გულძმარვა - რა უნდა ვიცოდეთ მის შესამსუბუქებლად
30.11.2022
გულძმარვის მიზეზი, ჩვეულებრივ, საყლაპავის ქვედა სფინქტერის ტონუსის დაქვეითებაა.
მას თან ახლავს წვისა და ტკივილის შეგრძნება მკერდის ძვლის უკან, რომელსაც მჟავა რეფლუქსი - კუჭიდან საყლაპავში მჟავას ამოსვლა იწვევს. გულძმარვა ხშირად ძლიერდება ჭამის შემდეგ, საღამოობით, წინ დახრისას.
გულძმარვა შეიძლება გამოიწვიოს ცხარე საკვებმა, ცირტუსებმა, ცხიმიანმა და შემწვარმა საკვებმა, შოკოლადმა, კოფეინმა, ალკოჰოლმა. რისკ-ფაქტორებია ჭარბი წონა, დიდი ულუფებით კვება, ორსულობა.
გულძმარვის შესამსუბუქებლად:
- საჭიროა წონის კონტროლი - ჭარბი წონა ზრდის მუცელშიდა წნევას. ეს კი მჟავას საყლაპავში დაბრუნებას იწვევს;
- მნიშვნელოვანია, იმ საკვების მიღებისგან თავის შეკავება, რომელიც აძლიერებს გულძმარვას;
- ჭამის შემდეგ სამი საათის განმავლობაში არ არის სასურველი დაწოლა;
- არ არის რეკომენდებული გვიან ჭამა;
- მოერიდეთ თამბაქოს და ალკოჰოლს;
- არ მიირთვათ დიდი ულუფები
- მიირთვით ბოჭკოს შემცველი პროდუქტები, მთლიანი მარცვლეული, სტაფილო, ბროკოლი, თხილეული. მიიღეთ ხილი, რომელსაც წყლის მაღალი შემცველობა აქვს - ეს პროდუქტები ხელს უწყობს გულძმარვის შემსუბუქებას.
