მეცნიერები მოგვიწოდებენ, უკონტროლოდ არ გამოვიყენოთ გულძმარვის სამკურანალო მედიკამენტები
ამ დასკვნამდე მივიდნენ ვენის სამედიცინო უნივერსიტეტის (ავსტრია) მკვლევარები. კვლევის შედეგები ჟურნალ Nature Communications-ში გამოქვეყნდა.
მკვლევარებმა გააანალიზეს ჯანმრთელობის დაზღვევის მონაცემები 2009 წლიდან 2013 წლამდე, რომელიც მოიცავს ავსტრიაში მცხოვრებ რვა მილიონზე მეტ მოქალაქეს, რაც წარმოადგენს ქვეყნის მოსახლეობის 97%-ს. მკვლევარებმა ყურადღება გაამახვილეს სხვადასხვა ტიპის ანტაციდების (კუჭის მჟავიანობის შემამცირებელი წამლები) და ალერგიის სამკურნალო საშუალებების რეცეპტებზე.
მონაცემების ანალიზმა აჩვენა, რომ ადამიანებს, რომლებიც რეგულარულად იღებდნენ ანტაციდებს, თითქმის ორჯერ მეტი შანსი ჰქონდათ მოგვიანებით დანიშვნოდატ ალერგიის საწინააღმდეგო მედიკამენტები. უფრო მეტიც, ეს რისკი მნიშვნელოვნად მაღალი აღმოჩნდა ქალებში, ვიდრე მამაკაცებში: 2.1 - 1.7-ის წინააღმდეგ. მაგრამ ალერგიის განვითარების შანსი განსაკუთრებით მაღალი იყო 60 წელზე უფროსი ასაკის ადამიანებში, რომლებიც იღებენ ანტაციდებს. მათთან ეს რისკი 5,2-ჯერ იზრდებოდა. ამავდროულად, კვლევის ავტორების თქმით, საუბარია წამლების საკმაოდ დიდ დოზებზე - ალერგიული რეაქციების განვითარების რისკის გასაზრდელად, ერთი წლის განმავლობაში ანტაციდების მინიმუმ ექვსი დოზის მიღებაა საჭირო.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
როგორც მკვლევარებმა დაადგინეს, ალერგიის მაღალი რისკი ასოცირდება ყველა სახის ანტაციდებთან, მაგრამ განსაკუთრებით პროტონული ტუმბოს ინჰიბიტორებთან (PPIs) - წამლების პოპულარული კლასი, რომელიც თრგუნავს ჰიდროქლორინის მჟავას სეკრეციას კუჭში. PPI-ები ჩვეულებრივ ინიშნება გასტრიტის, კუჭისა და თორმეტგოჯა ნაწლავის წყლულის და კუჭ-ნაწლავის სხვა დაავადებების დროს.
რაც შეეხება აღმოჩენილი ფენომენის მიზეზებს, ექსპერტები მიიჩნევენ, რომ საუბარია არა კონკრეტულ მედიკამენტებზე, არამედ ზოგადად, მათი მოქმედების შედეგად კუჭში მჟავა-ტუტოვანი ბალანსის დარღვევაზე.
კუჭის წვენის მაღალი მჟავიანობა მოქმედებს როგორც დამცავი ბარიერი, უზრუნველყოფს რა საკვებთან ერთად კუჭში მოხვედრილი სხვადასხვა უცხო ნივთიერებების განადგურებას და ამით არ აძლევს მათ შემდგომ, ნაწლავებში გავლის საშუალებას. ამ დამცავი მექანიზმის შესუსტება, ანუ კუჭის წვენის მჟავიანობის დაქვეითება, იწვევს ამ ნივთიერებების შეღწევას ნაწლავებში და სისხლში, რაც თავის მხრივ იწვევს იმუნური სისტემის გააქტიურებას და ალერგიული რეაქციების განვითარებას.
ანტაციდები - რა არის ისინი? ანტაციდები (ბერძნულიდან anti - წინააღმდეგ და ლათინური acidum - მჟავა) არის მედიკამენტები, რომლებიც ანეიტრალებენ მარილმჟავას, რომელიც წარმოიქმნება კუჭში, მაგრამ რაღაც მომენტში შეიძლება საყლაპავში გადავიდეს, რაც იწვევს გულძმარვას. ანტაციდები მოქმედებენ თითქმის დაუყოვნებლივ, მიღების შემდეგ.
