის ალტერნატიული გზების პოვნის შესახებ.

თუ თირკმელების დაავადების განვითარების რისკის ქვეშ ხართ გაიარეთ თირკმელების ფუნქციის რეგულარული სკრინინგი - თუ გაქვთ დიაბეტი, მაღალი წნევა ან გულ-სისხლძარღვთა დაავადება, ექიმმა უნდა შეამოწმოს თირკმელების ფუნქცია.