როგორ შევამციროთ შაქარზე დამოკიდებულება
შაქარი ბუნებრივად შედის ხილის, ბოსტნეულის, რძის ნაწარმის შემადგენლობაში(თუმცა, ისინი ბოჭკოსა და ცილასაც შეიცავენ, რაც გლუკოზის დონის აწევას აფერხებს, ამიტომ მათში არსებული შაქარი არ არის ისეთი მავნე როგორიც, ტკბილეულშია). ზოგიერთი პროდუქტი კი ხელოვნურად დამატებულ შაქარს შეიცავს. დამატებული ანუ თავისუფალი შაქარი ჯანმრთელობისთვის საზიანოა. ის ზედმეტი კალორიების წყაროა და საკვებს კვებით ღირებულებას ვერ სძენს.
შაქრის მიღება ორგანიზმში იწვევს ენერგიის მოზღვავებას. დოფამინის დონის მომატება კი ამაღლებს გუნება-განწყობას, ხოლო ენდორფინების მომატება სხვა ქიმიურ ნაერთებთან შეკავშირების შემდეგ ადამიანს ხალისს მატებს. აქედან გამომდინარე, ადამიანი შესაძლოა უნებლიედ გახდეს შაქარზე დამოკიდებული.
შაქარზე დამოკიდებულების მთავარი ნიშანი ტკბილეულისადმი ლტოლვაა. შაქარზე დამოკიდებულება იწვევს წონის მატებას, რაც განწყობის დაქვეითებას განაპირობებს და ხელს უწყობს ადამიანის მიერ უფრო მეტი ტკბილეულის მოხმარებას.
როგორ შევამციროთ შაქარზე დამოკიდებულება
რაციონიდან შაქრის შემცველი ყველა პროდუქტის ერთბაშად ამოღებამ შესაძლოა გამოიწვიოს: უგუნებობა, მოუსვენრობა, მოთენთილობა.
უკეთესი ალტერნატივაა, ტკბილეული ჩანაცვლდეს ბუნებრივი და ჯანსაღი პროდუქტებით. სპეციალისტების რეკომენდაციით, დამოკიდებულების დასაძლევად უმჯობესია:
- რაციონიდან ნელ-ნელა (ყოველ კვირა თითო) ტკბილი პროდუქტი ამოიღოთ(მაგალითად, სადილს არ დავაყოლოთ დესერტი, ჩაისა თუ ყავაში ნაკლები შაქარი ჩავყაროთ);
- მიიღოთ შაქარი სხვა წყაროებიდან(მაგალითად, ცოცხალი კენკრა, ასევე, მივიღოთ ნაკლებცხიმიანი რძე)
- მიიღეთ ცილოვანი საკვების (ხორცი, კვერცხი, პარკოსნები, თხილეული) , რადგან ცილა, რაფინირებული ნახშირწყლებისა და შაქრისგან განსხვავებით, სისხლში გლუკოზის დონის მკვეთრ მატებას არ იწვევს.
- რაციონში დაამატოთ ბოჭკოვანი პროდუქტები: ხილი, ბოსტნეული, მსხვილი ბურღული.
- კვების რაციონში ნელ-ნელა ხილისა და ბოსტნეულის რაოდენობის გაზრდა;
- მიიღოთ რაც შეიძლება მეტი წყალი;
- დაკავდეთ ფიზიკურად აქტიური ცხოვრების წესით (ცურვა, სეირნობა, სიარული, ვარჯიში)