რა არის თვალის ციფრული გადაძაბვა და რა უნდა გავითვალისწინოთ გადაძაბვის შესამსუბუქებლად
სხვადასხვა მოწყობილობის ეკრანის ყურებისას, მუშაობისას, განსაკუთრებით კი ეკრანიდან კითხვისას თვალი დიდი დატვირთვით მუშაობს, რაც დამატებით სტრესს წარმოადგენს თვალისთვის და იწვევს მის გადაძაბვას. ეკრანის ყურებისას დიდი მნიშვნელობა აქვს დისტანციას არასწორი დისტანციიდან ყურება აძლიერებს თვალის დატვირთვას.
თვალის გადაძაბვის სიმპტომებია:
- დისკომფორტი თვალის არეში;
- თვალების სიმშრალე, გაღიზიანება;
- ბუნდოვანი მხედველობა;
- ფოკუსირების გაძნელება;
- მგრძნობელობის მომატება სინათლის მიმართ;
- თავის ტკივილი;
- კისრისა და მხრების ტკივილი
თვალის გადაძაბვის შესამსუბუქებლად არსებობს რამდენიმე ტიპის ვარჯიში. მათ შორის:
ფიგურა რვიანი:
ამ დროს თვალი უნდა ფოკუსირდეს იატაკის რომელიმე წერტილზე, შემდეგ 30 წამის განმავლობაში თვალის მოძრაობით უნდა შემოიხაზოს რვიანის ფორმა მარჯვნიდან მარცხნივ, შემდეგ კი პირიქით.
თვალის მოძრაობა:
დახუჭულ მდგომარეობაში ამოძრავეთ თვალი ჯერ ზემოთ და ქვემოთ, შემდეგ კი მარჯვნივ და მარცხნივ. გაიმეორეთ თითოეული მოძრაობა სამჯერ.
თვალის გადაძაბვის შესამცირებლად დიდი მნიშვნელობა აქვს სწორი დისტანციის გათვლას:
თვალსა და ეკრანს შორის დისტანცია უნდა იყოს 1 მეტრი, ხოლო მოწყობილობის ეკრანი მოთავსებული უნდა იყოს თვალიდან დაახლოებით 15 სანტიმერით ქვემოთ.