მარიამ ფოლადაშვილი

ამ მიზეზებს შორისაა: დეჰიდრატაცია, გარემოს მაღალი ტემპერატურის ფონზე ვარჯიში, კუნთების დაძაბულობა.

ვარჯიშის შემდეგ განვითარებულ თავის ტკივილს თან ახლავს თავის ტკივილი როგორც მარჯვენა, ისე მარცხენა ნაწილში და პულსაციის შეგრძნება. ამ ტიპის თავის ტკივილს პირველადი თავის ტკივილი ეწოდება და როგორც წესი, სერიოზულ დარღვევაზე ან დაავადებაზე არ მიუთითებს. ტკივილი შესაძლოა გაგრძელდეს 5-დან 48 საათამდე.

დეჰიდრატაცია

ვარჯიშისას ოფლთან ერთად იკარგება სითხე და ელექტროლიტები. წყალი და ელექტროლიტები კი ორგანიზმის ჰიდრატაციას განაპირობებენ. იმ შემთხვევაში თუ ვარჯიშის შემდეგ ადამიანები არ იღებენ საკმარისი რაოდენობით სითხეს, შესაძლოა განვითარდეს დეჰიდრატაცია. დეჰიდრატაცია კი თავის მხრივ იწვევს თავის ტკივილს.

სიმპტომები, რომლებიც დეჰიდრატაციაზე მიუთითებს:

• წყურვილის შეგრძნება;
• დაღლილობის შეგრძნება;
• პირის სიმშრალე;
• თავბრუსხვევა

დაძაბულობის თავის ტკივილი

დაძაბულობის თავის ტკივილი ვარჯიშის დროს კუნთების დაძაბულობამ ან არასწორი პოზიციის გამო კუნთების დაჭიმვამ შეიძლება გამოიწვიოს. ტკივილი ვრცელდება კისრის, თავის უკანა ნაწილში.

ვარჯიშის შემდეგ თავის ტკივილის მიზეზებს შორისაა სისხლში შაქრის დონის შემცირება, რომელიც იმ შემთხვევაში ვითარდება, როდესაც ადამიანი ვარჯიშის წინ არ იღებს საკმარის კალორიებს. ნახშირწყლები ორგანიზმში გლუკოზად გარდაიქმნება. ტვინის ნორმალური ფუნქციონირებისთვის სწორედ გლუკოზაა საჭირო. მისი ნაკლებობის შემხვევაში ვითარდება სხვადასხვა სიმპტომი, მათ შორის თავის ტკივილი.

ვარჯიშის შემდეგ თავის ტკივილის თავიდან ასაცილებლად საჭიროა დიდი რაოდენობით სითხის მიღება, რათა არ განვითარდეს დეჰიდრატაცია.

თავის ტკივილის შემთხვევაში შესაძლებელია მსუბუქი ვარჯიში, როგორიცაა იოგა ან მედიტაცია. ეს ვარჯიშები ხელს უწყობს კუნთების დაძაბულობის შემცირებას.

პრევენციისთვის: მოერიდეთ სიცხეში ვარჯიშს, მოიწესრიგეთ ძილის რეჟიმი, მიიღეთ სითხე და საჭირო კალორიები, ნუ გამოტოვებთ საუზმეს.