ლალი ჩხიკვაძე

1. მამა შვილისთვის მაგალითი უნდა იყოსსიცოცხლის პირველ წლებში ბავშვი მუდამ დედის გვერდითაა და მის გარეშე სიცოცხლე ვერ წარმოუდგენია, მაგრამ ექვსი წლიდან ვაჟი თავს უფრო მეტად მამასთან აიგივებს, აკვირდება, რას და როგორ აკეთებს ის და მიბაძვას ცდილობს. განვითარების ეს პერიოდი ძალიან მნიშვნელოვანია. ის აყალიბებს წარმოდგენას, როგორი უნდა იყოს და როგორ იქცეოდეს მამაკაცი, ამიტომ მამა ზედმიწევნით უნდა დაუკვირდეს საკუთარ ქცევას.

2. დედის სიყვარული უპირობოა

დედის სიყვარული ფასდაუდებელია. ფსიქოლოგებს მიაჩნიათ, რომ დედის სიყვარულისა და ალერსის უკმარისობა მამაკაცისთვის ქალებთან ურთიერთობაში და, საზოგადოდ, ოჯახურ ცხოვრებაში თავჩენილი პრობლემების მთავარი მიზეზია. მაგრამ სიყვარული ორმხრივი უნდა იყოს. დედა ზოგჯერ ქალურად სუსტიც უნდა გამოჩნდეს, რათა ვაჟს მიეცეს მისდამი მზრუნველობის გამოხატვის საშუალება. ასეთ სიტუაციებში დიდ როლს ასრულებს მამაც ცოლისადმი მზრუნველი დამოკიდებულებით. ქცევის სწორედ ეს მოდელი პროეცირდება მომავალში შვილის ოჯახში.

3. ფიზიკური განვითარება და დისციპლინა

ვაჟები იმთავითვე მოძრავები, აქტიურები არიან, უშუალო კონტაქტით ცდილობენ სამყაროს შეცნობას. უმჯობესია თქვენმა ვაჟმა ენერგია დახარჯოს არა ეზოში უსაქმოდ დგომაში, არამედ სპორტულ დარბაზში, სადაც დისციპლინაც გამოუმუშავდება და ფიზიკურადაც განვითარდება.

4. ასწავლეთ შვილს სირთულეების გადალახვა და დამარცხებისადმი მართებული დამოკიდებულება

5. წაახალისეთ დამოუკიდებლობის, ინიციატივისა და ღირსების გრძნობის ყოველგვარი გამოხატულება

ეს მამაკაცს სჭირდება, რათა მომავალში სრულად შეძლოს საკუთარი თავის რეალიზება. თუ ვაჟი დარწმუნებულია, რომ მას აქვს არჩევანი და უბრალოდ მშობლების განკარგულებათა შესრულება არ ევალება, მას განუმტკიცდება ღირსების გრძნობა და საკუთარი თავის რწმენა. ამასთან, ბავშვმა თავისი არჩევანი ქმედებით უნდა გაამყაროს და დაწყებული საქმე ბოლომდე მიიყვანოს.

6. წაახალისეთ შემეცნების, ინტელექტულაური განვითარების, შემოქმედების სურვილი

ბიჭებისთვის განსაკუთრებით დამახასიათებელია შემეცნებისადმი სწრაფვა. მათ ყველაფერი აინტერესებთ: როგორ არის მოწყობილი სათამაშო, რატომ მოდის წვიმა, სად ცხოვრობენ სპილოები, რაგორ მიდის მანქანა. მოამარაგეთ წიგნებით, ეცადეთ, საინტერესო ადამიანებთან ჰქონდეს ურთიერთობა. იმისთვის, რომ აღვზარდოთ ნამდვილი მამაკაცი, ზრუნვა დაბადებიდანვე უნდა დავიწყოთ.