როგორ ამოვიცნოთ გაფუჭებული სურსათი?
- სწორედ ამ დროს იწყებენ ისინი აქტიურ გამრავლებას. ამიტომაა, ზაფხულობით ასე რომ ხშირდება მოწამვლა. მის თავიდან ასაცილებლად გულისყურით უნდა მოვეკიდოთ სურსათის შერჩევას და ზედმიწევნით დავიცვათ მისი შენახვის წესები.
რძის ნაწარმი მალფუჭებადი პროდუქტების რიცხვს მიეკუთვნება, ამიტომ მისი ადგილი მხოლოდ მაცივარშია. ხაჭო, იოგურტი, არაჟანი, ნაღები, მაწონი, კეფირი, ნადუღი და პასტერიზირებული რძე +4 0ც-ზე უნდა ინახებოდეს. სტერილიზირებულმა რძემ შეიძლება 20 გრადუსსაც გაუძლოს.ამიტომ რძის ნაწარმი მხოლოდ იმ მაღაზიებში უნდა შევიძინოთ, სადაც სამაცივრე მოწყობილობები აქვთ. თუმცა ეს იმას არ ნიშნავს, რომ უვარგის პროდუქტს ასეთ მაღაზიაში ვერ წააწყდებით.
სამწუხაროდ, ყველა სავაჭრო პუნქტი როდი ეკიდება პასუხისმგებლობით სურსათის შენახვის წესებს, ამიტომ მალფუჭებადი პროდუქციის შეძენისას ყურადღებით წაიკითხეთ წარმოების თარიღი და შენახვის ვადა, ეცადეთ, რაც შეიძლება ახალი ნაწარმი შეიძინოთ.
როგორ ამოვიცნოთ გაფუჭებული სურსათი?
- ფერით: კვერცხი იმღვრევა, ხორცი იღებს არასასიამოვნო მომწვანო ელფერს, ბოსტნეული იწყებს გამუქებას, რაც იმას ნიშნავს, რომ ლპობის პროცესი დაიწყო.
- სუნით: ყველა პროდუქტი, განსაკუთრებით - ხორცი და კვერცხი, გაფუჭებისას იღებს სპეციფიკურ სუნს.
- თუ საკვებმა ფერი და სუნი არ იცვალა, მაგრამ არ მოგეწონათ მისი გემო, ნუ შეჭამთ - ეს იმას ნიშნავს, რომ ორგანიზმმა სიგნალი მოგცათ საფრთხის თაობაზე.
- ყურადღება მიაქციეთ პროდუქტის სტრუქტურასა და კონსისტენციას. ნებისმიერი ცვლილება იძლევა ეჭვის საფუძველს.
- გაფუჭების ნიშანია, როდესაც ხორცი ფაშრდება, კვერცხი ლაყლაყებს, ხოლო ბოსტნეული დარბილებულია.