ყველაზე საშიში დაავადებები - ტოპ 5
1. აივ/შიდსიმეცნიერები ვარაუდობენ, რომ ადამიანის იმუნოდეფიციტის ვირუსი აფრიკაში, საჰარის სამხრეთ ნაწილში წარმოიშვა და მე-19 საუკუნის ბოლოს ან მე-20 საუკუნის დასაწყისში გადავიდა ადამიანზე. იმუნოდეფიციტის ვირუსით ადამიანის ინფიცირებისას დაავადების უკანასკნელი სტადია დაახლოებით ათი წლის შემდეგ დგება. სადღეისოდ მსოფლიოში 35 მილიონზე მეტი ადამიანია აივ-ინფექციის მატარებელი. ადამიანის ორგანიზმში მოხვედრილი ვირუსი ასუსტებს იმუნურ სისტემას და გზას უხსნის სხვა ინფექციებს. ვირუსი შეიძლება გავრცელდეს არასტერილური ნემსით ინექციის, სქესობრივი აქტის, დასნებოვნებული სისხლის გადასხმის დროს ან დედისგან გადაედოს შვილს ორსულობისა და ძუძუთი კვების დროს.2. გრიპი
გრიპი სასუნთქი გზების მწვავე ინფექციური დაავადებაა. ის მწვავე რესპირატორული ვირუსული ინფექციების ჯგუფში შედის. პერიოდულად ვრცელდება ეპიდემიებისა და პანდემიების სახით. ჯანმოს ინფორმაციით, სეზონური ეპიდემიების დროს ვირუსის ყველა სახეობით გამოწვეული ინფექციის შედეგად 250-დან 500 ათასამდე ადამიანი იღუპება. ზოგჯერ მსხვერპლთა რიცხვი წლის განმავლობაში მილიონსაც აღწევს. გრიპი ყველა ასაკის ადამიანს უტევს, თუმცა გარდაცვლილთა უმრავლესობა 65 წელსაა გადაცილებული. ინფექციის წყარო დაავადებული ადამიანია. დაავადება გადამდებია დაავადების პირველივე საათებიდან 5-7 დღის განმავლობაში.
3. მალარია
მალარია ადამიანს მალარიის გადამტანი კოღოს ნაკბენით გადაეცემა. ახასიათებს ციებ-ცხელება, სპლენომეგალია (ელენთის გადიდება), ჰეპატომეგალია (ღვიძლის გადიდება), ანემია. ყოველწლიურად აღირიცხება ადამიანის მალარიით დასნებოვნების 350-500 მილიონი შემთხვევა, რომელთაგან 1,5-3 მილიონი სიკვდილით სრულდება. შემთხვევათა 85-90% აფრიკაში ფიქსირდება. ვარაუდობენ, რომ მომდევნო 20 წლის განმავლობაში სიკვდილიანობა ორჯერ მოიმატებს. მალარიის გავრცელების ადგილებში ცხოვრობს დაახლოებით 2,4 მილიარდი კაცი, რაც დედამიწის მოსახლეობის 34%-ია. ამჟამად ინფექციურ დაავადებებს შორის მალარია სიკვდილიანობის მაჩვენებლის პირველ ადგილს იკავებს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
4. ჰეპატიტი
ეს ღვიძლის ქსოვილის ანთებადი (დიფუზური ან კეროვანი) დაავადებაა, რომელიც სხვადასხვა მიზეზით შეიძლება იყოს გამოწვეული. გამოყოფენ მწვავე და ქრონიკულ ჰეპატიტებს, ღვიძლის ვირუსულ დაზიანებებს: A, B, ჩ, D, E ჰეპატიტებს. A ჰეპატიტი ნაკლებად საშიშია, ხოლო ჰეპატიტის დანარჩენი ფორმები საკმად მძიმედ მიმდინარეობს. ჯანმოს ინფორმაციით, B ჰეპატიტით მსოფლიოში 2 მილიარდი ადამიანია ინფიცირებული. ყოველწლიურად ამ დაავადებით 600 ათასი კაცი კვდება.
5. ტუბერკულოზი
ტუბერკულოზი მსოფლიოში ფართოდ გავრცელებული ინფექციური დაავადებაა. განასხვავებენ მის ღია და დახურულ ფორმებს. ჯანმოს ინფორმაციით, ამჟამად ტუბერკულოზით დაავადებულია დაახლოებით 2 მილიარდი კაცი. ყოველწლიურად ავადდება 9 მილიონი. მათგან 3 მილიონი სხვადასხვა გართულებით კვდება. დაავადებულთა შორის ჭარბობენ 18-დან 26 წლამდე ასაკის ადამიანები.
