ბავშვები ადვილად რომ არ დაავადდნენ - გიორგი ღოღობერიძე სასარგებლო რჩევებს გვიზიარებს - მკურნალი.გე

1-ლი რჩევა

ბავშვს არ სჭირდება ზედმეტი სტერილურობა და ზედმეტი სისუფთავე. სტატისტიკის მიხედვით, აფრიკაში, ან თუნდაც ჩვენ გარშემო, ბავშვები, რომლებიც ხშირად არიან გარეთ, ან უწევთ ცუდ პირობებში ცხოვრება, უფრო მეტად ჯანმრთელები არიან, ვიდრე ისინი, ვისაც მშობლები სულ თავს ევლებიან. თუ ბავშვის იმუნური სისტემა არ ხვდება არავითარ პათოგენს, ვირუსს, ბაქტერიას, სოკოს მაშ როგორ უნდა იბრძოლოს? ეს იგივეა რაც ვარჯიშის გარეშე რინგზე შესვლა, რადგან გამოცდილებისა და ვარჯიშიც გარეშე ვერ გაიმარჯვებთ, ზუსტად ასეა ბავშვების შემთხვევაშიც. აქედან გამომდინარე მიეცით ბავშვს თავისუფლება, არ არის საჭირო ზედმეტი სტერილურობა.

მე-2 რჩევა

ხშირად მშობლები დიდ შეცდომას უშვებენ, როცა ბავშვს დამატებით ვიტამინებს აძლევენ. აუცილებლად უნდა მოერიდოთ ქიმიურ დანამატებს. ამის ნაცვლად ჯობია, რომ ბუნებრივი საშუალებებით გაუმდიდროთ იმუნური სისტემა. უყიდეთ ბევრი ხილი, ბოსტნეული, რომლებიც ვიტამინების ცოცხალი წყაროა.

მე-3 რჩევა

მშობლები ხშირად უჩივიან ბავშვის უმადობას და აძალებენ საკვების მიღებას, რაც მიუღებელია. იმისათვის, რომ ბავშვს მადა ჰქონდეს, დატვირთეთ იგი ფიზიკურად, გაუშვით ეზოში სათამაშოდ და თვითონ გაუჩნდება შემდეგ ჭამის სურვილი

მე-4 რჩევა

ბავშვებისათვის აუცილებელია დასვენება. თუ ის დიდი ხნის განმავლობაში ითამაშებს, იმეცადინებს, მაშ როდისღა უნდა აღიდგინოს მან ენერგია. ამიტომაც საჭიროა სწორი დასვენება. გაუშვით შაბათ-კვირას სოფელში დასასვენებლად, რატომ მაინცდამაინც სოფელში? იმიტომ, რომ იქ გაცილებით სუფთა ჰაერია და ბავშვიც მარტივად მოახერხებს ენერგიის აღდგენას.