ხანდაზმულ ასაკში კომპიუტერის გამოყენება აქვეითებს დემენციის რისკს
60-69 წლის ასაკში კომპიუტერის გამოყენება აქვეითებს დემენციის რისკს 15%-ით, ხოლო ტელევიზორის ყურება ზრდის 24%-ით.
ჰიპოდინამიასა და დემენციას შორის არსებობს ურთიერთკავშირი. ერთის მხრივ დაბალი ფიზიკური აქტივობა ზრდის კოგნიტიური დარღვევების რისკს, მეორეს მხრივ მეხსიერების, ყურადღების კონცენტრაციის უნარის დაკარგვის ფონზე ადამიანის საყოფაცხოვრებო აქტივობა კანონზიმიერად ქვეითდება.
მჯდომარე მდგომარეობაში ადამიანი შეიძლება იყოს კოგნიტიურად პასიური (ტელევიზორის ყურება) ან აქტიური (კითხვა, სამაგიდო თამაშები ან კომოპიუტერი).
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
არსებობს მონაცემები, რომ ადამიანები რომლებიც დროის კომპიუტერთან გატარებას არჩევენ, უკეთ ასრულებენ ინტელექტის დონის ტესტებს, მათთან შედარებით ვინც ტელევიზორს ანიჭებს უპირატსობას.
კვლევის დაწყებისას, ყველა გამოსაკვლევი პირის ასაკი იყო 60-69 წელი. დაკვირვების პერიოდში (12 წელი) დარეგისტრირდა დემენციის დაახლოებით 3,5 ათასი შემთხვევა. მკვლევარები ასევე ითვალისწინებდნენ დემოგრაფიულ მაჩვენებლებს, მავნე ჩვევებს, თანმხლებ დაავადებებს, სოციალურ გარემოცვას, კვების ხასიათს და ალცჰაიმერის დაავადებისადმი გენეტიკურ განწყობას. ცნობილი იყო ყველა მონაწილეს ფიზიკური აქტივობის დონე და პასიური დასვენების უპირატსობები. გამოკვლეულები ტელევიზორს უყურებდნენ დღეში საშუალოდ 3,39 ± 1,86 საათს, კომპიუტერთან ატარებდნენ დღეში საშუალოდ 0,93 საათს.
კვლევით დადგინდა, რომ კომპიუტერის გამოყენება აღმოჩნდა დემენციის ანტირისკ-ფაქტორი. ტელევიზორის ყურება კი ზრდიდა დემენციის რისკს. რაც უფრო მეტ ხანს ატარებდა ადამიანი ტელევიზორთან ან კომპიუტერთან, მით ძლიერი იყო ფაქტორის გავლენა დემენციის რისკზე.
კვლევის ავტორების დასკვნით მნიშვნელოვანი ფაქტორია არა მარტო ჰიპოდინამიის ფაქტი, არამედ ის, თუ რას საქმიანობს ამ დროს ადამიანი. მეცნიერებმა შემოგვთავაზეს კომპიუტერსა და ტელევიზორს შორის განსხვავების სავარაუდო ახსნა.
მჯდომარე ცხოვრების წესის სხვადასხვა სახეობის დროს ენერგოდანახარჯების შედარება გვიჩვენებს, რომ ტელევიზორის ყურებისა და კომპიუტერზე ბეჭვდის დროს ენერგოდანახარჯები განსხვავებულია. ამას გარდა, პოპულარული სატელევიზიო პროგრამები საღამოს საათებშია, რასაც თან ახლავს საკვების გვიან მიღება, რაც აღრმავებს მეტაბოლურ დარღვევებს. ამას გარდა, კომპიუტერის ინტერფეისის გამოყენება წარმოადგენს მარტივ კოგნიტიურ ვარჯიშს.
