უმწიფარი ბანანი კიბოსგან გვიცავს?
ასეთი მოულოდნელი აღმოჩენა გააკეთეს ნიუკასლისა და ლიდსის უნივერსიტეტების მკვლევარებმა, რომელთა სტატიაც გამოქვეყნებულია ჟურნალში Cancer Prevention Research.
არამწიფე ბანანი, სიმინდისა და შვრიის ფანტელი, მოხარშული ცივი კაროფილი, მაკარონი, ბრინჯი, ცეხვილი პური, პარკოსნები, ლობიო, მწვანე მუხუდო შეიცავს რეზისტენტულ სახამებელს.
ასეთი სახამებელი, უჯრედისის მსგავსად, არ იწოვება წვრილ ნაწლავში და აღწევს მსხვილ ნაწლავამდე, სადაც სასარგებლო ბაქტერიებისთვის საკვებ ნიადაგად გვევლინება.
რეზისტენტული სახამებლის დამცავი ეფექტი გამოვლენილი იქნა საერთაშორისო კვლევის ფარგლებში რომელშიდაც მონაწილოებდა გენეტიკური დაავადების - ლინჩის სინდრომის მქონე 1000 პაციენტი მსოფლიოს სხვადასხვა ქვეყნიდან. აღნიშნული დაავადების დროს მნიშვნელოვნდაა გაზრდილი გარკვეული ტიპის, მათ შორის ნაწლავის კიბოს განვითარების რისკის 50 წლამდე ასაკში.
1999–2005 წლებიდან მოყოლებული მონაწილეთა ნაწილი ყოველდღიურად ღებულობდა საკვებთან ერთად 30 გრ რეზისტენტული სახამებლის ფხვნილს, რაც დაახლოებით შეესაბამებოდა ერთ მწვანე ბანანს, დანარჩენები კი იღებდნენ პლაცებოს.
10-20 წლის შემდეგ მეცნიერებმა გააანალიზეს მონაწილეთა ჯანმრთელობის მდგომარეობის შესახებ მონაცემები. აღმოჩნდა, რომ რეზისტენტული სახამებლის მიღება არ მოქმედებდა ნაწლავის კიბოს რისკზე, მაგრამ 60%-ით ამცირებდა საჭმლის მომნელებელი ტრაქტის ზედა განყოფილების ონკოლოგიური დაავადებების: საყლაპავის, კუჭის, ნაღვლისგამომყოფი გზების, კუჭუკანა ჯირკვლის და 12-გოჯა ნაწლავის კიბოს განვითარების რისკს.
ამასთან ეს საოცარი ეფექტი გრძელდებოდა რეზისტენტული სახამებლის მიღების შეწყვეტიდან არანაკლებ 10 წლის განმავლობაში.
მკლვევარები ვარაუდობენ, რომ რეზისტენტული სახამაებელი ცვლის ნაღვლის მჟავების ბაქტერიულ მეტაბოლიზმს, რის შედეგადაც ქვეითდება ისეთი ტიპის ნივთიერებების მოცულობა, რომლებიც აზიანებენ უჯრედის დნმ-ს და იწვევენ კიბოს.