ყურის ინფექციები და პრევენცია
შუა ყურის ანთება შეიძლება განვითარდეს მოზრდილ ბავშვებსა და მოზრდილებში, მაგრამ ყველაზე ხშირია 3 თვიდან 3 წლამდე ასაკის ბავშვებში. იგი ხშირად თან ახლავს გაციებას. ჩვილებსა და ადრეული ასაკის ბავშვებში ევსტაqის მილი ჰორიზონტალურად არის მოთავსებული, წვრილია, ნაკლებად მყარი და მოკლე, ამიტომ ადვილად იხშობა სეკრეტით, რომელიც შუა ყურის ახლოს გროვდება და ხელს უშლის შუა ყურში ჰაერის ვენტილაციას. გარდა ამისა, სეკრეტი შეიძლება, შეიცავდეს ვირუსებს და ბაქტერიებს, რომლებიც იქვე მრავლდება და იწვევს ინფექციას. ჩვილებში ვირუსები და ბაქტერიები ადვილად შეიძლება გადავიდეს მოკლე ევსტაqის მილიდან უკან და გამოიწვიოს შუა ყურის ანთება. ამასთან, საწოვარას გამოყენება ასუსტებს ევსტახის მილის ფუნქციას და ამის გამო ჰაერის შეღწევა შუა ყურში ფერხდება.
ყურის ინფექციებს თან ახლავს ტკივილი, რომელსაც, ძირითადად, ანთება იწვევს.
შუა ყურის ანთება, ჩვეულებრივ, მოულოდნელად იჩენს თავს, რა დროსაც, აღინიშნება ყურის ტკივილი, სმენის დაქვეითება, ყურში სითხის დაგროვება, თავბრუსხვევა, ვერტიგო.
სხვა სიმპტომები მოიცავს:
- ძილის პრობლემებს;
- ყლაპვის გაძნელებას, შესაბამისად მადის დაქვეითებას;
- ტემპერატურას;
- ყურის სიწითლე
შესაძლოა თან ახლდეს ცხვირიდან გამონადენი, ხველა.
ხშირად დაფის აპკის უკან გროვდება სითხე, რომელიც მწვავე ინფექციის გავლის შემდეგაც რჩება. ამ დარღვევას შუა ყურის სეკრეტორულ ოტიტს უწოდებენ.
ყურის ანთების პრევენციისთვის აუცილებელია
- ალერგიის კონტროლი;
- იმუნიზაცია;
- მოერიდეთ სიგარეტის კვამლით დაბინძურებულ გარემოს
