ძალოვანი ვარჯიშები ძილს აუმჯობესებს
ყველა მათგანი უპირატესად მჯდომარე ცხოვრების წესით ცხოვრობდა. მონაწილეები შემთხვევითობის პრინციპით დაყვეს ოთხ ჯგუფად. ერთი წლის განმავლობაში ერთი ჯგუფი კვირაში 3-ჯერ ერთი საათი ვარჯიშობდა აერობული (კარდიო) ვარჯიშებით, მეორე ჯგუფი წინააღმდეგობაზე (ძალოვანი) ვარჯიშებით, მესამე კარდიო და ძალოვანი ვარჯიშებით, ხოლო მეოთხე საკონტროლო ჯგუფი საერთოდ არ ვარჯიშობდა.
ამ წლის განმავლობაში ყველა მონაწილეს უტარდებოდა მრავალრიცხოვანი გამოკვლევა და ტესტირება, მათ შორის ძილის ხარისხისა და ხანგრძლივობაზეც. აღმოჩნდა, რომ კვლევის დაწყებისთვის მონაწილეთა მესამედზე მეტი უჩიოდა ცუდ ძილს. ერთწლიანი ფიზიკური აქტიური ცხოვრების შემდეგ, მონაწილეთა ნახევარს ძალოვანი ჯგუფიდან ძილის ხანგრძლივობა საშუალოდ, 40 წუთით გაეზარდა. შედარებისთვის აერობულ ჯგუფში ეს მაჩვენებელი მხოლოდ 23 წუთით, შერეულში 17 წუთით, საკონტროლო ჯგუფში კი 15 წუთით გაიზარდა.
ამასთან ძალოვან ჯგუფში ჩაძინების სიჩქარე საშუალოდ 3 წუთით გაიზარდა, მაშინ როცა სხვა ჯგუფებში ეს მაჩვენებელი არ შეცვლილა. ამას გარდა ძალოვანი ჯგუფის მონაწილეებში გაუმჯობესდა ძილის ეფექტურობა, ანუ ძილში გატარებული დროის რაოდენობა, საწოლში ყოფნის მთელი დროის განმავლობაში.
მიღებული შედეგებიდან გამომდინარე, მეცნიერები მივიდნენ იმ დასკვნამდე, რომ ძალოვანი ვარჯიშები შეიძლება უძილობასთან ბრძოლის და შესაბამისად, გულისა და სისხლძარღვების მდგომარეობის გაუმჯობესების ახალი მეთოდი გახდეს.