გულძმარვის სამკურნალო მედიკამენტები, დეჰიდრატაცია, ტკივილგამაყუჩებლების ჭარბი მოხმარება, ყელის სტრეპტოკოკი, გაზიანი სასმელები და სხვ.- საფრთხე, რომელიც თირკმელებს ემუქრება - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

გულძმარვის სამკურნალო მედიკამენტები, დეჰიდრატაცია, ტკივილგამაყუჩებლების ჭარბი მოხმარება, ყელის სტრეპტოკოკი, გაზიანი სასმელები და სხვ.- საფრთხე, რომელიც თირკმელებს ემუქრება

ჭარბი პროტეინი

ცილები ჯანსაღი კვების შეუცლელი კომპონენტია, თუმცა, დიდი რაოდენობით პროტეინი თირკმელებს ვნებს. თუ თირკმლის პრობლემები გაწუხებთ, გირჩევთ შეამციროთ ცილის შემცველი პროდუქტების ჭარბად მიღება. მცირე ულუფებით მიირთვით სხვადასხვა სახის ცილოვანი საკვები, მაგალითად, კვერცხი, თევზი, ლობიო, თხილეული და სხვ.

მარილი

ის რომ მარილი მავნე პროდუქტია და მისი ჭარბი მოხმარება ჩვენი ჯანმრთელობისთვის საზიანოა, ყველამ კარგად ვიცით. დიდი რაოდენობით მარილი არტერიული წნევის მატებას იწვევს, ამასთან, თირკმლის დაზიანებასაც უწყობს ხელს. ჭარბი რაოდნეობით მარილიანი საკვების მიღება, თირკმელებში კენჭების გაჩენას იწვევს, რასაც სიმპტომურად ძლიერი ტკივილი, გულისრევა და შარდვის პრობლემები ახასიათებს.

მოწევა

მაღალი არტერიული წნევა და შაქრიანი დიაბეტი ტიპი 2- თირკმელების დაავადებების წამყვანი მიზეზებია. თამბაქო ორივე დაავადების სამკურნალო მედიკამენტების ეფექტურობას ამცირებს, ის ნეგატიურად აისახება, როგორც სისხლის წნევაზე, ასევე შაქრის დონეზეც. ამასთან, თამბაქო თირკმელებში სისხლის მიმოქცევას ანელებს, რაც განსაკუთრებულ პრობლემას წარმოადგენს მათთვის, ვისაც თირკმლის დაავადებები აწუხებთ.

ალკოჰოლი

ისინი, ვინც ჭარბად მოიხმარენ ალკოჰოლს, თირკმლის ქრონიკული დაავადებების განვითარების მომატებული რისკი აქვთ. ალკოჰოლი წამყვანი მიზეზია თირკმლის მწვავე დაზიანების. მისი დიდი რაოდენობით მოხმარების გამო, შესაძლოა, დიალიზიც კი დაგჭირდეთ.

გაზიანი სასმელები

თუ დღეში 2 ან მეტ გაზიან სასმელს მიირთმევთ, იმის ალბათობა, რომ თირკმლის პრობლემები შეგაწუხებთ, მატულობს.მაგალითად, ერთ-ერთი კვლევისას ქალბატონები, რომლებიც დიეტურ გაზიან სასმელებს მიირთმევდნენ, 20 წლის შემდეგ 30%-ით ნაკლებად ჯანსაღი თირკმელები ჰქონდათ, ვიდრე სხვა ქალბატონებს.

დეჰიდრატაცია

თირკმელებს სჭირდება წყალი, რათა ნორმალური ფუნქციონირება შეძლონ. არასაკმარისი რაოდენობის სითხის მიღება, თირკმელებს აზიანებს. სახეზე მკრთალი მოყვითალო შეფერილობა, შესაძლებელია, დეჰიდრატაციაზე მიუთითებდეს.

ტკივილგამაყუჩებლები

რეგულარულად დიდი რაოდენობით ტკივილგამაყუჩებლების მიღება საზიანოა და თირკმელებს აზიანებს. ფრთხილად იყავით არასტეროიდული ანთების საწინააღმდეგო მედიკამენტებთან - ასპირინი, იბუპროფენი, ნაპროქსენი და სხვ. აუცილებელია, შეწყვიტოთ მათი ჭარბად მოხმარება და ტკივილგამაყუჩებლები ექიმის დანიშნულებისამებრ მიიღოთ.

ზედმეტი ვარჯიში

გამუდმებით ზედმეტმა ვარჯიშმა შესაძლოა, რაბდომიოლიზი გამოიწვიოს, რომლის დროსაც დაზიანებული კუნთოვანი ქსოვილი სწრაფად იშლება. მოერიდეთ მაღალი ტემპერატურისა და ტენიანობის პირობებში ვარჯიშს. მიმართეთ ექიმს, თუ კუნთების ტკივილი გაქვთ და ამასთან, მუქი შეფერილობის შარდი.

თირკმლებისთვის საზიანოა ანაბოლური სტეროიდებიც- რომლებსაც მამაკაცური ჰორმონის ტესტოსტერონის მსგავსი მოქმედება ახასიათებს. მედიკამეტები კუნთოვან მასაზე მოქმედებს, თუმცა, შესაძლებელია, თირკმელზე ნაწიბურის გაჩენა გამოიწვიოს. ამ დროს სხეულის სხვადასხვა ნაწილის შეშუპება, სისხლში პროტეინების დაქვეითება და ქოლესტერინის მაღალი დონე შეინიშნება.

გულძმარვის სამკურნალო მედიკამენტები

წამლები, რომლებსაც პროტონული ტუმბოს ინჰიბიტორები( PPI) ეწოდება და კუჭის მჟავიანობას ამცირებენ, დიდი ხნით არ უნდა გამოვიყენოთ. მათი ხანგრძლივი მიღება, თირკმლის შეშუპებას იწვევს. ზოგიერთი კვლევის თანახმად, PPI-ის ხანგრძლივად გამოყენება, თირკმლის სერიოზულ დაავადებებსაც იწვევს. თუ თირკმელები გაწუხებთ, შესაძლებელია, მკურნალმა ექიმმა H2 ბლოკატორის ტიპის გულძმარვის სამკურნალო პრეპარატი დაგინიშნოთ.

ყელის სტრეპტოკოკი

ინფექციის წინააღმდეგ საბრძოლველად ორგანიზმი ანტისხეულებს გამოიმუშავებს. იმ შემთხვევაში, თუ ინფექცია ორგანიზმში ხანგრძლივადაა, თირკმლის ფილტრაცია რთულდება და ის ზიანდება. ყელის სტრეპტოკოკი ერთ-ერთი ყველაზე საფრთხილო ინფექციაა, რომელმაც შესაძლოა, თირკმელები დააზიანოს.