რატომ არის საჭირო ხილში არსებული შაქრის რაოდენობის ცოდნა

04.04.2023

ხილი ყოველთვის უფრო ჯანსაღი ვარიანტია, ვიდრე ტკბილეული, ცომეული

ან სხვა შაქრით გაჯერებული საკვები. ამას გარდა, ხილი მდიდარია ვიტამინებითა და ნუტრიენტებით, ხოლო ზოგიერთი მდიდარია ბოჭკოვანი ნივთიერებითაც, რაც ხელს უწყობს საჭმლის მომნელებელი სისტემის ნორმალურ ფუნქციონირებას.

ხილში შემავალი შაქარი ბუნებრივია და ორგანიზმი მას უფრო მარტივად ამუშავებს, ვიდრე სხვა ტკბილეულში შემავალ შაქარს.

თუმცა, უფრო მეტი შაქრის შემცველი საკვები მაინც ნიშნავს მეტი შაქრის მოხმარებას. მნიშვნელოვანია იცოდეთ იმ პროდუქტების შაქრის შემცველობის შესახებ, რომელსაც მიირთმევთ (განსაკუთრებით თუ თქვენ გაქვთ ჯანმრთელობის მდგომარეობა, რომელიც მოითხოვს სისხლში შაქრის დონის მონიტორინგს). ამის ცოდნა დაგეხმარებათ ზომიერების დაცვაში.

შაქრის შემცველობა ხილში:

მანგო

შაქრის შემცველობა ერთ მანგოში: 46 გ.

შეკითხვა ექიმს

<p>-გამარჯობა. ბოლო რამდენიმე თვეა სამსახურში ძალიან ვიღლები, ისე, რომ გონებრივად ვითიშები და თვალები მეხუჭება. სამსახურში კი მიწევს მძიმე ფიზიკური შრომა, თუმცა 2 წლის მანძილზე ასე არასდროს ვყოფილვარ. მაინტერესებს თქვენი რჩევა. ასევე რა ვიტამინები უნდა შევიმოწმო? ასევე ვარ რკინადეფიციტური ანემიისკენ მიდრეკილი და ექიმის დანიშნულებით ვსვამ გალფერს.</p>

ტროპიკულ ხილს, როგორც წესი, უფრო მაღალი შაქრის შემცველობა აქვს, ამის მთავარი მაგალითია მანგო.

პორციების კონტროლი მნიშვნელოვანია, თუ თქვენ ცდილობთ მინიმუმამდე დაიყვანოთ შაქრის მიღება მანგოს ჭამის დროს. უმჯობეისა მანგოს (ან ნებისმიერი შაქრიანი ხილის) მიღება ცილოვან საკვებთან ერთად, როგორიცაა უცხიმო ბერძნული იოგურტი. ეს დაგეხმარებათ შეანელოთ შაქრის გამოთავისუფლება სისხლში.

ვაშლი

შაქრის შემცველობა ერთ დიდ ვაშლში: 25.1 გ.

ვაშლში შემავალი შაქრის უმეტესი ნაწილი არის ფრუქტოზა, რომელსაც ხშირად უწოდებენ "ხილის შაქარს". ფრუქტოზა არ იწვევს სისხლში შაქრის ან ინსულინის დონის აწევას, ისევე გლუკოზა ან საქაროზა.

ბოჭკოების შემცველობა ხელს უწყობს გლუკოზის მეტაბოლიზმს, რაც ასევე დაგეხმარებათ სისხლში შაქრისა და ინსულინის დონის ზედმეტად მომატების თავიდან აცილებაში.

თუ გსურთ შეზღუდოთ თქვენი პოტენციური შაქრის მიღება ვაშლიდან, ყურადღება მიაქციეთ ფერებს. კვლევებმა აჩვენა, რომ მწვანე ვაშლს ჩვეულებრივ აქვს ნაკლები შაქარი, ვიდრე წითელი ფერის ჯიშებში.

ბალი(ალუბალი)

შაქრის დაახლოებითი შემცველობა(ერთი თასი ბალი) 19,7 გ.

ამ ხილის მიღებისას საჭიროა, ზომიერების დაცვა, ვინაიდან მისი ზომიდან გამომდინარე, არ არის რთული დოზის გადაჭარბება.

ფორთოხალი

შაქრის შემცველობა ერთ დიდ ფორთოხალში: 17.2 გ.

უმჯობესია, თუ ფორთოხალს მიირთმევთ, როგორც ცოცხალ ხილს. ვინაიდან, ფორთოხლის წვენში შაქარი ბევრად უფრო კონცენტრირებულია.

ანანასი

შაქრის შემცველობა ანანასში: 16.3 გ.

ანანასის სიტკბო განპირობებულია შაქრის მაღალი დონის გამო - და ეს დონე მხოლოდ მაშინ იზრდება, თუ ნაყოფი გამოწურულია, გამხმარია ან შაქრიან სიროფთან ერთად ხდება მისი მიღება. ამ შემთხვევაშიც, მნიშვნელოვანია ზომიერების დაცვა.

ბანანი

შაქრის შემცველობა ერთ ბანანში: 15,4 გ.

შაქრის შემცველობა იზრდება ბანანის სიმწიფესთან ერთად. თუ მიღებული შაქრის დონეს აკონტროლებთ, ყურადღება მიაქციეთ პორციის ზომას. უმჯობესია, თუ თქვენ მიირთმევთ პატარა ბანანს, რადგან დიდი ზომის ბანანი კვალიფიცირდება, როგორც ორი პორცია.

ყურძენი

შაქრის შემცველობა ყურძენში: 14,9 გ.

ყურძნის მირთმევისას ასევე უმჯობესია ზომიერების დაცვა.

Საზამთრო

შაქრის შემცველობა საშუალო ზომის ერთ თას კუბიკებად დაჭრილ საზამთროში: 9.42 გ.

საზამთრო შეიძლება შეიცავდეს შაქარს, მაგრამ ნახშირწყლების ნაკლებობას, რაც ნიშნავს იმას, რომ მისი მიღება ნაკლებას ზრდის სისხლში შაქრის დონეს.