როგორ შევანელოთ დაბერება
ვაკონტროლოთ არტერიული წნევა, მეტი ვიმოძრაოთ და უარი ვთქვათ მავნე ჩვევებზე.
არასოდესაა გვიან სწავლა, ახალი ინფორმაციის მიღება, უცხო ენების შესწავლა, ექსკურსიებზე სიარული, წიგნების კითხვა. ამ ყველაფერს კოგნიტიური რეზერვის შექმნაში თავისი წვლილი შეაქვს. ასევე დამტკიცებულია, რომ დაბალი აქტივობის მქონე ადამიანებში, ასაკთან ერთად კოგნიტიური ფუნქციები უარესდება. ჯანდაცვის მსოფლიო ორგანიზაცია მოგვიწოდებს კვირაში 150 წუთი ინტენსიური ან 300 წუთი საშუალო ინტენსივობის ფიზიკური დატვირთვისაკენ. რაც უფრო მეტს მოძრაობს ადამიანი, მით უკეთესია ხანდაზმულ ასაკში მისი კოგნიტიური ფუნქციები.
აუცილებელია არტერიული წნევის კონტროლი. ეს არის დემენციის, ინფარქტის, ინსულტის, გულის და თირკმელების დაზიანების პროფილაქტიკა.
ეკოლოგიურად არაკეთილსაიმედო რაიონებში მცხოვრები ადამიანები ბუნებაში უფრო მეტ დროს უნდა ატარებდნენ, რაც დადებითად იმოქმედებს მათი ტვინის მუშაობაზე.